進行第二步泥塵效果
第二次主要用深色系油畫作為泥/塵/污蹟
其實第一,二步泥塵感主要做出初春/秋/冬季節時戰車表面經常看到泥/塵流效果(我上面post實車照片大家都可以看到所有近鏡都有此效果), 這效果夏季戰車不太明顯, 主要原因是一般夏季猛烈陽光會使表面污蹟還沒下流動時已蒸發...當然也有例外.
小弟設定此車為1945年3月下旬春醒作戰失敗後向西敗退的12SS裝甲師, 經過冬末初春一系列泥濘戰後這效果該更特出.
廢話太多, 拿拿林上圖

完成後效果

來一幅全景

雖然車身舊化還沒完成, 但要先停一停
下一步會先開始做車下身舊化. 因為要最後才可以統一作全車細節化舊化..

[ 本帖最後由 GaryKwan 於 2010-11-19 11:49 PM 編輯 ]

梗係...唔開壇影件野同污穢垃圾無分別, 咩都睇唔到

深夜又搞左少少, update一下進度
開始車下身舊化, 方法很簡單
首先用田宮近年推出既產品叫 "diorama texture paint" soil effect直接塗上所需位置, 有留意四號戰車實車照片既巴打都知, 好多時泥濘都集中在兩側懸掛及避震位置. 所以我也將soil effect集中塗在這些位置上.
順帶幫田宮賣下廣告, 呢種diorama texture paint真係非常之咁好用, 咩都唔洗加直接就塗係表面上, 而且可以做出唔同粗糙度既泥濘效果, 乾左你可隨時加其他顏料強化個色調都得, 唔洗好似以前咁又要用石膏又要混呢樣果樣都做泥....而且有成幾隻色你揀, 小弟就買左泥, 草, 同沙效果, 正到飛起...強力推介各位師兄弟使用(廣告賣完, 我無收田宮錢架! )


好喇, 第二步是加強色調效果, 方法同樣簡單, 用幾隻不同顏色pigment按喜好加上


好多人諗當乾上左pigment, 怎樣去固定係表面上? 用筆掃thinner會掃走pigment, 而且thinner又用因筆法將原來塗好位置上的pigment掃走.....其實方法一樣非常簡單, 直接拎支滴管, 一小滴一小滴thinner滴在表面, 滴好後直接用風筒吹乾便行..


完成以上步驟後, 車下身泥濘大概出了初形, 又係時候細節化d效果
下一步再講

其實我用果 D方法都係好普通架咋...好多師兄都識

正過MIG!
咩都唔洗加架, 一打開蓋就好似有沙粒粒既有色牙膏咁, 你直接"紋"上部車度就得! 第一幅相就係直接"紋"上去後乾左既效果來!!方便到不得之了!!

[ 本帖最後由 GaryKwan 於 2010-11-21 08:31 PM 編輯 ]

呢d補藥真係要買支看門口架

又黎update一下進度
開始細節化一下車下身舊化
可以分開兩大步驟, 首先係噴筆彈油法, 方法很簡單, 先準備你需要的顏色, 用一支舊筆粘上油漆(記得先開稀一下油漆), 再用噴筆空槍式向毛筆位置噴射, 油漆就自然會彈在你所需要的表面上. 多試幾次就很易掌握到彈射的形狀..我就一般喜歡彈上幾隻不同深淺顏色, 會先淺後深.

彈完幾隻色之後既效果


之後第二步開始上水漬/濕泥/油蹟, 方法一樣很簡單, 直接用MIG油蹟產品及油畫用VARISH便行, 甚麼也不用調


輪子方法跟樓上的大同小異, 只需要注意每一個輪子盡量表現不同的色調以豐富畫面就行, 輪子金屬部份用郡氐M001, 之後再用鉛棒磨擦表面至反光就可



之後貼上車上看看效果



車上身同樣可以加點水漬/油噴之類, 當然一點點就夠, 不用太多


下一步開始履帶上色, 聽晚繼續

真係好野來, 但記得用果時確定表面無油份OR之前既油性油乾哂呀, 因為佢講到明唔掂得有油份既野架

貴爺客氣客氣..我都要學下你地練下油兵仔先得

好多地方都有得買架
深水涉福利, 旺角千里達, 生輝, 偉利都有...無記錯40-50蚊就有交易
不過唔知依家有無加價呢

[ 本帖最後由 GaryKwan 於 2010-11-22 01:32 AM 編輯 ]

e...係喎
我都無留意個蓋頂有價錢牌tim
不過呢排d yen係咁升(應該話我地港紙係咁跌), 搞到咩都貴哂....好似龍記d模型咁, 每出新野就加一次價, 離X哂譜
我諗再過三, 兩個月又加價

好唔好用先
快D上幾幅成果圖來睇下

開始履帶上色, 其實方法跟車下身大同小異
先用AV DARK EARTH及RED BROWN做底漆, 之後上田宮的SOIL EFFECT, 再孕澹-57以清水開稀洗一次, 再孕澹-52同樣方法再洗一次.
最後用鉛棒把金屬磨損部份撾出就可




之後搞埋排氣管同D 工具, 再修一修D PARTS就可以叫搞掂

其實都係D好普通既技巧, 無咩特別架咋

部車叫做暫時搞掂喇, POST D相上來先
跟著開始油我做屎果樣野...........兵人

都係用綿花印既方法, 印幾隻唔同顏色上去..次序由深至淺, 最後用一隻最深色輕輕再印幾野, 印果時記著每淺一級色就越輕手..
顏色次序係: 紅啡, 淺紅啡, 橙, 最後深啡紅
好EASY, 10分鐘唔洗就搞掂既動作

.....我油兵人都係初哥來, 你學我既就要學JOE SIR佢地啦, 我呢D油兵屎到飛起架咋......

唔洗客氣啦, 大家交流下
其實都係d耳熟能詳既技巧來咋