我見國外都有用家用H&S + model air 都係塞, 佢地有建議用 0.2, 落左 thinner 先, 加氣泵濾水, 果幾樣我都係有做, 但一樣

師兄我諗唔使道歉, 大家言語上誤會而已.

我想講係貓兄問支筆可以邊度買到, 而我分享我係邊度買而無中招已.  
我係廣州買, 因為果時成日出TRIP, 順手買埋, 而且心癮大, 唔想為果幾百等 (果時人仔無咁高...)
到底美國, 英國定德國最平, 應該係貓兄自己去研究了.

之於零件我會去英國買, 因為貪英國空郵過黎又平又快, 美國 first class mail 要成個月, priority mail 差不多 USD30, 而且要成2個幾星期, 有時甚至3星期.
至於德國郵政唔使講.....佢應可能仲用緊馬車...

PS. 我屋企唔可以用油性, 因為屋企人會有問題....

我覺得工具同人要夾, H&S 係A手中係利器, 落到B可能係另一回事...
當年買呢支野, 我招供, 純心癮...當係自己辛苦做野的獎勵.
加上果時對德國產品呢4個字的祟拜及迷戀....

換著係而家, 我未必會入, 反而想試下IWATA...
無他, 中過其他德國佬招太多, 見到Made in Germany 幾個字都特別小心而已.

BTW, 我買果時人仔無咁高..我都等緊GBP回落到12.3, 係英國又訂左野, 出年要匯

<---此人德國產品狂迷
德國又是者歐洲野, 對我這又玩HIFI, 相機的小人物真的有無可抗拒的吸引力.
日本野的興趣就麻麻地了, 因為手上碰過好多都是抄考下德國野再自己改良 (好似d鏡頭入面的鏡片組),
HIFI又好電子味,  可以避都避. 唯有模型因為太近日本就沒什麼法子.

真的要等GBP落到12.3先可以入手.  人仔太貴了. 美金價出入不大, 但賣方會mark高個selling price

PS 不能用油性油的人+1 (天生呼吸有小小毛病)
試過租場, 但旁邊用油性油. 自己還是唔頂到幾耐....

[ 本帖最後由 kl122002 於 2013-12-14 08:17 AM 編輯 ]

嘩出左cm-cp2好似幾勁咁唔知時茂會唔會入貨呢,
不過手頭上有幾枝筆都係努力噴下油算

我都覺得純想擁有多呢枝野多過想用個功能,
用落的確好用不過其實個距離帽又有幾何用呀,
唔通滲紙咁用
所以真係普通噴下模型幾百蚊枝日產都好夠用,
Iwata好用嫁不過會重少少比枝infinity

時茂唔會入 只賣HP系列，之前問选過啦


發揮出每技筆嘅極限

[ 本帖最後由 silas 於 2013-12-14 05:37 PM 編輯 ]

話說我買頭一個氣泵 , 唔計較俾多d ,就係迷信made in West Germany...又高估香江尾術果種專業 ,  結果換黎怨恨與自責.....
可以話你知made in Germany唔表示一定好 , 重可以係好差 . 專賣店 , 俾多d $$ 亦未必換倒服務同安心...

眞係俾多多 $ 買到咁靚噴筆你發揮唔倒佢嘅功能亦都只係浪費....

好似版頭c 鬆咁講 , 如果單純要噴倒幼線嘅好多噴筆都做得倒 , 唔使俾咁嘅$ ,咁好噴筆用黎噴模型係大材小用 .

只打算用黎噴下模型高光陰影 , 枝筆唔準差多少都ok, 如果你想0係模型上噴畫 , 大可考慮下 , 個難度重高過係紙上噴畫.

當然 ! 睇你為乜而買 , 你願意/花得起/純想買係no problem

似乎西德/德國野在模型界的口卑麻麻 自已玩過相機hifi, 至今都仲用緊, 未打柴過.
既然大家都提醒德國野有問題, 我會留意下的

望落係好的野總是有想買的欲望.
一只c記電子錶可以行得準過隻勞冠記, 不過人人都要勞冠記之麻
呢d小哲學值得  就算

自己都係最先想噴好d灰, 最後還是手上色. (現在對著堆灰色膠野好燥....
噴色的話, 除左架一直未完功的貨車之外都無野想噴.

