前線回來的傷兵 (一)
通常喺坊間買返黎既兵仔, 本身既姿勢末必能夠完全配合到情景所需, 所以一般都需要作出適量既改造.
至於改造既材料同工具就非常之簡單, 分別係雕刻刀具, 銅枝同埋混合不地就OK. 雕刻工具可以用牙簽, 筆刀, 牙醫工具等. 而我就最喜歡用牙簽作為雕刻工具, 因為可以用cutter做出各款你心目中形狀既雕刻刀, 又方便又經濟.
首先喺我既預備隊入面搜尋適合既頭, 身, 手手腳腳 (我會將全部買回來既兵仔d頭, 身, 手腳同裝備剪曬落黎儲埋當係預備隊身黎用), 通常都唔會好夾或者姿勢差dd, 例如以下示範, 我想隻腳直少少. 首先喺關節位將佢分開, 然後鑽孔插入銅枝 (圖四十三).
兩邊插入銅枝後屈出心目中既姿勢 (圖四十四)
記住姿勢要自然同埋唔好同本身既形狀相差太遠 (圖四十五)
最後喺空隙位補上混合不地, 然後用雕刻刀加返關節位同d衣服摺痕同打磿平滑 (圖四十六)
呢個改造方法好處係方便同簡單 - 重點係喺關節位落刀, 唔洗成隻手臂或者成隻腳用混合不地造出黎, 只需補回關節位同衣服摺痕便可, 但係姿勢限制比較大同埋唔可以同本身手腳既形狀相差得太遠., 不過就非常適合初學改造兵仔既人嘗試.
[ Last edited by Joe_Lo on 2006-4-11 at 08:28 PM ]
 附件: 您所在的用戶組無法下載或查看附件
|
分享
