話說我噴白色果陣時經常失敗
一係d油太濃噴得太粗
一係d油太稀會積邊
而且遮蓋力不太好

我想問下有冇d方法可以睇到d白色濃度o唔ok
同埋有冇d遮蓋力好d既白色
P.S.我係用郡氏1號

me too!!!!!!!

轉用GX1或者gaia既油,
底灰用白灰

但係白色遮蓋力都比較低
而且好難睇到噴唔噴到色到

我會先噴德灰，再噴少少白灰，之後上白色，如果無打底噴好多白色都起不到色，
GX1 我發覺比教難噴，反而普通白色＋少少灰色，比較易噴！

唔該
我想知GX1係邊隻
仲有我想問我加下噴左果d洗左佢好定再噴灰係上面重噴好
洗件驚d膠翠
再噴又驚太厚

其實用黑底都幾好,又可以做埋陰影∼∼

禁如果我唔係做陰影都打黑底o唔ok

又係基本功問題，高深問題就唔識答。籬D就實答得到。

1.初哥就唔好用郡氏油，轉用gaia牌啦！因為郡氏遮蓋力超費，郡氏標簽都說明須要噴2層就知佢自己出D油遮蓋力方面......而用gaia油會抵用小小，再加上gaia油質數好好多，遮蓋力不用質疑。我認為郡氏油係高手向的油漆。正正就係遮蓋力唔好可以利用不同顏色噴塗在零件上，令光視折射下帶出各種特殊效果。但要超高手先識用。一般效果用gaia油得啦！洗鬼用佢咩！

2.一係d油太濃噴得太粗，一係d油太稀會積邊主要係你唔明噴濕表面的噴塗方式。噴白色須要有好高集中力。第一要有良好燈光，而燈光必須白色光。(不論噴乜色)如果不幸家中燈光不是白色。就買個座枱燈睇住噴。噴下睇下慢慢掌握噴濕面技巧。如果想易睇D就噴小小淺灰色係零件邊位。可以在噴陰影前的練習。

3.洗件驚d膠翠，再噴又驚太厚。唔嚴重就用gaia牌T01天拿水卒。嚴重用800號沙紙磨番平，再用1000號加1200號磨滑表面再噴番就掂番曬啦！

禁如果我唔係做陰影都打黑底o唔ok

我答你！唔好儍啦！陰影須要自然。用黑色陰影是俾初哥睇到效果用。

其實陰影呢樣係睇個人喜好，無話一定要黑底的。

藍底, 黃底, 綠底, 灰底

可以搵件廢件or膠片
慢慢噴好隻自己覺得滿意既白色
用黎做一個標準
以後噴白色唔知夠白未
就可以放埋一齊比較下

如果你吾打算做陰影:
用癈件試,照噴灰底先...油既稀濃度好難用言語表達...但稀會易少少控制,可以透過距離 &氣壓大細調節...由低氣壓,稀,6吋近距離開始試...噴一層,等乾,觀察一下「響咁既濃度下,咁既距離下,咁既抵壓下,咁既手勢去噴之下」,噴一層會有幾強/弱既遮蓋力...然後再調節油既濃度,氣壓, 距離,手勢等...

但噴淺色,無論你用咩牌子油,都吾好諗「噴一層就遮到底灰」...俾 D 耐性噴一層,等一等乾,觀察下先,再噴第二層,又等乾...重覆呢個步驟,直到你滿意為止...咁為之一個完整既試驗.

用呢個實驗成品黎做參考,正式噴既時候,根據番呢個實驗再調節..咁就吾怕太粗或積邊...而且透過觀察噴每一層既效果,順便學埋PRE-SHADOW既效果...

試下花少少時間做一次呢 D 廢件實驗,耐心D,做完之後,你會發覺一下子,你對噴塗既掌握會多左好多...呢個實驗值得投資,亦可以經常做...

至於用郡氏GX-1白色/GAIA白色好定係遮蓋力弱D既普通郡氏白色,好視乎過人既噴功...遮蓋力高,噴既次數少 D，但噴功要求要高，尤其噴PRE-SHADOW,但遮蓋力低 D,透明度高 D,噴既次數多 D,但容易控制 D,因為可以透過噴多/少一兩層去控制陰影既表現,而多/少一兩層,主色變化又無咁大...所以好難講好定吾好...有時發色太快,顏色無咁有層次,透吾到想要既陰影色出黎,結果要補噴番 D 陰影我都有試過...

分享一下我經驗過既失敗例子...我曾經噴過一架飛機,無噴底灰而噴淺灰色,因為 D 油開得好稀(驚粗),我噴左約12層先發到色,但表面可以噴得好滑...12層係好花時間,但每一層既效果我都記得,亦因為次數多,所以控制PRE-SHADOW既表現會穏定 D....奶過一次野,但學到好多架...

唔該禁多位師兄
我發覺各位既方法都應該可以用係淺色同遮蓋力低既色系
不過我以後都砌渣古係深色既模型算吧
高達係白色惡魔!!!

問題點都要解決
白色係好多人都遇過的問題
噴白色又唔係一定用純白 有時咁樣反而唔好睇
用 白90% 加 淺藍10%
或者白90%加暗黃10%
這類色 令模型更立體 油又可以加強咬實模型表面的能力
也不妨試試