昨晚去了我朋友間的樓上cafe 小店, 是朋友朋友之間夾錢開的, 生意ok 了, 過了3個月收支開始好轉
不過有一個問題, 是有一兩位客成日落到場吹水, 一留就留4-5個鐘. 佢地一位失業, 一位freelance的, 朋友又見講得下兩句, 送 杯咖啡+少少餅食, 有時叫lunch都一齊叫.....
freelance的無所謂不過間中走咖啡數(至今以成本計還是百多元)
失業的是大學生, 大陸讀完大學....對住佢真係想講粗口, 日日來, 家下好似死磨難磨, 不得之佢仲食煙食到成身煙味, 弄走了其他熟客.  

想問下有開鋪, 或者在鋪店做生意的師兄, 我同我朋友好唔好落逐客令? 如果真係落的話, 要點做?

[ 本帖最後由 kl122002 於 2014-2-15 08:09 AM 編輯 ]

報警話讵收藏毒品！！！！！！！

首先佢知唔知道你朋友係老闆先?

沒有唔知，就可以賴，話「老闆」特然SET 最低消費，如$20，0甘你個朋友又好落台，佢又好落台。

換個角度睇

香港地, 真係冇乜落腳地方可以坐低吹下水

呢種情況, 我見做保險經紀的, 常見在漢堡包店約個客傾保單細節, 佢地都係一坐就個來鐘以上  有時見佢地連買杯野飲都省回

要趕,一定要.
睇下點趕嘅啫.
好睇樓上師兄咁話SET最低消費,
話其他股東見生意唔好你朋友仲送餅食同畀走數就開佢刀.
仲可以直接嗰段時間換人睇鋪,短短地一兩個星期都夠.

兩個cast
1.freelance個位,寫明「嚴禁走數,違者報警處理」,有晒名義,再走數就報警
2.大學生個位,盡量叫佢坐角落位,佢唔肯就唯有講明原因明趕佢走

老世一定知係我朋友, 不過佢唔知有背後有幾多位老世.

freelance果位我可以半理半唔理, 事實上大家無話咩問題. 反正佢現實d, 自己知自己事, 唔會發白日夢.

之不過要對付內地大學生果位.
點解佢有錢去買煙, 但無錢去買本咖啡? 一個半個鐘食一支wo, 得個廿幾歲...真是...
開最低消費都可能未必有用, 事關一定死磨難磨...

你開得間cafe 就自然預有人死磨爛磨.

你朋友一開始送野飲就係自己開條路俾人行. 佢幾多歲, 幾冇大志都唔關事.

問題只有一個, 佢唔畀夠錢+影響其他客.

反正都唔想做佢生意就直接講唔俾食煙, 影響其他客. 食既出去食.
人地點洗錢係人地既決定. 你畀左人走數一次就預左以後都走. 做人當然係有大食大既.

佢冇畀錢既, 就唔好free 咩free 物. 佢一落完order 就畀張單佢. 佢當唔知想走就一句講"未找數喎". 佢夠膽講下次先既就話唔得. 埋唔到數.

唔洗搞到咁煩既.

我覺得態度嚴惡D 佢地都唔明 就要直接講呢度係做生意
如果有心幫襯 就唔該找左D數 同埋無得走數之類

聰明仔，使 橫手 打電話叫 控煙辨 罰佢錢囉

做衰個頭 係好麻煩

呢 D 人 易請難送  係要比 d 教訓佢

最後 奉勸一句 做生意嘅地方 即使 幫親小小 亦無任歡迎

但攪攪震無幫親 就咪話老友都冇面比

[ 本帖最後由 FOUR 於 2014-2-15 06:36 PM 編輯 ]

大學煙友唔係我度食, 反而係落街/後樓梯食完, 返來時成身煙味.
我真係唔合佢食咩牌子可以甘大陣味. 可是迫到有d熟客走人.

開單方面真係要考慮下, 因為成間鋪本來唔打算用單而是記帳, 一週消一次.  出單有少少難.  
都係因為甘樣我先知freelace只是百幾蚊的小數目; 至於果位無業大學生的真是我的首要目標.

我朋友天生慈心佛相的人, 做惡人都唔似惡 ,
我同其他朋友都好想去做, 不過要返工, 放工後去到不是大學煙閃人, 或者唔佢無野講.
我唔怕少一個客, 不過你知了家下網絡發達有咩事上左youtube的話就....

咁樣無計...

打開門口做生意, 除非你寫明一張檯最多坐幾耐, 否則落逐客令不如索性唔開門.

開呢D地方要預有人死磨難磨, 所以星巴巴賣到咁貴...

PS. 我都係做門市, 所以好明白個情況.

事實上賣咖啡的價一直都唔平, 不過引了一只死磨難磨的, 真是好苦惱.
或者必要時要租場出去做下event, 或者可以停止d麻煩人？　

屎, 總要搵人去倒. 垃圾, 總要搵人去掃.
怕會沾到屎, 驚個身污糟而唔去倒屎清垃圾, 只會越積越多, 越難清走.
醜人, 點都會有個人去做. 洗唔到人去做, 又冇人肯去做, 就只有自己做.

你地無俾人包場？
我有朋友開呢類店都有得包場。

PS: 而家先見到佢有走數未清. 下次見佢直接講, "X 生, 總數係幾多幾多未清, 麻煩你清左佢."

如果佢話今次無, 就叫佢下次返黎清左佢. 下次應該唔會再見佢, 再見到佢就一定要佢清, 否則報警.
百幾銀送走個瘟神算平.

提你朋友果句, 你做生意肯俾人賒數, 你預左死硬. 做生意最重要係數目分明, 佢俾人賒數即是對夾錢的唔公平.

我地做生意, 從來不賒人數, 亦唔會俾任何客賒數.

[ 本帖最後由 icemanh 於 2014-2-15 10:46 PM 編輯 ]

之前無包場, 因為上來的大多是朋友托朋友介紹, 做的只有熟人生意
當中出現了這個爛橙也不知是誰引來的,  所以一直客客氣氣面對

有客一早講有煙味了, 我諗果大學生佢都知
不過學大家話, 有d野一家要三口六面講清楚. 明天再去睇下環境先.

而家先見到佢有走數未清. 下次見佢直接講, "X 生, 總數係幾多幾多未清, 麻煩你清左佢."

如果佢話今次無, 就叫佢下次返黎清左佢. 下次應該唔會再見佢, 再見到佢就一定要佢清, 否則報警.
百幾銀送走個瘟神算平.

提你朋友果句, 你做生意肯俾人賒數, 你預左死硬. 做生意最重要係數目分明, 佢俾人賒數即是對夾錢的唔公平.

我地做生意, 從來不賒人數, 亦唔會俾任何客賒數.

當初俾人賒數, 是為了唔想下下一出一入找數. 因為人人用的野唔同, 大家在櫃台錢來錢去感覺麻麻.
直至現在不少客的帳戶都很好, 就只有freelance同成身煙味的爛橙大學生有少少問題.

我會參考下你的method, 睇下work 唔work.
有新消息再補.

X 生, 你有冇諗過結餘轉戶計劃

好"生積金"的感覺
點轉先??