又係update的時候，
昨晚特然想起條帶的紋係有分前後，
今日返到公司至知'奶'嘢(見圖一)，
不過好彩尋日'痴'咗唔係好多格，
今日主要係修正返條帶，
但搞咗好耐至執番靚個型，
叧外...又發現叧一邊其中一條車輪支架之前'痴'果陣向上移咗位，
叧到個車輪唔貼地(見圖二)，
要cut返出嚟移番正個位，
今日淨係整好一邊履帶(見圖三)，
D續格砌履帶真係令人又愛又恨......
明天返公司繼續搞埋叧一邊履帶。

[ 本帖最後由 master_roshi 於 2011-3-10 01:17 AM 編輯 ]

又係update進度的時候，
今日搞掂埋叧一邊的履帶(見圖一)，
不過呢邊履帶'痴'好晒之後，
發覺唔fit，車輪前後有虛位，搞咗好耐都唔得，
最後唯有出術，將幾日前'痴'好的前輪支架cut番開，向前移小小，
反正完成之後條履帶會遮住咗果度睇唔到，
而家fit晒。
炮塔尋晚攞咗返屋企整鑄造紋(見圖二和圖三)，
今日係咁多，組合上都八八九九，差唔多可以上色，
明天返半日，但公司有嘢做冇時間整，收工會帶返屋企埋尾。

係呀.......

係
好基本嘅技術咋播，你無理由唔會識格

搵個機會試吓吖，
好易整，以你嘅技術應該難唔到你，
記憶中我都係第一次做!

又係update的時候，
炮塔加埋D焊接紋就可以完成，
諗住果小小嘢好快搞掂啦，
點知尋晚搞咗幾粒鐘都未得，天光至瞓
起身再要執多一執，原因係二邊的焊接紋唔對稱，
執咗幾次而家都唔係好對稱和滿意，
不過算鬼數，唔再搞喇!
左邊唔係做得咁靚，我較滿意係右邊(見圖一)
因為比較似實車，
另外二個鈎從支架cut出嚟果時斷咗
頭先用銅線做過二個鈎，
個鈎唔難做，唯一要留意係個弧位二支要對稱和一樣，
但真係衰開有條路，
整最後果支時唔小心又再整斷多一節
要用膠條做接駁手術，
屋企無AA膠，
等明天返公司至修補埋條夾口就完成可以噴灰。
今日進度係咁多，
明天返公司繼續

目標係乜呀....?
AFV一或係科幻嘢呀?


多謝......

係呀......，見圖一/二/三


多謝師兄的指導，
你話塔頂兩個潛望鏡底座果度，
係唔係圖四指住果度呀?
果度我唔改啦，
反正我唔係考究派，
炮塔的入水位我估應該係圖三指住果度，
我一直以為入水位上面果條線係焊接紋，
原來係模線嚟......

那兩個入料位模型本身已經有，只不過比較淺，
好......一於聽你講明天返公司整佢深D。
今日冇update.

又update吓先，
今朝返公司將個炮塔後面加強D入水位(見圖一和二)，
尋晚噴灰前留影(見圖三,四,五)

又update吓小小進度，
臨瞓前將個炮塔噴埋灰先，
今日係得咁多，
跟住落嚟係上色的步驟，
有冇師兄可以話我知，
郡是H136蘇聯綠即係油性幾多號?

Thank you
今日無update，因為未買油。
嚟緊呢二/三個月都唔可以係公司度砌模型tim，
因為公司有嘢做。

[ 本帖最後由 master_roshi 於 2011-3-16 01:53 AM 編輯 ]

冇搞一排，update吓先，
尋晚臨瞓前噴咗D陰影，
只係做咗咁多。
今晚如果有時間就噴隻綠色

唔好玩我啦師兄，
我係AFV新手，
我要向你呢D AFV老手學嘢就真。

請問有無師兄知道九龍區邊度有亨寶油賣。thanks

唔該晒師兄

臨瞓前拿拿臨噴埋隻綠色，
有噴高光，
但噴完主色車身D高光冇晒，
炮塔還有小小可以睇到，
暫時整體的明暗對比唔夠，
唔執喇，就咁算數，
反正仲有白色要上，
噴埋白色至再補番D對比，
今日係得咁多，
明晚如果有時間再繼續

田宮BUFF即係幾多號?
師兄請指敎。

啱啱幫朋友搬完屋返，拿拿臨update吓先。
今朝睇吓睇吓件嘢，
此終都係忍唔到手，
D對比真係唔執唔舒服，
冇聽關sir講用田宮BUFF去執番D高光，
原因係費事嘥時間專登走出旺角淨係買一樽油，
我係直接用135嚟執番D高光，
而家D對比覺得順眼些，
今日係得咁多，
明天有時間再繼續