http://hk.apple.nextmedia.com/news/art/20130719/18340186

【本報訊】城市推土機全速推進觀塘市中心，位於仁愛圍一帶的市建局重建項目範圍，留下負隅頑抗的商戶與居民。其中號稱全港最齊的偉利模型已收到政府起訴書，被控霸佔官地。老闆陳建忠「血書」已備，誓言寧死不屈。仁愛圍，仁愛消逝，只餘怨憤。
記者：蔡元貴
「我都唔知可以做到幾時，市建局冇人肯同我傾。」偉利模型老闆陳建忠提起收舖怒不可遏。政府已按《收回土地條例》收回重建區所有業權，市建局亦已終止一切業權賠償談判。陳建忠稱，他僅獲賠40萬元，不夠他在同區交十個月舖租。
觀塘市中心重建項目影響約1,653個業權、約五千居民，是市建局歷來最大型的重建項目。重建工程料九月就會正式啟動，屆時拒絕遷出的住戶及商戶，屆時會被強行帶走。
陳建忠已收到地政總署發出的起訴書，控以「侵佔政府業權」，將於區域法院審理。陳建忠則以未能找到合適商舖、賠償不足為由，企硬留守仁愛圍。「有咩打算？同佢哋死過！」他已寫好了一幅橫額：「抗議市建局迫死小商戶，沒有合理賠償誓死不走。」
熟客劉先生力撐老闆：「好唔捨得，喺香港，呢啲舖頭越來越少。」他說自己是砌模型長大，磨練耐性。他說，像偉利般齊全的模型舖，在香港絕無僅有；其他模型舖有同款模型，價錢也貴很多。
舊商戶被迫做無牌小販
協助受影響街坊的民間組織「活在觀塘」創辦人袁智仁指出，現時仍有近20戶小販及商舖未遷出，他們都不想阻礙市區發展，只不過賠償實在太少，很難在同區經營下去。這些商戶已經陸續收到起訴書，袁智仁正替他們申請法援，希望盡量延長商戶在這片家園的時光，並且盡量爭取更好的賠償。
目前留下的商戶，除了偉利模型，還有雞記麻雀。有商戶接受了市建局的賠償，卻發現無法找到舖位。仁愛圍一家補鞋舖，店東遷出後，現在又要回來店前以無牌小販身份營業。

阿叔d貨太多,好難搵到鋪搬

who's 熟客劉先生?他說像偉利般齊全的模型舖，在香港絕無僅有；其他模型舖有同款模型，價錢也貴很多。

我聽過老闆同個細路講……你信我啦，我d貨比其他模型鋪賣得平……我真係笑左出黎
我望下細路買果盒野，，比個價錢嚇親

賣花讚花香,唔通話我貴過Y拍無實店的地方咩

咁同斗斗城 or 日式百貨既模型比, 真係便好多既

啲貨Mark到咁高價根本無預你買.
佢唔在乎啲生意, 就算賣晒賺得幾多? 50個好冇??
不如賴死唔走, 落一大口棺材釘, 慢慢同市建局玩獅子大開口!
屈到果舊錢多到你賣十世模型都搵唔到啦~

(蘋果原文) 老板記住唔好搬  只要你一日唔搬 我一日都會去你到買模型咖

牛鬼蛇神 人鬼難辨

其實如果佢同政府打官司，就算嬴到個賠償都會比市建局補償額差

個人認為佢玩大左

佢一日唔肯搬, 大家有多一日食住花生睇好戲~

生果報標榜公義, 卻不知陳老闆模型吊高嚟賣, 仲想捧佢做英雄, 可笑啊可笑

難得，原來依度有咁多看得通透嘅模友，冇浪費到D珍貴嘅正義感。

老板依劑想做大個勢，但係無議員肯幫。生果報唔洗押政治籌碼，先想試下煲冇米粥。租約地契一早搞清楚，無非想作一筆。

平好多!

大家玩模型咁多年, 老實講除咗買/玩同砌, 多少都一齊見證住呢個行業嘅興衰起落.
各位由當年追0079嘅小伙子, 長大到今日當爸爸又有, 生意人又有....唔通仲句句邊隻勁邊隻好打啲咩?
模型鋪生意點做. 老闆啲如意算盤點打大家點會唔知呢?

大家理性分析下合理否:
1. 間舖只係租番黎, 就算土發唔收樓, 租約期滿業主都可唔租俾佢. 唔通又可以叫業主賠?
2. 收樓主耍係賠俾業主, 因為人地真係有業權
3. 間舖以前月租只萬幾, 開始收購後都只係加到兩萬幾, 相比旺角貴租地舖, 呢十年好好經營的話其實利潤唔錯, 可惜大家都知事實係....
4. 一般租約最多咪五年, 賠償一般考慮剩餘租約, 裝修搬迁費, 租金差距等, 四十萬應不少了.
結論係:同模型一樣, 以為可以吊起黎賣

[ 本帖最後由 speedstar 於 2013-7-20 06:03 PM 編輯 ]

沒有仁愛 ?
陳老闆多年來高價圖利, 早已無仁愛可言

[ 本帖最後由 DSOA 於 2013-7-20 06:16 PM 編輯 ]

蘋果唔該醒下啦係唔係都幫,多問幾個人問清楚佢平時做生意手法先啦, 佢d貨賣價最小個件都起碼貴人30%, 一早睇死佢會賴死唔走, 咁都係延續佢做生意呃錢手法, 眼見真係好多無知細路家長被瘋狂呃錢

果間野都好多年冇去見話就汁粒咪去下囉,點知一入到去望到隻....武者衛府弓銃...索價六十八個大洋....即刻掉頭走

呢間野我都大大話話6-7年無行入去了，10年前都有D野睇下，後來無野睇就費事行
乜佢D野貴得咁誇張咩？賠40萬好過賣模型啦！做釘子戶過癮D呀？