憑你呢句就知你未住過公屋, 夏蟲不可語冰, 算把 la 你~

=-=又要分有冇需要........
你冇睇返前幾頁?講野就話冇得聽返ja....打左出黎就再睇睇la~

似乎佢需要出post 比人插, 而唔係 樓主 lor

呢個細代既人充滿問題, 而又不肯去理解

haha...我沒有住過公屋?...我細細個住慈雲山的7層公屋跟祖父母一起.....之後搬入屯門的公屋(跟回爸媽)果時仲係新市區發展時....你都幾主觀喎..怪不得啦..

而家就一家三口子買了樓只不過係二手, 因申請公屋太長時間了,果時又後生.與其跟有須要的人爭.......我不如努力找多點錢比首期....不過果時真係好辛苦...

我不會再在此Topic留言了, 再下去只會成罵戰...之前有什麼得罪...只好說句不好意思.sorry呀...

[ 本帖最後由 hhkcom 於 2010-2-25 06:51 PM 編輯 ]

Pt.1 人梗係主觀, 只係邊一個思想較多人認同而變成客觀, 你之前句野令三個人覺得你未住過公屋, 咁究竟係我接收有問題定你表達能力...

Pt.2 我都供過樓, 知道有幾辛苦同幾搵笨 (足足十年同銀行+地產商打工), 到近年捱完鬆返回心一諗, 我而家生活同以前住公屋相去不遠, 辛苦咁多年得到層樓, 但差晌管理維修統統又係自己受, 換來只係更多責任, 感覺跌咗落一班有錢佬圈套而不能自拔, 要跟隨一個固定規則玩落去 (你有睇過 "賭博啟示錄" 就會知我講乜)~

Pt.3 邊個叫有需要既人~? 根據房署所講, 令公援或受助人仕佔公屋人囗約兩成, 即係有八成公屋人囗係正常, 佢地唔係為咗獨立, 將來成家立室有個安樂蝸, 唔通屎忽痕~? 樓主讀緊書, 但已經諗緊十年八載後將來,而你地就只係潑冷水叫人行返自己舊路先係 "皇道", 誰比較識諗~? 在心中 la~

又真係好識為將來打算,我以後見到d學生,都會勸佢地,早d為將來入住公屋做好計劃先

不過,twinsa兄我覺得你有d高估左佢地,我之前問為咩原因要搬開住過獨立生活,你睇番個答案,似乎並不是你所講"為將來作打算".....

似係唔多想同父母住多d,不過又準備用8-9年時去等間公屋,會唔會矛盾左d!?

[ 本帖最後由 明天 於 2010-2-27 04:02 AM 編輯 ]

因為公屋申請既入息上限好低....現今有正常學歷畢業既後生,打幾年工都好易超額

之前都仲有好多方法申請到,例如做一d"唔洗報稅"既工,仲讀緊書未有收入就入定紙申請之類....

而家用計分制嚴好多,你睇下個入息限額,真係唔係"窮人"都唔洗旨意有

同我同輩畢業又結左婚既同學/師弟/年紀差不多既同事,冇一個係申請入住公屋,多數係自己供樓,或者同父母老爺奶奶一齊住.(有一個係住公屋,不過係老豆以前申請的,即係又係同父母住,三代同堂,不過一樣生活得好開心!~)

Sorry,你reply仲多過樓主,我好多post都係reply你多d

[ 本帖最後由 明天 於 2010-2-27 03:15 AM 編輯 ]

你可以當買保險,不過呢個保險好易冇,所以我都叫你照入紙,不過你一邊等咪又要一邊同父母一齊住,...咪又要學你講咁,繼續比父母照顧!??

唉~ 你知唔知由社工轉介果 D 赤貧 / 問題家庭 / 新移民 / 分戶全部都唔駛排隊, 只要等一兩個月就上倒樓, 咁樓主又點能夠阻到果 D 人~?

至而樓主想搬出黎唔同父母住有乜問題~? 政府規定子女未結婚一定要同父母同住先得 ma~? 而且係輪公屋十年八年都要 Keep 住同父母同住, 住到三十歲輪到公屋獨立搬出去住都好正常 lor~

仲有樓主排十年你又保證佢 Status 一定不變~? 人會拍拖, 結婚, 生仔, 不知不覺輪公屋由一人變成多人, 分數同入息限額同需要度自然會變, 最後如果佢入息高咗 or 分數不夠, 就需要從新審查, 甚至取消佢資格, 咁又點阻倒人~?

