原帖由
小餅 於 2011-3-28 10:11 PM 發表
我諗應該明白, 重有一個問題
比如有個夾口要處理, 但係當中係夾住另一個部件, 係要上第2隻顏色
咁應該點做呢
方法有好多....可以上左色,乾左後遮蓋好,再組合別外兩件,打磨好,上色,乾後再把遮蓋移除...
又或者做部份切割,呢佢可以分開上色,最後再用膠水接合...
但邊種方法先岩...要睇當時要處理既部件係點樣,邊種方法效果最好而又最有效率...
砌模型係好好既頭腦訓練,千祈吾好背誦/迷信一d所謂固定既法則,處理每一個步驟時都要思前想後,別人既方法自己未必用得上...自己亦有機會撻Q,要諗補救辦法等等....
砌既時候吾好怕錯,靚既作品背後必然係經歷吾少失敗,我相信呢度絕大部份模友都有呢種經驗,如果吾捨得開自己心愛既模型黎做試驗,咁可以用另一 d 模型,易砌既黎試砌...砌既時候用心睇一睇說明書,腦裡多幻想一下制作步驟,組合時不時檢討,可能會找到比起說明書更好既組合次遂....讓呢 d 經驗慢慢累積,慢慢,你會練到一套屬於自己既砌模型方法...
原帖由
qumum333 於 2011-3-28 10:21 PM 發表
其實分件係乜...分開D件? 手還手果堆咁分?
另外點我見D師兄會 唔知點斬開個快面 令後期可以 插入頭盔 哩個斬開動作 係咪又係叫分件?
除左後期可以插入頭盔 要斬面之外..
仲有咩情況要斬開D件?
1. 分件,通常係針對上色而做,分件上色,減少做不必要既遮蓋功夫...
2. 高達斬面都算係分件既一種,目的上面講左,否則,高達眼,透明件就要先上色,遮蓋好才組合頭部....
3. 斬開 d 件既情況好難一下講得明白...當你發現「如果呢兩件野獨立上左色,然後才組合最好」,那就算是符合分件既基本需求,但吾等如一定可以分到件...有時硬住頭皮做遮蓋會好 d...例如係關節受力位,如果斬開左但組合番既時候會好麻煩,或者用膠水痴都解決吾到,果時就要轉個想法了...
如果你不明白斬件是甚麼,我勸你暫時不要理這個環節,先試跟著說明書開始砌...去到某個時候,你就會發現開始要研究一下分件呢個課題了...
分享
