你好, 小弟係新手, 正在製作一輛 Fujimi 的 Prius (鬆弛熊痛車), 暫完成了車底及內籠。但有些地方很困惑, 希望向各位請教一些問題:

1. 車頭燈透明罩要不要上黑邊, 要上又上在外面還是內裡?
2. 車頭燈透明罩上膠水要如何上? 為何不會弄髒透明件?
3. 依照說明書上說的完成車底及內籠的上色, 看上去極單調, 各位有甚麼心得?
4. 大型水貼有甚麼要注意?

多謝賜教!

1. 多數會，我會用班馬牌marker油係透明件既邊位
2. 牛頭牌白膠槳
4. 小心泡泡，如再上光油就會爛，大張可用softer or setter 幫手  

各師兄有錯請再指正

多謝師兄指教!

內籠錶板上的細節會不會滲線?

3. FUJIMI車車之內籠及說明書一向都出得非常求其(近年D超跑開始較為進步), 建議GOOGLE一下實車照片作參考並自行修正!

滲線不會，因為其實不是太留意到

以下係我嘅做法：
1. 車頭燈透明罩要不要上黑邊, 要上又上在外面還是內裡?
答：要視實車情況而定，一般係會喺外圍邊上啞黑線表現車燈膠邊。
2. 車頭燈透明罩上膠水要如何上? 為何不會弄髒透明件?
答：可用白膠漿或透明件專用膠水，可減低出事機會。
3. 依照說明書上說的完成車底及內籠的上色, 看上去極單調, 各位有甚麼心得?
答：要車廂同底盤要做得無咁單調，可以強調顏色光陰影效果同滲線，但不宜太過火，否則會有太假嘅反效果。
4. 大型水貼有甚麼要注意?
答：盡量使用軟化劑及綿花棒令水貼平伏，注意起伏位有氣泡出現，完成後可再上光油→打磨→上光油→打磨→拋光，直至表面完全統一平滑，但若是新手未能完全掌握，以上工序可省略，以免弄跨水貼。

師兄我又想請敎有關第4項嘅問題，
貼咗水貼乾咗之後→上光油→用#2000水沙紙打磨，
請問怎樣確保唔會省到水貼?有乜心得?
我已噴咗好多層光油，省嗰時已很輕手，但有時亦會省到水貼.
邊位/角位和有些凸位在拋光時怎樣確保唔會省(川)露底?
thanks

[ 本帖最後由 master_roshi 於 2013-2-19 05:25 AM 編輯 ]

個人意見:上左光油,我係省DECAL先的

其實無100%方法可以確保，只能靠經驗判斷，基本上用2000沙紙薄推一次，就會見到邊啲位高低落差較大，然後主力喺呢啲位打磨平滑，緊記推沙紙要盡量輕手同薄，咁上下又要上幾層光油保持漆面厚度，乾後又再打磨，如是者起碼要重覆好幾次至有效果。
  至於邊角位就好難避免磨穿油，唯一方法係盡量小掂呢啲地方，當然喺噴油時就要盡量噴得平滑細緻，咁出事率就自然會較低。

Thank you師兄嘅回覆.