以上只要對自己有d 遠計劃就自然會諗到...

其實我出聲,(相信有其他版友既想法都係)....重點唔係話佢阻住人,而係佢既出發點.....

其實我都冇咩心機打咁多字,亦有版友pm我叫我慳番d氣力....不過,我既皮氣,心有果句就點都要講晒出黎先順....

首先我唔知樓因咩原因想申請公屋,所以我一開始係問佢有咩問題...

如果答案係: 現今居住環境好差,家庭成員好多,地方又少,又或者成員間太多磨擦,好難相處之類....咁我會好同情佢.

不過得到既回應係,只係想搬開住,有個唔受干擾既私人空間, 例如間屋想油自己想要既色都唔得,搬開住就等同"成家立室"......我睇到呢d答案真係有點啼笑皆非,完全睇唔到有任何真正需要,而且有點避重就輕,冇提到而家生活環境如何?(住緊係公屋!?父母已經有私人物業??定係租緊私人樓!?幾大間??)

亦由呢d答案,我絕對唔覺得佢係一個好識諗,正在為自己既將來打算緊,我覺得只係放眼緊目前,想有個"私人空間"而已.....而佢post左呢d答案之後,都有唔少版友入來發言,比唔少意見,我睇得出佢地既諗法同我都係大同少異....

再者,一個咁識諗,為定將來打算既後生仔,無理由唔識去邊度找有關資料,而來一個模型forum問人點申請公屋,由此睇出,現階段樓主似乎仲係需要有人照顧好d....

"有生活需要,為將來打算而去申請公屋" 及 "想出來獨立,但又冇能力租/買私人樓而想申請公屋" <---係兩回事,有版友出來插,都係睇唔過眼後生世仔諗野咁負面,咁唔積極...

所以我之後既回應都係玩串下咀,不過內容都是認真的,係一d可行既方法,不過唔想佢真係咁做....

後來提到為將來買個保險,我覺得都係一d轉呔既講法,因為開始時唔係咁講,不過,如果比我時光倒流,去番十幾歲時,要為自己將來打算的話:

- 最好既保險係趁出來社會之前裝備好自己,選定要加入既行業,做定資料搜集,目標向上,另一方面等待機會,總好過買一d機會渺茫既保險咁消極...
- 樓價而家係好貴,不過過去十幾年既歷史話我地知,世事無絕對,樓價係會有跌既時候,而且係可以跌到好甘, 2003年十幾萬可以買個窩打老道二手唐樓單位(當然,有咁既時候都唔知係咪好事,但機會係會有,我覺得比成功申請公屋大)...
- 其實保險已經一直係身邊,爭在去唔去珍惜....

至於其他申請或住係公屋,又浪費緊資源既例子,係另一回事,唔想係呢度討論,唔可以有人更差,就同意冇咁差既...

[ 本帖最後由 明天 於 2010-2-27 01:15 PM 編輯 ]

你講咩ar你?咁你自己講左幾次插佢為佢好?又話係reply我多

#67其實只係點醒佢地
#106插佢唔識諗,諗野不設實際
#127插佢都係為佢好,佢咁想搬開住

[ 本帖最後由 helios1988 於 2010-2-27 11:38 PM 編輯 ]

不過得到既回應係,只係想搬開住,有個唔受干擾既私人空間, 例如間屋想油自己想要既色都唔得,搬開住就等同"成家立室"......我睇到呢d答案真係有點啼笑皆非,完全睇唔到有任何真正需要,而且有點避重就輕,冇提到而家生活環境如何?(住緊係公屋!?父母已經有私人物業??定係租緊私人樓!?幾大間??)
你唔問我點解要講出黎?咁你點解唔講你銀行有幾多錢?我試作解釋就諗例子出黎,你就開始不停幻想,當左個案~勁人
難道冇生活空間哩樣野?

