計分制

申請人的分數會按其成功登記公屋申請表時的年齡計算。在計分制下，18歲申請人將獲0分，19歲獲3分，20歲獲6分，每一歲加3分，如此類推，直至59歲獲123分為止。

申請人如現居於租住公屋單位(包括由房屋協會營運的租住房屋)，會被扣30分。

申請人在公屋輪候冊上多等一個月可多得1分。


個別申請地區內登記在公屋輪候冊「配額及計分制」非長者一人申請者已接受配房的最低分數為：136分(市區)、135分(擴展市區)、133分(新界)、132分(離島)。由於輪候各申請地區一人申請者的數目及區內公屋供應量各有不同，故各區已接受配房的最低分數亦會有所差異，申請人可按入住公屋的個別需要及迫切性，選擇或申請轉往合適自己的公屋申請地區，惟選擇輪候市區(包括香港島及九龍)公屋單位會受以上第3項內所述的限制。另由於配房的先後次序須視乎輪候冊上申請人於「配額及計分制」下的分數而定，而此分數亦與申請人成功登記輪候公屋時的年齡有關，故若於某一時段內有較多較年長的申請人加入申請，可導致某月份某區的已接受配房最低分數較上月不降反升。

家庭人口 每月最高入息限額 (2) 總資產淨值限額
1人   7,400元   (7,789元) 182,000元(1)
2人 11,600元  (12,211元) 246,000元(1)


咁樓主計下自己有幾多分,再計下要等幾多年

到時如果你仲係月入7,400元 ~~咁就要

咁人地覺得你30歲前俾心機做是但一份工都一定唔會俾人炒,一定加人工加到萬幾蚊,又一定儲到幾十萬俾首期,又投資實唔會蝕~
如果你咁不幸最後搵得份7000蚊工,一定係你冇手冇腳扮殘廢或者洗晒d錢再搵份少人工ga工扮窮喇~

絕對同意~! 家家有本難唸的經, 自己有個幸福家庭可以同父母同住, 唔代表全世界都係一樣~

我有個 Friend 佢父母見仔大女大, 於是就搬上大陸住, 目的係想過二人生活~

仲有, 係外國 (包括大陸), 子女十零廿十歲就要離開屋企獨立, 否則會俾人認為有問題~

只係香港咁奇異, 個個廿幾三十歲仲同父母同住, 最有型係呢個香港畸形觀念變咗正統, 仲以此為 "皇道" 插返d 想獨立既人轉頭, 真奇景~!

想獨立即係唔想照顧父母~

獨立同照顧父母根本兩回事, 逆向諗獨立係唔想成為父母付累, 咁咪又講得通~

冷靜d~~咁又唔可以咁講~~
人各有志~~人地想點又唔關我地事~咁勞氣做咩?

又唔駛咁驚....元朗有好多100萬以下ga單位,不過離市中心少少少少ja~
唔怕唔怕,搭車果時訓陣咪得囉~

又掂bo~

人有時會見高拜見低踩
香港成日聽到,冇錢唔好生咁多要政府養
個老婆/女友有多少錢又話人食軟飯

李安拍 喜宴 就係問台灣政府囉$資助拍架
冇戲開就得個老婆去返工成10年食軟飯架
好彩佢撈得起,變左華人光榮又點又點

唔係又比人話佢冇$又想拍戲要政府幫,
拍戲唔係迫切需要
食軟飯唔做野寫劇本呀
馬死又唔落地行,唔轉行返去教書

好彩佢冇轉行,唔係又少個"華人之光"比人自我安慰喇

最係都係一句,唔好成日用自己把尺去度人

唔係d人想痴父母, 而係香港樓貴, 公屋唔係比土生土長香港居民申請用, 要諗都唔係一般後生仔可以諗到
再者樓價貴, 好多家庭都唔係父母搵錢夠供得起, 可能要埋d仔女幫手

仲之一般打工仔, 先係時下社會既支柱, 因為好多人撐住左e家以樓市為主導既香港經濟

都吾駛太悲觀既,計得太多搞到人都灰晒,而家俾心機搵錢先囉.........吾敢保証樓價一定會有大幅下銼既一日,但話吾定樓價會回落呢??
暫時同父母同住既時間,俾心機儲錢,遇到樓價回落,或者搵到間樓可以負擔得黎,手頭儲落果舊錢就有用喇...

換返轉頭香港幾多有錢人幾十億幾百億身家
都係咁問政府囉著數又冇人提

某地產商起完樓冇啦啦有條地鐵夾硬搭埋過去,政府幾好人

咩灣半島賤賣比地產商轉手賺幾十億你聲都冇得出,對方仲要串串共咁

不竟香港有錢人係惡d既

沙士,97金融風暴,09金融海嘯,或者政府再推8萬5政策~就係買樓時機......當然唔好咁岩發生哩d事之前你投資左地產股票~

如果師兄吾介意舊, 屯門大興村, 寶田中轉屋, 深水步富昌村都可以3年內上樓(I LOVE HONG KONG!)

冇驚冇險,一帆風順咁發達ga人仲惡~

大家唔好灰心~香港人係有希望架~

個個星期2,4,六/日~都有可以令你馬上買得起樓既六合彩

聽日財政預算ar~希望財爺推重推8萬5政策~

發夢可能會的