師兄們大家好，小弟第一次以製作過程形式一步一步上載，如做得唔好，請見諒。

呢次係小弟第一次砌hobbyboss既模型，之前9成係龍記，貪拒又平又大件，襟玩（不過有時覺得機煩），雙星太簡單啦。（不過發覺我性格適合玩雙星）
講真，HobbyBoss D quality真係差！ 未見過那麼差，接合位唔準，摸上手質感又差，勝在平 金屬片又多。以後都唔會再買HB 唔怪得大陸D模友D comment so far 未見過好評。早知買雙星好過

上兩個星期開始既，上星期週末因為工作忙，無砌，今日又開工啦 我只係逢週末砌，唔係會俾人鬧，同埋會唔想返工（我真係分分鐘工都會辭埋）

今日既進度，就這麼多，唔好意思，希望下午有D時間再砌過；
HB有幾差有相為證（見下圖），差唔多個個都要打磨過先至可以結合。下面第一張圖重誇張 兩個齒輪位差成九丈遠！想磨都磨唔到。由於個個都需要打磨先至可以結合，我拎HB模型最適合D“次”超高手（“正”超高手成個模都係自己整，由於HB需要自己整合一半，所以暫時叫“次”超高手啦 ）
由牛奶、最近既洗頭水、今日既模型，又賴野。稀。。。。

唔緊要，當係經驗咯。而且唔一定個個都係差，只係大部分差（大陸模友點評）。本身實物比例大個D會好D，例如坦克。拒結合度差主要在於細小既部件

下午有小小进展

HB都有拒好處，就係有彩色完成圖，方便知道完成效果。呢方面龍記應該學習下，話嗮到係香港公司，為拒好嗻。龍記油顏色要靠自己收集資料，唔可以100%靠拒俾既資料，初頭都幾頭痕。 呢方面最好就係雙星啦！

而且龍記無田宮既顏色表，反而HB有列出田宮顏色。唔同龍記無俾版權？因為屋企原因，我只能用雙星水性油，貪拒無毒。
我建議龍記加彩色完成圖，田宮色表，顏色表要好似田宮般烈得非常詳細，小小部件都列埋顏色表。Perfect！ 為港人爭光！（不過聽廣有田宮既股份）

北京有幾乾燥，黎過既朋友都應該略有體會，常駐就更加清楚，女士們就媽聲四起，但發覺模友應該鍾意，睇下小弟一個下午做到甘多也就知啦。北京真係噴漆天堂，水性油一個鐘唔駛就乾 今晚9點洗牛仔褲廰朝8點起床就著得！
按照說明書上指出內構係白色，但經過上網考察圖片，內構顏色其實應該同外面色係一樣既。邏輯係，如果顏色唔同，打開門有色差就會俾敵人發現。所以我無照說明書所講噴白色，而係噴沙漠米黃色[attach]346043[/attach]

跟住噴red brown底色。除左用作底色外，小弟呢次打算嘗試一下“食鹽噴漆法”（可能係今叫卦）

“食鹽噴漆法”按照師兄們留低既方法，先將模型噴上水，根據不規則地手撒食鹽，食鹽中有大有細。我依家等拒幹（相信依家應該幹座）。稍後update大家
小弟第一次做，做唔好請見諒

乾左後將食鹽整走就完成啦

今日終於完成。由於第一次使用“鹽蝕法”但效果唔係好理想，昨晚用水性marker一點一點印上去（以前用海綿法）。今日完成埋filer同wash，搞掂