"原來你因為呢d原因唔想一齊住""你問左你父母佢地真係咁諗,定係你代佢地咁諗??"
我話我同李嘉誠係朋友就話一睇就知吹牛ja,我講我老豆有晒打算,你都話我代佢諗,睇黎你ga幻想力真係好高~

我問你作為老豆阿媽生仔為防老係咪好自私呢?
"其實單係你呢句都好有問題,如果你覺得父母生你係自私行為,會唔會考慮結束自己生命呢??"
你d金句同我個油漆做例子差得遠la~為左串咀而加咁強勁創作力值得一睇再睇~
"例如d投資儲夠比首期,租買私人樓又或者洗晒d錢,搵份人工少既工,扮窮申請公屋...."
"以後打工都要keep住人工唔好過上限,老闆話加你人工,記得話"唔好".......做野唔好有太好表現,一個唔覺意升你職又超額....不過又要少心,唔好太差表現搞到被炒..."

再者,一個咁識諗,為定將來打算既後生仔,無理由唔識去邊度找有關資料,而來一個模型forum問人點申請公屋,由此睇出,現階段樓主似乎仲係需要有人照顧好d....
咁你用msn,mail同人傾計會唔會都覺得唔尊重人?聯想力超群~

講轉呔唔及你地反對ga幾位人士~如果有需要幫你地count出黎,好冇?
唔講前面,哩一則回應你都轉晒風la~
"所以我之後既回應都係玩串下咀,不過內容都是認真的,係一d可行既方法,不過唔想佢真係咁做...."

- 最好既保險係趁出來社會之前裝備好自己,選定要加入既行業,做定資料搜集,目標向上,另一方面等待機會,總好過買一d機會渺茫既保險咁消極...
- 樓價而家係好貴,不過過去十幾年既歷史話我地知,世事無絕對,樓價係會有跌既時候,而且係可以跌到好甘, 2003年十幾萬可以買個窩打老道二手唐樓單位(當然,有咁既時候都唔知係咪好事,但機會係會有,我覺得比成功申請公屋大)...
- 其實保險已經一直係身邊,爭在去唔去珍惜....

有冇睇到我哩句呢?沙士,97金融風暴,09金融海嘯,或者政府再推8萬5政策~就係買樓時機......當然唔好咁岩發生哩d事之前你投資左地產股票
"一齊住先,慳番d開支,用來投資,例如供番份基金"
買基金必賺?咩叫保險一直都係度,最簡單政府儲存保障金額點解要提高?
你咁叻有預知能力....又唔係09金融海嘯前叫人放迷債?美國大擺銀行執左,你就算只係入錢落戶口唔係投資都有幾會冇晒~
最後你都有你自己批評事ga出發點,就係自己ga生活圈子d人習慣係點就覺得人地都必需係點~佢地好彩就等於其他人好彩?
講到打幾年工一定超晒上限,咩金融風暴,海嘯裁員減人工,肥雞餐哩d係咩呢?佢地個個都抵炒?
定係佢地唔去珍惜?

[ 本帖最後由 helios1988 於 2010-2-28 12:29 AM 編輯 ]

講出發點都有得討論ga~

頂多可以話我地消極態度唔岩ja,作最壞打算係錯ga態度?因為合資格及冇虛報申請完全冇影響其他申請者.
但係一班先入為主ga人認定左申請就唔岩,仲假設到世界十分完美,你肯做就一定買得起樓~咁邊個態度錯先?

唔夠串咀又俾人話轉呔既講法~

[ 本帖最後由 helios1988 於 2010-2-28 12:46 AM 編輯 ]

睇完上面既回覆,感覺上原來呢個世界上真係有唔少人係極之幸運既人

原來唔少人準備左,努力左,之後個機會就會突然間"叮"一聲彈左出黎

唔知你細個有冇玩過大富翁,你要拎張機會卡,都唔係每個圈都可以拎到啦,更可況係講緊現實入面既機會?

一方面係度叫人做準備,要珍惜機會,一方面又話買一個機會渺茫既保險係消極既做法

唔通買保險就唔係準備既一種?你唔覺得有點自相矛盾嗎?

十幾萬你估咁容易儲?

如果係咁容易儲的話,就唔需要係度諗申請公屋,因為根本唔符合資格申請

你認為去到大跌市既時候,每個人都會有能力、夠膽買樓?

如果係既話,就唔會有錢人永遠只佔少數

[ 本帖最後由 ＊呀浩_∼ 於 2010-3-1 11:40 PM 編輯 ]

講真....就算幾努力做野都好.....遇唔到識欣賞你ga老闆都難有出頭天~伯樂搵千里馬,千里馬搵伯樂~
哩d就係際遇!或者老土d講句命運......3分人事7分天~