淘寶有, 但係比我就去chicagoairbrush

我的德國經驗...

壞經驗
1/ L 字頭數碼相機, CCD 數碼果批全部朋友都有裂同甩COATING, 雖然過左保養都肯免費換(似乎廠默認左係佢地問題), 但每次要等5個月.
2/ W 字頭坦克補件, 果店幾出名, 但收訂後一拖再拖都算. 成品根本係半成品, 水口多到爆, Detail 位不足, 尺寸不合, 寄錯零件攪到要自製...另外設計上問題, 令到軸心根本不可能垂直. 自己出圖俾大陸CNC仲好過佢...
3/ P 字頭摩機, 用左 5次個插甩左條針 香港代理叫我問德國總部 (咁買行貨做乜?). 德國佬寄過條俾我, 不過唔知要等到幾時先到
4/ P 字頭銑床, 返黎試...點解條軸唔垂直, 後來用千分表測! 嘩, 出廠時斜左5度有多...咁都出到廠
5/ P 字頭車床, 點解部機點較個 backlash 都咁大...後來拆出來研究, 原來個 leadscrew 長左 2mm   後來自製尼龍墊片先攪掂. 不過用幾用又鬆返, 因為定位螺絲太少, 根本用用下會震鬆...
6/ P 字頭鑽咀, 只係鑽下膠, 黃銅, 幾次之後就唔利. 用返 Dormer 英國鑽, 嘿嘿..
7/ W字頭螺絲批, 成日擰螺絲攪到螺絲頭爛...後來換左 PB Swiss, 先知道原來德國果支幾咁雞

好經驗
1/ M 牌家電  (不過點解香港貴德國成截, 得一年保, 而其他國家都係五年???)
2/ L 字坦克補件, 平,靚,正,快

其實仲有唔係壞經驗,不過唔寫太多了...

德國相機...L 牌? 若果係...
壞CCD, 壞差電機, 差電機唔夾電池,樣樣問題多多...

個人感覺德國佬野太理想化, 理論化, 無預你有誤差. 但現實生活點會無誤差, 結果就問題多多.
好似我去德國相機廠參觀, 佢好自豪話我地呢部機入面唔使有AF鏡頭焦點微調, 因為ROM入面有晒所有鏡頭的S/N 同誤差, 會自動調返.
我忍唔住問..咁支鏡出廠遲過部機點算?
佢即時面都黑晒話: 我地會係下一個FIRMWARE度加返.
我心諗...你地FIRMWARE, 快係半年, 遲係一兩年先出一個喎...
呢D係通常德國佬邏輯, 我設計係咁完美, 邊個叫你買支後出的鏡?   所以錯係你度
小弟由於工作會常接觸到德國佬, 所以有咁的感覺...

吹遠了

是否T先生果度, 易租嗎? 我屋企有設備但係係走鬼場.
而且D野大件, 唔可以攤晒出黎乾, 結果係要分幾日噴

講起細個果個年代Europe嘅機係唔適合亞洲果種潮濕天氣 , 價錢更加唔適合...

我工作上係有呢d外籍人仕 , 我又唔覺得個思考方式/logic有幾優秀  , 不過又的確係好古板同直率
唯一欣賞係有着SS要求果種對同志絕對嘅信任

7 80年代日本曾經被認為係模仿力最高嘅國家 , 的確日本抄野係好快 , 再加上production做得好, 所以成本低 , 當年滙水又低 ,
價格可以只係歐洲机一半 , 而且日本機係亞洲机 , 適合亞洲天氣 。 無人係日粉 , 但家家戶戶都用日本電器 .

[ 本帖最後由 oj 於 2013-12-15 04:04 AM 編輯 ]

其實好多地方都係咁 , 有d感覺係工廠噴油房 , 成班女工各自開工 , d油味又抽唔去, 攞苦黎辛:
我係外面見倒都唔想入去. 我就成班同好傾下計就好 , 約埋砌野甚至噴油眞係冇想過 .

