零售業，我好耐之前在旺角做過攝影器材售貨，如果你以為打開門口做賣買就係："件貨十蚊成本返黎，咁就標價十五蚊啦！賺五蚊都唔係好過份遮。" 咁你就大錯特錯，因為你會發現隔離街間茂記同一件貨佢標價九蚊....當你重嶷惑緊"點解茂記點解會蝕本賣時，人地已經貨如輪轉賣新貨了。
我講係80年代，今時今日D產品更新速度快到兩三個月就有新產品，你走貨唔快就等坐艇，兩行淚水望住成舖死貨回唔到本，月尾又要交舖租，而家D租金貴到飛起..........

世界各地的鋪租飛漲，好多模型鋪已經接左，有心繼續搞模型鋪的，一係自己有鋪，可以維皮，否則就做網上店。
這兩年到外國出差都打消逛模型鋪的念頭了，有時間叠埋心水行街觀光下算啦！

不過我見有時D模型倒轉行,
上一次買話last one, HK$320, 之後去到見到又是last one, 賣$330 (本地無幾多間貼"last one"label)
唔知點解, 少左見的貨會悄悄地起價.

之前呢度有人問過點解某幾間模型店D名唔同但D格式同規模都好似......懊妙就在其中，有D人玩零售，玩到可以控制到市面的供貨量，特別係消費商品。

"他媽哥池"當年都係玩呢套，所以可以賣到咁火熱，當然天時地理都有少少關系，個年代無金融海嘯，無財政懸崖，人人吃金喝紅酒。

追加：
講白少少，好似樓主話想開檔細細間的模型店淨賣高達模型......比如今個月會出 MG Gundam 3.0，香港代理第一水貨有二千盒，你估樓主間舖會唔會買到代理D貨呢？

[ 本帖最後由 HighLamb 於 2013-5-24 11:27 PM 編輯 ]

澳門那幾間主要模型店聽聞都是自己鋪，星星bandai各類模型油等日本貨從來不缺，價錢亦公度；國產及dragon軍事，什麼PE補品去taobao一下，行過拱北收貨跟國內同價；其他的去luckymodel hobbyeasy平靚正，運費平過船票.........過大海開模型店保証你死得快！

灣仔松峰模型 十分懷念 留底唔少腳毛

真係一間不錯模型鋪呀!算係一間多款式模型買鋪頭．有段時間連B-CLUB首辦都有得買呀!我大部分收藏都係同佢買的！