依個係我係模聯第30個作品, 係舊作番新, 亦應該係我今年最後作品.

邊睇邊講, 無咁唔累贅.

舊作照, 當年十分滿意嘅作品.


個人覺得, 咁樣十足十一隻蝴蠂


80%完成度, 依張仲睇到保留咗自護嘅特徵, 獨眼.


完成品




磨利咗對爪




本來想影護目鏡後嘅獨眼,可惜仲唔清楚.


身經百戰, 就快龜裂.


下面雖然唔係咁睇到, 但係都花咗d心思.


後面清好多, 因為懶無落水貼.


唯一要補偷膠嘅地方, 亦係好嚴重偷膠嘅地方.


最便宜嘅補品, 亦係我至愛, 大頭針.


好似儲緊氣出必殺技, 亦係最有自護國徽嘅造型.


居高臨下, 另有一番氣勢.


預備......


發射!!!


雙劍流. (我女友認為最靚係兩把劍, 因為夠鮮艷, 無言......)




招牌飛爪






兩隻都係多年前番新作, 兩隻亦係賈圖專用機, 砌個陣都無為意.


當年CG.


今日CG.


多謝觀看, 多多指教!!!

家兔最終機體。。。
當時CCTVB譯咩名嘅呢？真係唔記得。

你女友講得冇錯
我都覺得隻色太沉了
如果界返一d白色的甲條點綴一下效果更好

係咪叫露亞慈露

非常好嘅作品

原來大頭針可以咁有用.....多謝你嘅提點  

靚左好多

点解我见到全部都系XXXXXXXXXXXXX~~~

我都無留意呀.


唔知呢, 始終係d唔出名嘅機體.


可能係個人偏好, 其實我隻隻模型都偏向沉色. 依隻我係配色上諗咗好耐, 因為原來個配色實在唔吸引, 最後用咗深灰配淺灰, 自覺幾滿意.
唔太明白"返一d白色的甲條點綴"係乜意思, 係咪用白色做折線/條型迷彩呢? 多謝指教!!!


多謝欣賞. 其實大頭針用黎做補品我都係睇書抄人ka咋.


因為用咗閣下嘅產品嘛, 哈.......


這個嘛...... 我都唔知喎......

um..技巧與之前已非一般了, texture豐富左好多!

你引到我想砌多只

我剩係記得佢個駕駛者係賈圖=.=

很喜歡樓主的上色手法, 很有個性... 靚作!!
可否說明一下裂油的製作方法呢?

作品非常靚仔，繼續加油吧。
致於Neue Ziel 個譯名呢，記得以前睇0083時字幕譯做"和議之路"。
其實Neue Ziel係德文嚟，Neue = New; Ziel=Goal, Aim, or Target，意思就係新的目標、計劃、或出路。

過咗幾年, 自問都有丁點進步, texture豐富就好明顯歸功於依度d商鋪提供嘅水貼啦 .


砌啦砌啦, 家下依隻bb價廉物美呀(如果唔在意偷膠的話)!!!


我反而記得有一幕發射太陽砲(希望無記錯), 依隻MA俾都"賴"咗野, 大約三分一損毀咗.


多謝謬讚.

其實裂油係失誤, 並唔係有心製作, 只係張錯就錯.

事源係隻BB係我N年前嘅作品, 個陣我仲用緊水性油. 今次番新, 一來懶二來無為意, 無洗油就咁噴水畢地蓋過就算. 後尾就發現D水畢地發生龜裂, 先諗番我以前係用水性油, 因為水性油同油性溝唔埋(我係用油性開油水開水筆地), 所以攪成咁. 不過覺得效果都唔錯, 就由得佢. 不過要留意係, 1) 龜裂成點無得控制, 睇彩數, 不過覺得佢裂得唔靚可以磨走佢. 2)產生過龜裂嘅地方, 附著力奇差, 一用摭掩膠紙就好易撕埋D油出黎, 所以上油前最好噴透明油fix死咗個表面先開始噴油. 其餘只係一般漬洗同舊化手法, 我仲未到家, 唔敢教你 ......


多謝欣賞. 乜個名咁有意思ka? 真係唔講唔知喎......

真係錯有錯著, 正所謂無心插柳, 我都知道係水及油的關係, 很久之前的舊作都發生過這樣的作品情況, 但是就想不到怎樣弄出來,  多謝師兄詳細解釋!!

唔使客氣, 歡迎指教!!

確係靚左好多，中意你既 XYZ 符號效果，有構思同創意，係水貼定手寫 ?

SD 佳作 !! ~

呵呵！正！加油！

幾正WOR!!我記得打GBU戈陣有一關係用呢部機個名,好似係新唔知咩理想

好作一只,只係色偏灰,用其他色點綴下可能會好一點