多謝!  最緊要好/肯玩!


你又點呀? 暑期工賺左人工, 會買盒乜野獎勵自己呢?


thanks for info 得哥!


唔裝車轆咪仲簡單! F-1 個 floor 好平, 仲易囉!!  所以組合車身和 floor 的準確度好重要!


原來米高鐘意追劇架!


好多謝!


哈哈, 我都比個歪轆搞到豆雞眼!!


我係敢死隊黎加嘛! 爽! 爽到震啦! 現在可以感受到你對爽的定義嘞!
慳錢.......等買.....  喂, 完成左架喇, 爭上色咋!


喂! 靚仔, 明知故問!!!
我 "適宜" 盡量黐得幾多得幾多.....果種 "風格"  ( <--- 嘩! 好高深錦 ) 如果唔係三隻油缸太阻"訂"噴油, 真係想黐鬼埋佢架!!!

等左咁耐都冇野睇喎, 我估果條屎象好似......都係衰多嘞  你話我話嘅


你打錯字喇!  衝? 死充個充呀! 擊? 激氣個激呀!


嘩, 真係光陰似箭. 248? 2007? out  晒啦! 而家梗係買 F-60 呀!


嘩! AMG 兄, 乜野風吹你來睇飛機呀?   震憾就欠奉, 遺憾就大把!

隔左咁耐才更新, 係因為想嘗試吓不同的方法上色. 探索的過程少不免 trial & error. 不過原來所花的時間多數是在思考怎樣多過落手實行上.

所講的 “不同方法” 大多都是關於舊化/污漬的上色. 現代噴射戰機, 都已話到明, 即係現在式, 實物圖片不乏, 外國有專門雜誌, 想慳錢可去圖書館看 (我就係嘞 ), 互聯網更加方便, 如果是熱門機種, 真係不愁冇得參考呀! 今次的 CF-188 梗係唔少網上實物相啦, 諗住好啦……但越睇越覺 “出事” 添!

我估….可能因為現代戰機是超音速, 所產生的機體舊化/污漬好像…..不普通.
總之不像我想當然般的, (我對飛機簡直係四份一桶水) 不過錦樣更引起我的興趣, 好想做到那些舊化. 所以便動腦筋看看可否模擬那些特點.

我亦比較重視戰機模型的線條, 這盒是 1/72, 便只選擇自己認為主要的線條來上色強調, 由於 #337 是比較深色, 所以主力是噴高光線條. 好多朋友都會因應 1/72 這比例效應而張全線顏色提高明度. 我不作此打算, 亦完全不做 pre-shading, 原因就是我之前說的想試試另一種方法, 看看會否得出新口味呢? 其實到今日只做了約….?? 我自己都說不準, 因為還在探索中, 只是實踐了幾個想法, 發現真的行得通, 便 post 出來, 起碼唔會靠害大家吧!

我想強調一點, 採用不同的方法完全不代表舊有的或另外的有甚麼問題, 純貪玩, 滿足好奇心, 甚或只求換換口味而已. 各種技巧都有其強弱, 只視乎怎去運用, 發揮吧.

口水噴完, 回去主題.

加拿大空軍用兩種灰色迷彩, 上 #337, 下 #308. 圖案極簡單, 最適合的方法莫過於利用紙形板距離表面約一兩mm作遮蓋噴塗. 不過這方法有個通病 : 不同色系交會的邊界會出現一隻頗不自然的 “印控” , 如圖 108a及b 的例子. 雖然剛好今次的灰色卻是例外, 但紙形板好難在有弧度的表面上保持一致的距離, 噴塗時也好難保持相同角度/距離 (除非整個面積都是一塊平面), 多數都出現漆面不均循的痕跡, 所以最後都需要反覆修噴.

...................................

..................................................

....................................

車, 你上面講的大把人都識啦!

我知我知. 只是想帶出今次方法的主題 : *** 修噴 ***

一切都從修噴開始.

修噴絕多數要好細緻, 控制噴的範圍在很細面積, 用上極稀的油, 所以遮蓋力弱, 有必要在相同位置反覆地噴. �----- 突然令我想起了油兵仔 --- 油彩的的化合法 blending 和水膠彩的多層滲透法 glazing ……. 有相同的地方喎!!!

就是利用那極稀, 遮蓋力弱的油漆細噴在某細面積的較深顏色上, 便會可同時有 blending & glazing 的效果?!?!?!

