麥記下周賣碟頭飯 「麥牛河」不是夢？

一向主力賣漢堡包的連鎖快餐店麥當勞，近日派發新優惠券，顯示麥記即將推出「麥飯卷」及「麥趣飯」兩款新食品。其中「麥飯卷」猶如過去曾經推出的「米漢堡」，只是變成長卷狀，但「麥趣飯」則是全新食品，猶如「碟頭飯」。

根據優惠券上圖片所見，「麥趣飯」有雞肉、有蔬菜，白飯混入粟米粒，套餐連汽水售28元，有優惠券則25元，又可加錢換購蔬菜或湯，下周一（4月22日）起逢晚上六時供應。

茶餐廳憂搶客

近年大部份茶餐廳或連鎖快餐店，晚飯連飲品動輒要40元以上。早前首創下午茶40元任食的荃灣肥嘟嘟茶餐廳，鄰近便有麥當勞分店，負責人張先生直指生意肯定受影響，「佢哋（麥當勞）營業時間長，人手又穩定，賣飯工序簡單，而且大家都係主攻40歲以下客人，點會冇影響？」

位於大圍金城茶餐廳屬於老式茶記，老闆李先生表示與麥記客路不盡相同，但「多多少少都會拉走客人」。

麥記首推「碟頭飯」令網民聯想起多年前，網上有人惡搞麥記推出「麥牛河」，有網民表示：「原來麥牛河不是夢。」有網民就指早前已經在北角麥記食過「麥趣飯」，估計麥記當時是測試市場反應，但該網民表示「味道和份量都不敢恭維」。

網民點睇：
DGCNY：「幾時出埋牛河以滿足高登友的願望呢。」
jpoon：「食過一次，份量少之餘，個盒頂黐咗啲汁，一打開就整污糟手，我諗我唔會再試。」
ML29：「大概二、三月已在北角樂嘉中心店試推過一排，吃過一次牛肉飯，味道和份量都不敢恭維。」

http://hk.apple.nextmedia.com/realtime/news/20130418/51356344

遲啲早餐有麥蝦餃 / 麥燒賣 / 配咖啡奶茶

老麥的飯好似比茶餐廳細碟

老麥呢啲一早整定嘅賣漢堡包就話姐
飯面呢d都即場整好難有信心wor

攪咁多古靈精怪嘢有d人就蒞當果度係茶餐廳,以為開口就有人同佢整嫁喇...
今朝去買早餐, 有兩位長者同職員理論點解佢買果d嘢吾用得$5劵,職員要解釋一輪話佢知要買餐先可以減$5, 果兩位長者又要消化一輪先明白職員個解釋,然後再度過點落單, 結果佢哋響隊頭擾攘咗兩三分鐘.....
跟住幾位女仕落單, 其中一個居然叫熱檸茶, 然後職員又要解釋只有雀檸同凍檸茶, 無熱檸茶, 結果又擾攘一陣....
買個早餐遇到呢d人響前面,比平時攪多好多時間....

麥記都還可以, 小弟去KFC排隊買野食好大機會等到火都黎...  多次經驗話我知排隊前面果位係師奶的話, 通常都係到佢去到櫃台至慢慢諗食乜餐, 之後又要慢慢撕D COUPON出黎,執好晒個餐之後就會突然要求可唔可以將XX轉做YY, 攪完一大輪之後會再要求攞暖水..前後已經要等待7.8分鐘... 另外假如櫃檯負責收錢果位係經理級的話, 通常佢地既動作較快捷, 而負責收錢收錢係O靚妹的話就好大機會執漏野

麥當奴

"「麥趣飯」，有雞肉、有蔬菜，白飯混入粟米粒"

咁我買麥香雞包加杯粟米粒返屋企，自己添碗白飯都有呢個效果
麥記既所謂早餐，咪都係將自己本身既"物料"再整色整水，改頭換面個餐出黎...

好耐之前，麥記曾經出過晚餐，試過之後話過唔會幫親！

好一般.... 不太吸引.....  

官圖無限好

麥飯卷都還可以接受, 麥趣飯就真係....

好掛住 飯TASTIC

碟頭果份仲唔係栗米六粒飯!!??

麥當勞唔係我依D打工仔食嘅，40蚊都食完都唔飽肚，下午都無力開工，而且好快又肚餓！
都係留番比綜援户同D唔"兩"得嘅學生哥，一眾上等人去幫襯！
茶記先係社會嘅中流砥柱。

[ 本帖最後由 wolfe 於 2013-4-22 05:00 PM 編輯 ]

我覺得麥記呢D會越食越厭,相反茶記越食越有感情,特別係當你去茶記個伙記記得你食開乜野果下窩心係無得輸

哈哈

老麥作風

香港麥當勞全球首賣碟頭飯，昨吸引市民光顧，但「飯後感」一般，認為份量太少，有食家 坦言：「要食三份先夠飽。」未知是否店員仍未熟習，飯類食品製作時間也較漢堡包類長，顧客要輪候最少5至15分鐘，而飯盒賣相與廣告相距甚遠。

以漢堡包等作招徠的麥當勞昨日起，於每晚6時後供應兩款飯盒及兩款飯卷。記者昨到中環一間分店觀察，見部份年輕顧客試吃。黃先生與女友侯小姐，點了一客燒汁牛麥趣飯套餐共享，但指「飯後感」一般，黃先生表示：「個飯細咗啲喎，男士應該唔夠飽。」侯小姐吃後認為味道尚可，價錢合理，份量對女士來說尚算足夠。
飯盒包括燒汁牛麥趣飯、板燒雞麥趣飯，飯卷則有牛肉麥飯卷與脆雞麥飯卷，優惠券標示連飲品套餐正價28元，即日至5月15日憑贈券可減至25元。


■麥趣飯只以紙盒盛載，被網民批評賣相不佳。
網民揶揄賣相欠佳
不過，食品價格頗混亂，因麥當勞網頁聲稱套餐正價是29元；至於單點飯類，不同分店價格略有不同，由19元至20元不等。
飯盒只以紙盒盛載，與廣告的膠盤不同，賣相也遭網民揶揄欠佳。記者又發現，麥趣飯的紙盒除註明牛、雞，也有豬及其他，估計或有更多新口味推出。本報邀請玄學家麥玲玲 及「少年食神」林澄光 試食，林澄光嫌麥趣飯份量太少 ，雖然只售28元，「但要食三份先夠飽」 ，較在茶餐廳吃碟頭飯還要貴，「不過有新鮮感，好食過飛機餐，有潛力打低其他晚市對手。」麥玲玲則認為飯餐屬健康選擇。麥當勞同期推西蘭花、忌廉蘑菇粟米湯等，需另加錢

http://hk.apple.nextmedia.com/news/art/20130423/18237521

聽聞個飯卷都唔多掂