失驚無神才想起要試另一種方法處理 panel lines 幪皮線.
其實這個程序應該行最先, (應該先於噴/map舊化) 這就是我 **其中** 一個失策之處!
幸好只做了RLM76 一隻色, 仲有 RLM74 和 RLM75 兩隻色有得依翻正常次序, 未至於錯晒.
是乜野方法呢? 一切從 box art 開始.
模型封面彩繪, 一直是我的良師, 無論是飛機, afv, 以至車都一樣.
只是平面的繪畫, 都可以表現出咁有立體感, 咁靚. 咁就從彩繪中觀察吓, 尋寶偷師.
大家有冇留意, 好多戰機的彩繪, 是怎樣表現幪皮線呢?
對, 是淺色幼條畫在深色的幪皮線邊緣, 及, 只有一邊, 不是兩邊都有!!! 無論主色是深或淺都一樣!!!
點解會咁處理? 去睇睇實物先. 香港邊有戰機實物睇呀? 乜唔通只係戰機先至有幪皮線?!
啊! 原來那些很幼很利的邊 (edge) 最反光, 就算機體本身是很深色, 在強光下有時甚至反射成白色!
不過, 另一問題產生 : 幪皮線是在中間一條, 便自然有兩塊面, 反光的只向一面, 那麼, 係邊一面呢?
答案係 : 不固定, 一切取決於你觀看的角度. 因為那是現實的反光嘛! 向著你的那條邊緣一般就是反射高光的那條邊.
其實一切現實中的陰影都是不固定的, 模型的陰影上色如果想選擇模仿現實, 便要先假設光源/預設觀賞的角度....etc. 但亦都冇可能跟得足.....即係唔駛過於在意
一於試吓依這原則樣做幪皮線陰影.
放棄方便但不夠準確性的 post-it, 用回masking tape 沿著幪皮線貼, 當然事先決定高光位在那一邊啦, 遇到有些遮蓋膠紙會重疊的位置, 唯有分幾次貼/噴. 因為線都不少, 有可能一時眼花睇錯而噴錯邊就弊, 建議在膠紙上畫上箭咀記認.
還有, 不同顏色盡量分別噴上各自的高光色, 就算同是灰色系, 相近的 RLM74 和 RLM75都最好分別各自加白色調淺噴上, 一來是從眾彩繪觀察所得, 大多是分開處理的. 二來, 當然是我手痕曾經試過用同一高光色啦! 結論當然是分開不同顏色處理靚d.
分享
