雖然我無用淘X,
不過今日拜年+平日去模型鋪碰上的中學生, 都聽到話去淘X買模型平好多.
但我還是有少少搞唔明, 就算因為家人有去淘下所以免集運, 都會因為匯紙升吧? 居然平唔過香港買?
點解甘多中學生(真的好似只有中學生)依然用淘X ?

淘寶的確平d...

不過可能我老了, 還是喜歡逛模型店接觸下人氣, 又可以博下有冇舊模返出...

有心TB裡找的話，肯定 MG 巾 比香港旺角灣仔的便宜成條街，其他比較偏的店不知道。
我因工作關係， 一般順便在大陸請同事買和收貨。
Sofar no bad experience or accidents

我唔多覺日本模型, 計完匯率 + 運費 後會平"好多", 有冇得平都成問題. 少少, 十蚊廿蚊就唔奇. 不過又要計埋中港運輸整爛件既風險.

就以隻鴨脾做例, 依家有平既, 都係"預訂二月尾"派貨既. 買415人仔左右. 早兩日人仔銀行價係 10對 7.7了. 支付寶既, 即係7.3都冇.  即係hkd570.
如果香港舖做570既, 會有人話平咩? 現貨既, 就450人仔左右. 計7.3算既, $617.
唔好講 精品 做過500蚊先. 福利第三水返既貨都唔洗咁貴. 呢個價仲未計運費.  $617既的話, 星期日行過仁安間 "jabo",返左貨, $630. 咁有幾平了.
而我第一水第一日係福利買飛機貨都只係$638. 咁有幾平呢.

例子二, 先前有朋友問有冇興趣一齊訂隻 1/48 老長寶貝鴨, 328 + 8 人仔國內運費, 個朋友會自己上大陸取, 所以冇唔洗計香港運費. 計埋當 8算匯率> $420
而福利之前返係賣$430.  如果唔係香港未返貨, 搵唔到又急要, 真係分別唔大.  點知, order左之後唔洗一個星期千里達返左貨. 唔洗4舊. 哈哈.

係得TB 買，係有佢理由的！！
我上兩月都入左兩盒車，係香港搵極都冇貨，點知係TB有，開心死我！！
運到香港連運費都係$150一盒，盒又新又直角，講真香港買都未必咁靚盒丫！！
就算香港返貨都要咁上下價啦，仲唔知等到何年何月，都係買左先算。

其實在TB買東西, 價格是否便宜只係其中一個因素, 價格當然要比較, 真係平左先會在TB買

另一原因係天下之大, 本地的模型店一般只賣大路野, 反而在TB有時會搵到些本地搵唔到的東西, TB有咁多商店, 貨源品種會比本地店多, 另外又正如上面C兄講, 可能本地店存貨不多賣晒, 但在TB有機會仍可找到一些東西

咁就唔係"因為平"而係淘寶買了.
要買但香港冇既, 有好多人貴都要真接日本訂返來添.

盒Z 我用了$98人仔連運費買,你呢?

平多D, 買多D
最後沒有空間買
賣一些了>>多D空間
重新再買... <<你在做什麼？
幫店鋪打工

[ 本帖最後由 kck22 於 2014-1-31 09:45 PM 編輯 ]

淘寶買日本模型唔平... 一般比香港貴
反而國產模型 (小喇叭 , DRAGON , 馬仔牌) 就會比香港平啦. 國產補品都比香港平少少.

之前因為要買roden 所以在ebay訂
只是覺得一下一定要3-4盒, 如果唔係運費都唔得

$98堅平 有冇店名介紹？
我108

講緊國產老翻 定 Bandai 正貨先

Evolution,做特價時買

有次响TB見到部RX7 (TAMIYA 24106) , 店主話有2部,好嗰部已賣,另1部擋風玻璃有問題,但唔影响外觀,話$40人仔連運費比我,我話玻璃件爛左唔要,該店主問我係唔係好鐘意呢部車,我話係,點知佢話送比我,仲幫我比埋運費,心諗邊有咁有可能架,但自已中意而又絶板,所以同佢話運費我自已比, 點知返到來check件,玻璃爛左,但條A柱已經遮住,根本無問題. 呢個真係TB奇遇記

我係T7 買的 ，係Evo買過改件，都知Evo有特價，但唔見Z

精品鴨比有做過5oo咩！

如果以一盒計未必平, 反而重貴. 所以我一次過會買多啲, 平均就會平啲.

這樣說吧,如果單以科幻模型(B記,壽屋等等)來算....其實是便宜不了多少.....  算上運費可能只便宜了10多塊...

但是在軍事模型(號手,威龍,MENG......)真是便宜多了..... 以MENG的T90為例 淘X賣130人仔(本地模型店標價200多了)

另外款式問題了...有很多HK缺貨或者太貴的東西都可以找到

當然我還是喜歡去模型店行下

大陸牌軍模已經係X賣網入手了，TB價連匯率加運費爭十幾蚊

至於巾巾，知道衰人行批貨手法就知，忍下手必定可以超靚價入貨，在乎你忍唔忍得