如題,講真其實我對氣泵ge認識唔多,
所以做唔到統計,
希望各位師兄講講自已用開咩泵同對泵ge選擇有咩心得,
順便比我地D想認真玩上色ge新手參考下,thx~
我就用開龜泵,貪佢夠平又實用,唔會噴水又噴到陰野(仍在練習中.....)
唔知有沒同志啦?

我只用過sparkman台灣泵~
有水隔,autocut,唔嘈
都用左6,7年...噴左超過30隻成品了
最近舊果個終於壞左,我都買番呢個牌子...$8xx
而家可以裝埋舊果個水隔
[attach]412627[/attach]

好似幾低玩喎~
其寶auto重唔重要?
會唔會係選泵ge要項?

[ 本帖最後由 羅友大 於 2013-3-3 12:48 PM 編輯 ]

有autocut就方便d
台灣泵黎講有同冇autocut的價錢差唔太多
我覺得係值得的~

Mr. Hobby linear compressor L5

泵我只係用台灣貨。
買左八年，砌左七隻模型，有大有細...依然好好地用緊。
我覺得基本上只要上到水隔既就可以。
autocut係optional，氣缸更係有平價解決方案（參考我setting)
反而有錢買支好d噴筆，包你覺得更值

my setting:
泵-(快接頭)----(粗喉)-----(快接頭)-水隔-(快接頭)----(幼喉)-噴筆

粗喉：要盡可能粗同埋盡可能長，我用緊5米@12mm已經可以off 泵噴多一陣，如果有錢，買夠一轆(around 100m)，包爽。

幼喉：要盡幼，因為咁先可以令“氣缸”有最大儲氣效果。（入得快，出得慢）

Ching真有創意，咁都比你諗到~

龜泵出氣量都幾細，輸出有時唔係咁穩定，同好快打柴~

小弟用緊sparmax ac100（可能係舊款）
用佐10年依架仲用緊。

先回樓主問題.

最先用工業大泵, 之後都係 sil-air 15

心得: 先講氣泵既會考慮既野先.

泵主要有兩個基本既 spec 要留意, 壓力 同 流量. 但好多人只留意壓力. 壓力會以 psi ; bar ; kg/m^2 做unit. 流量 flow rate 會以 L/min; m^3/min;  ft^3/min
有呢兩個數先可以真正知道個泵有幾"powerful", 夠唔夠用.

之後就係睇幾嘈. db

再之後就睇有咩附件. eg. 氣缸, 水隔, 調壓制, autocut.

夠唔夠用就會睇自己會噴既"件" 有幾大了. 大件野要噴既面積大, 變成一係用大口徑既噴筆 或者 要拉遠噴時既距離先會有效咁噴到. 兩樣都會要求大d既氣壓 (有時會 +流量添)

幾嘈: 完全係個人 + 環境因素. 如l:工廠區workshop就幾嘈都冇人理. 半夜先開得壇既就要靜到冇人知.

水隔, 調壓制好多時會係二合一, 但亦有單樣. 香港潮濕日子多, 水隔可以講係必須的. 調壓制, 如果個泵出力大過1 bar, 亦都已經係必須了. 已噴細緻野時, 亦會須要set 返合適既氣壓.

氣缸: 儲氣, 簡單易明. 但儲氣有乜好處先. 可以令氣壓穩定, 配合autocut時會減少個泵既工作時間, 冇咁易overheat. 但同時, 容量要夠大, 先會有效用. 夠既定義相對於用氣既流量. 如: 泵出氣2.L/min. 而噴筆出氣1.5L/min. 咁一個1L 既氣缸就冇咩意思, 因為autocut 只係好快咁又開又關. 反而仲傷.

autocut, 正式名係 pressure switch 氣壓開關制. 由正式名到睇到係用pressure 有關. autocut 一定有兩個setting 開制氣壓 同關制氣壓.  關制氣壓一般會set 做個泵自己既最高出力氣壓或之下少少, 保護個泵.  開制氣壓就係用來令出氣氣壓穩定.


有左上面既資料, 就可以睇返自己有乜野須要而考慮.


用氣喉當氣缸. 當然得啦. 5m D12mm 都只係加到0.4L, 但100m既, 就不如正正當當買個 2 gal 氣缸啦. 要知, 用一轆喉既, 會有水氣積左係喉入面, 要清理仲煩.

"幼喉：要盡幼，因為咁先可以令“氣缸”有最大儲氣效果。">>>>  唔會的. 出氣幾多, 已經係由氣壓同枝筆既咀度決定左了.  幼喉. 只係喉內既"流速, flow velocity (m/s)" 會快過粗喉. 但一入到噴筆, 就會跟返筆入而既流速了.

題外笑話 --- 廿幾年前康田仲係南京街時, 果時年少, 問過d氣泵既野.
當時一個女店員咁答我 : "果d bump bump 跳 (即係依家叫兔仔泵), 噴到氣咳就有."
可想當年d 泵幾弱,依家d 泵仔唔同了. 左

thanks a lot .

小弟都係用sparkman 台湾泵用了多年，機身都幾热下，用了两個水隔都间中喷下水！
壞左下次會考虑買有气缸同静少少既

小弟用緊 BADGER 180-22E 用左 20多年
當年响千里達買，冇 AUTOCUT。ｅ＋市
面上巳經冇得買鳥。

用优速达601G啦，几实用嘎，价钱唔贵，出气稳定…………