如果上述是可行的話, 又有咩用呢? …… 舊化呢? 有冇得諗? ……

一般在戰機上的舊化, 因為限制比 afv 大, 多數以噴塗退色 fading 或再加 wash, 依氣流方向局部洗沫. 極少用筆塗. 就算筆塗都限於以琺瑯油化開, 但不易控制在極細範圍內. 而噴塗的弱點, 冇錯, 其優點成為弱點 --- 太平均, 太 “靚” 了. 筆塗在戰機上? 1/72 唔駛諗, 1/48 都好勉強, 1/32 啦, 但和1/35 afv 不同, 筆痕在戰機上就 …… 仲要係現代添! ……..仍難以解決……. 係咩?!?!?!

筆塗細緻舊化/污漬, 再修噴調整, 如何?!?!

在想吓想吓雙劍合壁時, 又再諗起 post-it 大法. 因為噴在 post-it 邊緣所造成的特點正是兩種效果同時呈現 : 一邊是利的實界, 另一邊是柔的漸進界. 之前在 8 噸運兵車已用過, 效果一流, 那時原本想以此造更多效果, 但又多心去玩左第二樣而 “遺棄” 了它. 現在又有機會實現喇, 就是以 post-it 大法營造氣流痕! 再加上此方法最先是用在飛機 panel lines 上的, 當然亦不會放過機會啦, 因為碰啱模型主翼的連接位上, 究竟有冇 panel line 呢? 原裝的連接縫太大, 點都要補畢地架嘞, 但需唔需要再刻回凹線呢? 搵唔到清楚的實物圖, 點算呢? 錦咪可以發揮 post-it 大法的原本功能囉!!! 請去圖 124, 126, 127 及 128 看看如何!

........................................

...........................................

....................................

.....................................

陰影課題

我們是如何看得出物件的立體感呢?

古 sir 係不屑問這條連小一都唔入流的問題.

大家都會知道, 起邊的連接面最有立體感, 模型也一樣, 只不過體積縮小了, 反光面積隨著減少而令其立體感被削弱. 那麼我們何不針對此點, 在起邊位加強輪廓的立體感呢!

之前主翼連接位便由 post-it 大法顯示威力. 所以便再在尾翼根再重施故技……..

但 post-it 的紙邊是直的, 直線冇問題, 那麼曲線呢?

不成問題, 筆塗出明邊界的連接面, 另一邊界利用修噴來淡化/柔化, 修噴又發現多一種用途, 可能還有呢!

幾乎唔記得提, 修噴時要張噴針護罩拆除, 目的是讓氣流減低, 霧化效力下降, 縮窄了噴霧範圍.


關於筆塗方面

底漆是硝基油, 理論上任何漆塗在其上應冇問題.

不過實際上有些出入. 再以硝基油筆塗, 當然要先開稀, 但最好是用軟毛的平筆, 盡量一筆過, 否則有機會乸底, 因為噴塗的底層好薄咋, 依架係飛機, 唔係噴左十幾廿浸的車呀!
要小心. 點解用平筆? 一來可以平均些, 二來不會像面相筆般, 令油漆沾在集中一點, 便容易乸底.

所以到筆塗點狀污漬時, 硝基油便行不通了. 轉琺瑯油或水膠彩一定冇問題……

且慢, 到修噴時便不可用硝基漆了嗎??? 就算同廠牌的水性油 e.g. 郡仕 #308 同時有水及油性, 都可能有少少顏色差異架! 點算?

又再和理論有些出入,

因為由另一種理論凌駕其上, 就是當極細噴時, 只有極少量的硝基油到達表面, 而硝基油在這環境下便可更快乾, 根本沒有時間 “攻擊” 下面的琺瑯油/水膠彩. 請搞清楚, 不同性質油漆接觸產生化學作用的是其溶劑, 不是漆粒子, 所謂乾其實是指溶劑己揮發. 情況和賽車模型在水貼上噴透明油差不多. 問題解決.

.................................

......................................

....................................

.....................................

琺瑯油 ? 定水膠彩 ?

筆塗污漬用邊種油好些?

冇一定, 各有好處. 只不過還要做滲線, 出界清理時怕連污漬也抹掉 (幾近 panel lines 架) 所以你見我機體已全部用晒水膠彩了.

我發現....... 先旨聲明, 只是個人經驗, 水膠彩在平滑的面 (硝基漆面頗平滑的) 再加上 1:3 的稀釋度, 其附著力是有一定困難, 如果用筆毛較韌, 彈性強的尼龍筆會好些.

....................................

.........................................

....................................