老師,係應該好真實咁教d學生社會係點樣,係個社會點生存
定應該只專心教書,其他課外野一概不提,俾好positive地比希望(自己都唔能夠肯定真假)小朋友 ?

----------------------------------------------------------
轉貼-我已經唔夠膽叫D學生努力讀書

各位巴打好，小弟係教育界既一員，即係各位巴打眼入面既教畜。

小弟自細係一個小毒男，出身係基層家庭，老豆老母都係字都唔識個隻。
咁小弟係中學個陣，當然就好似升中四了既毒男一樣。
冇溝過女，亦都冇咩校園生活回憶，只係想讀好書，第時搵份好工咁啦。
咁細細個Ｄ老師成日都鼓勵我地：

你要努力呀！雖然屋企係基層家庭，但係你都可以將自己推上去架！

如是者，小毒男真係完成一次又一次既考試，升左上U既education。
咁一直都覺得自己都可以好似昨日既老師咁，鼓勵下一代，相信教育可以創造社會流動性。
但係呢幾年既教畜心底裡都知道一個事實。

佢地簽既係合約，成日俾人解。
解完可能做教學助理，又或者可能代課。
冇人要又可能要轉行。小毒男日日如是，雖然大學畢業，但係年年都要換學校，俾學校d老屎忽玩。

我再望下身邊三大gra既同學，有d由上年失業到而家，有ｄ做緊記者。
我心底裡不敢問左幾條問題...

究竟係咪我命賤？
定還是整個80後都係面對一個冇流動性既社會呢...
到最後 究竟作為教育工作者係咪應該叫學生去盡情享受校園生活，將讀書放去其次呢？

我諗我應該同學生講：
讀咁好書真係冇咩用，除非你讀醫法呢ｄ科。你地不如玩得開心ｄ啦，grad個陣呀sir再同你講點考紀律部隊啦！

望住班毅進仔考警有１８０００
望住自己大學gra仲要年年搵工
成個教育界都係咁
我同屆既同學一個一個都轉行
睇黎香港地真係唔洗讀書
呢個咁美好既 努力讀書令你上流 既諗法只存在上一代既社會
呢一代真係靠老豆老母張樓契 人脈

難怪上星期有個公民黨既教育工作者上頸
佢中大gra左3年都係做緊教學助理(Teaching Assistant-TA)

各位DSE既學生唔洗努力讀書架啦
你讀大學要成16萬仲要加4年時間

你計下個機會成本有幾大 講緊可能成50 60萬
仲有而家成街大學生 你讀完又點?

仲有ASSO個班我真係祝你好運

中學時候應該玩得開心D 溝下女
大個走去考紀律部隊

利伸:識人MASTER做教學助理

我呢番話 行外人或者唔同年代人聽完會覺得我痴左線
我只係講緊而家U GRA之後既情境

U GRA點樣點樣 根本只係上一代 OR 老師個代既情境

全香港既中學裡總有 新教師
呢一代既新入職年年都怕俾人炒
有D食緊既係0.X 教席 大部份都合約
日日擔心會唔會俾人炒

教學助理就成日望住可以升教席又怕冇人續
代課仲慘
你可以問下其他後生既教育界朋友：搵工搵成點呀？

乜讀書最後一定係做教書ge咩

教學生的老師(作者)也見不到前景,佢自己份工都唔知做得有多久,

呢位老師的文章真係有好多地方需要改進。
怎麼是“望住班毅進仔考警有１８０００“
不一定是毅進的考警察才有$18000，合資格的都有，
條件好可能還不止。

呢個金融社會"教既"同"做既"真係"大部份"都吳一樣。
修身,齊家,治國, 平天下; 呢個社會即係搵錢,搵錢同搵錢。
搵到錢個班就唸:理得你死, 自己挨左甘耐, 吳好煩我, 有錢慢慢過埋下背世就得。 搵吳到錢個班都為左搵錢忙到家人都無得見, 為左錢放棄人性尊嚴道德價值。This city is dying。如果80, 90後呢一代仲吳企出黎維持核心價值, 靠個社會同政府就吳會有健康快樂既下一代。

以上為普遍現像, 不要跟我說什麼"一竹槓打沉一條船", 呢個社會事實如此。

o甘你不如直接貼"高登教父論"出o黎啦!!

有樓才是皇道

脷伸：冇雞脾食

完全睇一個同買左雷曼、輸打贏要，宅係屋企、但係問點解媾唔到女/仔既人一樣
如果篇文係寫碼頭工人，我都話支持佢，因為碼頭工人學歷低、見識窄，真係好難轉到工。

堂堂一個大學生，只係諗住攞到個學位就一步登天
大學學位只係入場券，遲D可能要碩士添
依家已經21世紀，重有住"范進中舉"既思想......