有間樓上模型舗入面有噴油房租 , 大概抽氣有問題 , 不論噴油房有/冇人噴油, 每次一入模型舗已經好大味而且唔散

原來曾是同路人
L牌的思維停留左40-50. 不對, 可能是更古早的WWII之前的一機一鏡年代?
去左幾次都同agent提過n 次, 如你所講佢地都唔多明.
Z牌因為知自己的機又貴又易壞, 80s找了日本Y牌合作, 現在是S牌.
論機身兩間的自家出品麻麻, 不過鏡頭就唔錯 (特別係舊的)
用得最耐是G記的測光錶, 由入門玩到家下退伍都仲好準 (重要係2手)
M字閃燈由老豆交到我手都有30年, 色溫又光又準, 回充快, 上年因為由1樓跌左落地先告吹.
P記的五金未用過

螺絲批/鉗一定要買瑞士出的, 果d先叫神器. 一把鉗HK$90蚊起, 你話   有心的行下康田後面會明白.
包你買又一把又一把.


我唔知現在T的情況, 因為請老世唔到人, 間鋪鎖左門, 去左好多次都無開....
對上個次是朋友帶我上去, 只此一次, 不敢肯定是不是T場還是私人地方. 無法comment

我自己剛起步, 得槍同個泵, 就地鋪報紙起噴, 好似第3世界


紅髮? 我覺得係老世的私竇多d


有名叫木頭式思維

我只知我家第一部S牌的電視用左17-8年先換得, 家下另一個S牌的LCD電視用左好多年 (太久遠了)....我睇唔到咩高清, 我只等跟部電視跪底...
第一代的P記慳電膽 (好大個圓圓地, 好似個波的) 用在...5-6年?(都唔只吧?) 未燒, 不過由100W光度暗到可以用40W神枱燈的對比.
象牌/虎牌熱水壺每3年換一次, 因為入面個膠圈老化
S記鬧鐘落地壞左兩個.
R記掛鐘唔知咩事有一日自己唔行, 我仲被佢冼左一次甘的
N記電飯煲的內膽好易花
S記第一代T相機...成日對焦不準, 舊電又唔夠長氣又已無得賣, 又要用佢的memory stick....
神手之鉗落地斷過一把, 另一把要自己扭返回, 家下仲用緊
我很少玩的PS2吸入太多塵? 某日在一班freind 面前燒左
用得最耐是部gameboy, 都出左NDS3DXL都仲未壞...好彩佢唔係電視機, 如果唔係日日俄仔方塊, 我都唔幾時先有部新的

不過呢次先堅...
有條日本的hifi 線, d聲一直好怪.
聽左3年在某日好奇心買新線, 再剪開舊的望下...先知舊線入面原本4芯鍍銀銅變3芯鍍銀銅, 有一條細線芯唔見左.
害我雙耳被騙了3年之餘, 以為蔡琴是男人

扯遠了 (杷信原貼主已好無奈)
日本野....唉.. 對我而言還是可避就避

[ 本帖最後由 kl122002 於 2013-12-15 08:04 AM 編輯 ]

其實上eBay 買好d定去噴筆網站買抵d?
都係俾PayPal ？
我見淘寶都有得賣h&s
出糧想買支H&S inxxxxx 2in1

講起上黎

果陣入左間日本廠做summer job , 見架仔為左要兩條line可以循環輪迴 , 就0係兩條line頭尾各造左一set装置
有貨到就會自動升起來一個180 C 自轉再遞送到另一條line , 此過程動作大開大合 , 旣瀟洒又霸氣體現日本領
先亞洲嘅高科技之餘又展現傲氣 . (當時未有迴轉壽司果種轉彎嘅技術)

初初presentation 係good嘅 , 但過左一段時間呢..落點定位出問題又有 , d貨飛走又有 , 更甚者...成個幾磅
重底盤當眾好似沙灘玩飛碟咁飛落地

d看透世情嘅長者話 : "日本仔d野科學但化學.... " 依家睇返就覺得點解做果少少野要咁大動作嘅

漫漫d生産技術經驗好左 , 後來產品都改善左好多  .

同埋想講俾成虫聽 : 日本電視機一樣會爆炸...爆過黎....