大家好,               
               
我有個工作需要原型師(做細緻設計) 配合, 請問大家有無一些高水準的朋友可以介紹?               
               
因為工作都快要進行, 希望大家能幫幫忙, 如有任何問題可以直接PM我或留言, 我會盡快聯絡的, 拜託,拜託, 謝謝               
               
主要職務:                 
設計造型, 直至客戶滿意作品, 即完成單次工作               
(收費按每個【完成】的造型計算)               
               
請看以下工作程序, 如只能完成部份工作或預計有任何困難, 請先提出, 我們可以商議如何配合解決                  
               
工作程序:                  
1) 造型師提供初辦設計圖 (可以是3D圖) 或直接掐出造型, 讓客戶批辦;                 
2) 客戶批辦後, 造型師需提供一式2個大貨樣辦,  給客戶簽批               
3) 大貨樣辦簽批後, 即完成單次工作  

付款程序:               
1) 首50%造型費會於確認設計圖翌日起計3個工作天內付款               
2) 餘下50%會於確認大貨樣辦翌日起計3個工作天內付款

[ 本帖最後由 martinyeah 於 2014-1-7 11:23 PM 編輯 ]

有無人想幫幫手啊???

師兄:
做的是Figure人形嗎？時間趕嗎？

係製作立體造型,  主題無特定, 但唔會係日本動漫人物, 如有你有興趣, 可以PM我, 我再講詳細少少比你知

樓盤模型, Window Display or 大形場地佈置~?

product designer/原型師同模型友做出黎ge野未必o岩樓主你
product designer/原型師由design件野開始就已經諗埋點做生產件
而模型友未必會識得諗埋呢d,到大辦做左出黎,可能又要請人諗點生產


另外直至客戶滿意作品<<呢個真係可圈可點
按job計,聽過有d公司會不停彈鐘,永遠有數唔完0既要求要加同改,變相一個job錢請個長工designer返黎
有d仲衰,明彈人鐘,實則明迫人走,跟住就轉手交左件野比客
雖然冇証據話樓主係果d人,不過當善意提醒大家版友簽約前留意下,以保障自己

明白大家既擔心

我主要想搵一位識設計造型既原型師,  至於點設計, 咩方向, 用0係咩Product度, 當我搵到一位合適既原形師既時侯, 開始合作前一定會講清楚

因為我都想快D可以完工

直至客戶滿意作品<-- 呢樣野好多design house 已經唔會做, 佢地會列明只可以改動幾多次, 過左就每次再收錢

列明修改次數也不行的，佢會話你沒有根據其要求做而不斷提出修改要求，唔係你話SET定改三次就只改三次，佢要食住你好容易。例如：佢話件野唔夠”BOOK”要再”BOOK” D，唔夠”型”要再型D，唔夠”醒目”要再醒目D，條邊唔夠圓要再圓D………改到好圓又話太圓，要某某位置再平DD再凹DD，隻色唔夠鮮，呢度唔夠紅、果度太暗、呢一忽仔太白………之如此類，總之就係一些沒有實數、空泛的FEEDBACK。而且，剛開始接份JOB前，根本不會預計到會出現如何的麻煩事，係你做做下才知道的，防不勝防。做之前要心理準備好。洗濕左個頭就要做到尾，如果唔係，中途退出就渣都冇。

商議條款前，可以要求先付部份錢再開工，但佢地通常唔願意，寧可找第二個做。去到呢步，己可能喪失了接呢個JOB的機會。你唔做大把人做，香港年年都生產咁多大專副學士設計師。

[ 本帖最後由 vincinpo 於 2014-1-9 12:39 PM 編輯 ]

樓主個job description 太唔清淅啦

就算係機密都要俾人知你想做咩野架ma，做人形做機械做建築物係唔同既專業，你唔會想搵個做building既同你雕人樣呱?
size又係另一個問題，你諗住做到成個人咁大定一個扭蛋咁大既figure先? 唔同size "細節"要求唔同，技巧唔同，價錢亦差好遠
最後你所謂既大貨樣辦係用黎做咩先? 擺展覽定用黎開模做mass production? mass production的話又會用咩生產方法呢? 呢d都非常影響工藝同成本
最後既最後，你有幾多budget? 你只係出到幾千蚊的話我諗你唔會expect雕到好似HotToys咁呱

究竟會唔會改9萬次都唔中，定會傾好先做野，咁真係要做落先知啦

其實樓主是不是想找freelance人開樣版/圖造模具, 自己開公司出模型/首辦
係的話, 你找的人可能要更多.
"立體造型,  主題無特定, 但唔會係日本動漫人物" 換句話說...是車, AFV, 建築? 講多少少la.
唔係的話我都唔知你想做咩了.

其實呢度唔係jobsDB, 就算可能是獵頭地方, 但你的方法不太適合了

逢係接job做一定俾一半先.
我接job做剪接就講明前6成後4成, 如果唔得我寧願唔接.

明顯係要搵d 行內人仕/公司去做既野, 點解會係一個消閒/娛樂既論壇到找兵呢??

想搵"新人"既d "學校"有大把啦.

要識"設計"既, 亦係"學校"會有大把.

要老手既, 就即係行內人既, 咁搵去公司搞架啦.

兩個字:   怪  ...

設計？
乜搵人設計要俾錢o架o羊？
設計師係乞兒o黎o架o者o麻，個客高興o既o米俾啖飯佢食o羅。



其實某些設計或創作行內o既純設計/創作項目，服務收費上有一樣o野叫 " rejection fee"，即係設計師提供o左方案，客戶唔滿意拒絕收貨，亦需為已提供之方案附若干費用。

[ 本帖最後由 littlemomo 於 2014-1-9 09:03 PM 編輯 ]

我覺得樓主係想搵"新" 的"師傅".
在外國, 有人會心口貼過勇字就走出去, 甚至明日成名

不過還是一句, 出freelance"新人"工資, 可以怎樣得到"師傅"的工藝?

看樣子樓主也應放棄在這裡獵頭了.

係外國, design 係創作來既, 係香港 design 只係照老闆意思"實現化"左.

又唔係一定，有d客係非常鼓勵你創作，話任你玩，idea 要新
~~~~~皆因你越多新橋俾佢，佢就越多料用o黎抄，或許越多料向上上級獻計領功。
但一講到要佢找數，佢就仲有o野改，等下先~~~~

香港地，家下"設計"係淪落為贈品
買傢俱送設計
印海布送設計
裝修送設計
做衫送設計
雕公仔送設計

[ 本帖最後由 littlemomo 於 2014-1-9 11:14 PM 編輯 ]