所謂既「精華」,三個所謂既等級,本來原意就係「推薦」...管理員的確有呢個權利,響帖子上面加入任何一個級別既「精」.
首先要留意一點,「精」吾單止係可以用係任何「模型作品」上面,如果大家用心去睇一睇論壇其他帖子,未完成既制作帖,一樣會有「精」既例子...甚至以前一 d 好既文章都會「精」...大家如果一面倒討論緊「精」同「成品」掛勾,甚至要點做,做成點,係咪全上色先計呀,果個人有無咩進步呀,之前之後又有冇點點提升...可能要重新了解一下,「精華」本身係點用.
第二點,雖然以下引用呢個例子吾係百份百等同,不過借黎思考一下:
各位都可以使用評分讚好既功能,而評分可以附加留言,亦可以吾加,而評分亦係對該作品,甚至認同該會員既說話...等等而給予1分讚好,對不??大家有充份既權利去行駛呢個評分讚好功能....評分夠多,係首頁既熱讚作品就會出現...我相信大家俾分果陣,吾會搵幾個會員投票,幫手度一度要寫 d 乜野鼓勵說話, 俾分果陣都係用你地自己既標準(無論能吾能夠量化呢個標準)就俾分?對不?
呢個post入面,睇緊既,留緊言.留過言既各位會員,有無人試過因為俾左分別人,跟住俾人質疑架??你地會吾會因為同果位作者好熟就吾敢俾分呀?有冇人因為你俾左分,係論壇開個帖黎討論你呀??如果你地試過因為一件模型作品俾過1分,姑物論俾呢1分既理由係乜,都係給予該作品一個鼓勵,或者係作者既一個讚賞...等等.我相信你地有「以自己既標準為原則」,對不?那麼,版管們用「精」去推薦帖子呢??是不是因為「版主」是管理員的緣故,所以連推薦一個帖子給會員們去看,都要經幾個關卡,甚至要咨詢會員們的意見,又或者開個投票...又或者其他方法,得到大家的認同才推薦麼??
去討論所謂「精華」,其實就幾乎等於開個帖去討論「如何俾一個合理既讚好」一樣...本來係版管覺得有一個帖子有值得推介既地方,或者希望推介俾大家,而吾係果隻作品必需達到某一個層次,一定要做到邊一個人人都拍掌既水平,先會「精」.
例如:某一個作品配色好好,令到設計上平平無奇既外觀耳目一新,但水貼貼得麻麻喎...咁呢種case應該點衡量呢??所謂既「量化」難度之一就係呢度...即係要拎「配色」同理「水貼」呢兩個因素放係天秤上量一量,但實際上,係無一套公認既標準去衡量...我相信大家會同意...
但當呢個帖真係被「精」,而有人質疑既時候,好勒,人人標準都吾一樣,你覺得水貼效果不堪入目,配色都吾係好特別啫...但我覺得吾係喎,水貼係起晒邊,但又吾係肉酸到破壞晒本身既優點姐...兩種角度點比較(甚至多於兩種添)...咁點呢?真係要放上桌面討論,點達到一個所謂既共識...如果真係要求一個所謂共識,即係又要長篇大論討論一輪,得出一個所謂既標準...咁立例囉...
就立條「非素組,起碼100%上色喇」...好勒,素組既定義係乜呢?如果要100%上色先叫合格,咁砌車既,飛機既,用金屬補品但該部份吾上色既,一概列為素組...咁95%囉...咁點計95%先...call個會員拎個作品出黎用格仔紙度一度?
要令到超過一種看法的群體,達到一個大家都滿意既共識,除非白紙黑字寫到明應該點點點,起碼要咁咁咁...如果無呢種所謂既數據,係無辦法得到共同滿意既結果...
一件成品點為知好呢??呢個骨節眼上無辦法得出共同既結論,更枉論係精華...
之前我都係討論「素組」既一個帖子回覆過...好難聽咁講...「素組」定義版主決定...的確係好難聽,亦都係好難接受,但大家換個角度諗諗,如果有人其他人同你既睇法吾同,係咪等於對方一定係盲目,或者吾識野,而自己一定岩?去到呢 d 情況,點判斷,邊個解決呢??去到最尾咪又係管理員決定!?...吾係所有野都可以投票...至少大家俾評分,揀自己想鼓勵既作品時都吾會投票.同樣地,版管想推薦俾會員睇既帖子,理應都係版主自己決定.
呢個「精華」討論,如果大家都明白,判斷同美感有關既事物,係絕對無可能排除個人意見,如果真被逼出到「一刀切」既標準黎處理,先吾好講有冇人會有異議,齋係因應越出越靚既模型,條例肯定不斷會修改...作為想砌模型既我,我都吾會頂得住一個論壇,周之無日有堆人為左呢類事情花咁多時間係度討論檢討,三日吾埋兩日就修例,咁個論壇要黎做乜...
但透過討論,起碼可以認識得到大家吾同既標準,先不論係咪最後會跟到足一足,但起碼可以做參考,甚至會「係喎,真係有人用呢個角度睇架喎」,吾係壞事...不過,覺得應該咁咁咁,我就認為應該點點點,真係要拎出黎討論,至少真係有足夠既說服力,包括埋一 d例子又應該點判斷為大原則...單純一句「起碼滲線靚喇」果個「靚」就已經可以有幾十種吾同既衡量標準...
討論吾涉及對人,所以所有對人既攻擊會按版規處理...又出版規...係,甚至係版管決定添...但係咪要做到呢一步?如果要做到呢一步,我一開ban晒大家就可以了,反正我真係有呢個權利,但咁做對任何人都無益處,除左我自己…….呢段字我用左兩個鐘,原本要黎砌模型既時間黎寫呀大佬...吾該各位會員都體諒一下,我地昨日無怨,今日無仇,真係「精」左一個大家吾岩睇,吾岩口味既帖...吾洗下下消耗我砌模型既時間掛!?? 拜託大家,討事,真係請論事,吾好論人...
字比較多,如有錯字,請各位包容為荷.
管理員 上
|
分享
