小弟係國內最大既AFV網站ＳＭ模型論壇前前後後都做左十年版主.有少少經驗可以分享下
其實受精標準呢樣野基本上每個壇都會嘈過, 每隔一排就有人出來嘈
同月經差唔多...
好坦白, 精華呢家野真係無咩標準可言. 雖然係咁, 但一般都有D所謂潛規則.
1.) 新人到場, 如果作品過得去既, 一般第一,二個成品POST都會受精. 原因係希望借此鼓勵呢D新人多D來出POST, 帶旺個場 (注: 新人=/=新手)
2.) 風格岩版主口味, 呢樣野最無準備, 純粹係第一眼睇完既感覺. 如果作者整既野中正版主果項, 通常都會受精. 但呢樣野都有個準則. 前提係件作品AT LEAST有番咁上下水平.
3.) 行內公認既高手, 呢類人開POST既作品通常都無咩懸念, 見到直接比精
至於有D灰色情況, 例如件作品唔係版主既口味, 水平又未係公認高手級人士, 咁通常就會睇下回POST既反應同埋作品既可觀性(或者係睇下作者花左幾多心思落去)
簡單舉個例, 直砌同改造, 有好多水平唔高既人如果見佢第一, 二次比心機去改, 一般都會受精比個肯定佢. 相反, 個作品POST親十件八件都係直砌唔改既, 上色又無特色. 咁呢類就算有班FANS讚到飛起, 基本上都唔會比精(其實我做版主通常係有CHECK下作者以前作品既習慣, 再決定比唔比精)
就上面咁講, 其實大家都會發現係有問題既
風格/口味已經係成日拎來嘈既原因
就呢個問題, 其實我地果時都前前後後改組過個機制同版主人選幾次
一般來講, 一個版都會有4個版主, 而且通常係會搵壇上有番咁上下份量既人來做
呢樣野主要係避免受精一出, 有人出來嘈, 因為模型圈好得意, 只要你砌既野公認左係勁既, 基本上你講既野就係王道, 無咩人敢出來CHALLENGE你.
所以每個版總會搵番一個半個壓得著場既人來做版主, EVEN掛個名都好
而其他三人, 其中一個通常就係揀一個真係有心幫忙而且時間許可既人來做
方便處理日常事務, 仲有兩個, 通常就會揀壇上既老屎忽來當, 因為人面廣, 有咩事係壇嘈起上來都會可以有班支持者出來吶喊助威.
最重要係因為四個人都會有唔同口味, 咁樣受精時就唔會側埋一邊, 減少爭吵
不過講到尾, 小弟認為其實精華呢樣野真係無咩意義, 除左作為一個鼓勵, 同增加作者一D網上既虛榮感同存在感之外, 其實再無其他意思
就好似外國好多FORUM, 其實都無"精華"呢樣野存在.
作者POST出來, 純粹想同大家吹下水, 分享下
係高手既, 根本唔洗通過受精都知你好野架喇
|
分享
