PB購物感想 - 模型友聊天室

壹等兵

UID 58778
精華 0
積分 0
帖子 136
成品數目 0 件
閱讀權限 10
註冊 2014-10-15
狀態離線

閱讀全部

發表於 2021-3-20 10:05 PM 資料短消息加為好友

PB購物感想

我無意更無咁嘅能力去阻人發達; 但日本仔蠢到死,哩個係事實!! 板板六十四, 死牛一邊頸!

渣古戰士伊刹估專用機近日又再係PB發售, 一直期待嘅我,當日下午四點前我以經係網站不斷㩒F5(refash畫面), 在這又要盤開一話:

相信大家都知, 好多店鋪或者炒家都會用AC(auto click)去搶貨, 我明白,想賺錢無問題,不論邊個都係咁話,我亦唔會怪佢哋搶貨哩個行為,反而要怪嘅係Bandai!!

我㩒咗都唔知幾多次個F5,終於比我見到"送出預訂", 我有理無理先入數量2(幫朋友買), 跟住再去買埋隻雷專用機,又比我好好彩㩒十次到就又一次比我見到"送出預訂",又入一盒,跟住未去埋單囉,點知臨門一腳,

藍渣點等都係無貨,唯有放棄.回想起哩,其實Bandai點解要限貨量呢?? 而家哩個情況根本同買月餅卷無分別,先付款,後向用; 仲要買得越少,運費越貴,當然,我無法得知多咗出哩嘅運費到底係咪B記袋袋平安.

但為乜要限貨呢,明明可以賺一筆,況且直到前個星期日本網站都仲有貨賣,為何不把日本的限額(如果有的話)撥去海外購點呢? 都係個句,日本仔蠢到死,板板六十四,死牛一邊頸!!

[ 本帖最後由 MBF-P0X 於 2021-3-20 10:47 PM 編輯 ]

MBF-P0X

壹等兵

UID 58778
精華 0
積分 0
帖子 136
成品數目 0 件
閱讀權限 10
註冊 2014-10-15
狀態離線

#2

閱讀全部

發表於 2021-3-21 05:49 PM 資料短消息加為好友

QUOTE:

原帖由 Fei_Fei 於 2021-3-21 11:27 AM 發表

好正常有得炒作先有話題, 有話題先有人睇, 有人睇先多人要, 有人要就可以賣貴D

, 你熱情減退, 還有好多後來者啊

但問題係,日本嗰邊大把貨(可能無限額喇),點解唔分啲去其他搶貨嘅地區呢? 嗱! 師兄所講嘅熱情減退, 同bandai一次過收晒全世界啲單(包括錢); 慢慢交貨,無問題架,兩者無衝突架喎, 又如上邊幾位師兄話齋,下次有先再買,駛乜急,彿系購物,咁對Bandai哩講,做晒今次啲單,嗰工模又唔會唔見咗,未又等返一年半載又推一嘢,無問題喇. Bandai大把錢,唔等錢駛,但有機會執都唔執就真係:蠢到死, 仲要張啲錢比咗班炒家賺,做就炒風.(當然對日本仔哩講,關我鬼事). 而且日本網站嗰價折合港元都係差唔多,唔見佢因為你哋炒,個價做貴啲; 可能本身都好貴,再貴有反效果呱!!

[ 本帖最後由 MBF-P0X 於 2021-3-22 08:44 AM 編輯 ]

MBF-P0X

壹等兵

UID 58778
精華 0
積分 0
帖子 136
成品數目 0 件
閱讀權限 10
註冊 2014-10-15
狀態離線

#3

閱讀全部

發表於 2021-3-21 08:24 PM 資料短消息加為好友

QUOTE:

原帖由 Fei_Fei 於 2021-3-21 07:25 PM 發表

日本是否大把貨我就吾清楚, 但日本優先就一定係, 所以日本本土供貨一定冇問題, 其他地區? 各個地區加上黎好似好多單, 但單獨地區計PB就未必多, 咁不如你幫手做送貨好了, 風險閣下承擔

另外上述只係個人估計, ...

其實,都唔止係模型同PS5日本優先,好多時啲乜特別版;乜限量版都係日本先有,只係好多代訂代購令到其他地方嘅人買到,SO自己人無問題,只係其他地方嘅人見到正又出得起錢未買到哩啲"好嘢"咁喇!

我講哩件事出哩, 唔係想為炒家發聲,反而係源頭嗰處出咗問題,而且係無必要咁做令到市場出現炒風

你講得啱:日本人做嘢何止保守,直頭係"迂腐",你睇311海潚,自衞隊有條專道直達宮城,就係因為係專用,死都唔肯比紅十字會去救人,哩啲就真係死得人多!! 日本仔做嘢未先開會,傾一大爛餐,傾好晒,成件事清清楚楚,都幾細致嘅; 但一遇到突發時件佢哋就企晒係處唔識轉(可能怕孭鑊喇),香港人做生意就醒好多!