我都有好多朋友係讀左CERT EDU，有D做左教師、有D做打工仔、有D做左小生意
如果呢個世界真係要"讀咩就做番果行"，咁讀PURE SCIENCE既我同一班同事、朋友應該死左十九幾世囉...

[ 本帖最後由 ch_lycab 於 2013-4-29 09:52 AM 編輯 ]

其實呢篇文o既出處係另一個forum。
我有睇晒原作者o既兩條thread 同其他人o既reply，
根本o個個所謂作者就係sell緊一套"讀書無用論"，
一個讀"教育"，話自己係做緊"教育行業"o既人居然出片一個理論去ignore 自己 o既mission，
所謂o既論點講o黎講去其實只係-----錢

呢一種人，我真係無可能叫佢做"老師"。

香港的教育真係好失敗, 連大學生的見識都只係咁.
見到有人好過自己就多多嘢講, 但又唔想下人地付出了幾多.
但自己又唔想去付出, 一味怨人, 怨社會, 咁一生也只會懂怨.

自己的價值觀都有問題，怎樣幫學生培養正確的價值觀？
將自己的問題放大，讀完大學都找不到穩定的工作？有否看看那些沒有讀大學的學生的出路？
看完他的「大作」，希望他不是教語文啦！

怨天尤人之前，應該自問有否努力過

機會係留俾有準備既人, 機會未到就等於之前努力讀書白費~? 連為人師表都係諗住朝種樹晚𠝹板即食文化...

其實無人講過在學師教書是打一世約, 就算有, 呢個年代都未必多, 而且自己又是否真的很有heart同教師精神先?
佢如果諗住下下講錢, 兼工廠一樣一批批倒模式教法, 我係校長都唔留佢了.

只能說, 呢位阿sir/miss的價值觀好有問題,
希望佢早日另擇工種, 免得令學生學壞.

跟本就係寫果個將自己d負面印像引伸落80後度
我自己都係80後,又係讀asso d地底泥科,出黎做果陣人工仲低過TA,但唔通有人真係諗住一世都係做住grad出黎果個post
冇得升未做夠個年資再搵過份,人工唔一定同學歷掛勾,但高薪高職位一定要有年資同經驗

其實篇野將職位／行業轉一轉名，意思都係一樣

至於我講左咩，自己參透下啦

讀書好,一定係有用,
但最後要自己去發輝,
否則只係一個資料收集員,
黃霑在CD2最末段就有講到

黃霑 創意與創造力 CD2
http://www.youtube.com/watch?NR= ... 80&feature=fvwp

CD1
http://www.youtube.com/watch?v=UkpVMO3YEyk

真實既社會係「吾好認為單單有個學位就夠,重有好多野重要係社會度學,工作態度,熱誠,人際關係,耐性,EQ...之類」...
而吾係「讀出黎都無用,所以吾好讀,算把喇」...

只係吾知幾時,學歷被「以為」可以取替工作態度,熱誠,人際關係,耐性,EQ...等......但呢堆野無論係以前或者現在,從來都係咁重要...

認為「讀完大專就應份得到好人工,但一出社會就覺得吾及人地,因而覺得讀書原來係白費」既諗法係太過天真...

老師應該點教書,與老師自身前途乜野關係?就算聽日就無得教,今日都係教師,仍然有責任教導學生,咁都要問!???

點解佢覺得紀律部隊好似好好易做咁樣？
睇下班警察次次示威都好唔得閒就知
仲未計比古惑仔圍比痴線佬斬

曾經聽過一個後生對朋友在餐廳滔滔不絕咁申訴自己幾懷才不遇，同屆同學入投行做到風生水起，自己讀藥劑連工都搵唔到。。。
我係讀金融嘅，出來做嘢無幾耐就97金融風暴--被炒，好唔容易搵到工，然後。。。2001科網泡沫爆破--又被炒，然後又搵反份工，然後。。。2003沙士，2008金融風暴。。。中間試過搞生意，蝕曬所有積儲，如果我係好似上邊果位老師嘅態度，我要跳青馬橋好耐！
但係我就係唔肯放棄，唔相信個天要我死。到衣家依然逢關過關。
我想同大家講，只要你堅持，唔肯放棄，抱著樂觀嘅態度去做人，真係唔死得，而且條路會越走越闊。如果你少少嘢就喊生喊死，你真係會好快死。
機會周圍都有，但只會被樂觀而積極嘅人發現，希望大家共勉。