[ 本帖最後由 MBF-P0X 於 2021-3-22 08:48 AM 編輯 ]

MBF-P0X

壹等兵

UID 58778
精華 0
積分 0
帖子 136
成品數目 0 件
閱讀權限 10
註冊 2014-10-15
狀態離線

#4

閱讀全部

發表於 2021-3-22 01:12 AM 資料短消息加為好友

[quote]原帖由 tonychan1024 於 2021-3-21 11:38 PM 發表

返到原本的問題，其實pb預訂的好處係未生產前就知道需求，而且都一早收晒錢，唔會被走數，所以Bandai真係可以做到不設限，根據訂單數量去生產發貨。

Bandai宜家的手法，真係明顯在海外市場玩飢餓銷售。。。加 ... [/quot
無錯丫...返去原本個問題,我都講咗:根本就係買月餅卷一樣,先付款,後向用; 廠好用家又好,何樂而不為; 但至於師兄所講嘅"炒家市場",哩個論點比較難成立

1.Bandai唔會唔知佢啲貨係海外市場(至少香港係喇)有幾搶手,一開市唔駛五分鐘全部限額用晒

2.如果佢哋都知道有炒價,佢哋唔會唔食埋炒家嗰份,正所謂肥水不流別人田,佢大可以直接抬高價錢,反正佢唔愁無人買. 再講丫,就以藍渣為例,佢哩隻都算係特別版,係佢哋哩講賣貴啲都應該

3.但如果Bandai根本唔知有炒價哩回事; 咁佢哋點都會知海外市場啲貨去得好快哩回事呱! 咁又返回原點,貨去得快,即有錢賺喇,點解唔加大個供貨量呢??

就以上三點,Bandai而家嘅做法係,價高貨少,整個邏輯係對佢哋自身利益同形象都係負面; 上邊有位師兄就因為咁對高達減少了興趣, 但希望唔好對模型減少興趣就好喇!

[ 本帖最後由 MBF-P0X 於 2021-3-22 08:59 AM 編輯 ]

MBF-P0X

壹等兵

UID 58778
精華 0
積分 0
帖子 136
成品數目 0 件
閱讀權限 10
註冊 2014-10-15
狀態離線

#5

閱讀全部

發表於 2021-3-22 10:12 PM 資料短消息加為好友

QUOTE:

原帖由 ngszewai 於 2021-3-22 03:01 PM 發表

前幾日看見了這個題目, 覺得很有趣, 很想說明一下自己的看法. 首先, 想到這個P-Bandai的人, 絕對是應該昇官發財, 因為真係條橋真係好得.

對於一眾用飢餓行銷去想的人, 怒我無法認同. 請先想想飢餓行銷本質 ...

師兄,如果我真係等PB貨係街賣就走去買,樓上有啲人就X前X後咁去少個班炒家,咁我未變幫兇? 再講丫,我比得起唔等如應該比, 同埋好重要一樣嘢,我無係哩件事上邊勞氣唔開心,只係又一次覺得日本仔做嘢係迂腐.

我無師兄你計得咁多咁深入,我只係個消費者啫; 你話佢哋倉存好重要,咁日本本土唔通做一盒運一盒出去比零隻商咩? 唔好唔記得佢哋嗰邉係日日都仲有貨可以比人訂,至少佢哋都要儲一櫃貨先散貨出去呱? 咁海外都可以咁做啫,況且佢哋係網上預訂貨無限量; 但訂貨日期有限, 到期未截單,跟住未埋單睇做幾多盒到海外,夠一櫃未寄貨過去,應該無難度喇!

不過點都好喇,我幾喜歡"彿系購物"哩個terms同想法,以後都係咁對PB購物應該無埋怨囉!! 善哉!! 善哉!!

[ 本帖最後由 MBF-P0X 於 2021-3-22 10:13 PM 編輯 ]

MBF-P0X

壹等兵

UID 58778
精華 0
積分 0
帖子 136
成品數目 0 件
閱讀權限 10
註冊 2014-10-15
狀態離線

#6

閱讀全部

發表於 2021-3-23 02:10 PM 資料短消息加為好友

QUOTE:

原帖由 tonychan1024 於 2021-3-23 12:08 AM 發表

題外話，好幾年前有次突然想訂隻HT嘅diecast Ironman figure，走去旺角佢嘅專門店，驚見人龍排到好長，估計要好多個鐘至可以有機會排到。於是直接走入店問店員點解唔可以網上訂方便顧客，要咁樣折磨支持你的人。 ...

唔應該因為一個人態度差,就要放棄原本目的喎...吓話! 咁酒樓仕應態度差,唔通以後唔飲茶?? 唔會呱!!??

[ 本帖最後由 MBF-P0X 於 2021-3-23 07:02 PM 編輯 ]

Academy	Bandai	Dragon	Fujimi	Hasegawa	Italeri
Kotobukiya	Revell	Tamiya	Trumpeter	Volks	Wave