果陣Tristar 初初開業 , 我侯住佢隻panzer I A 一出睇睇個價
對比龍記 IB 早少少之前出都係百頭 , 足足成3倍價錢 . 福利直程只售75 tim..

睇場同我講 , 話d人6隻6隻咁買  , 我個friend同我都無野講....

3百幾一部車(仔) , 果時開始龍記d afv 開始越賣越貴 , 唔知有雞先定有蛋先

即小弟在＃4提及，明知龍記出開德軍野，同佢硬撼根本係自殺，硬喺出啲以前未出過嘅野，睇吓喇叭，駿馬都喺咁起家，現在做大咗都係避免出同龍記一樣嘅主題，做生意冇人咁蠢。係大家樂隔離開間快餐賣焗豬扒飯，肉醬意粉你話係未死硬？龍記落價消銀紙燒瓜你先慢慢加番價都未遲，因人地有錢燒！
龍記現在啲野咁貴，小弟睇嚟應該係佢地想杜絕本地人係佢地舖買咗然後放上網sell外國賺取差價，咁會影響外國進口商，反正香港市場有幾'細'，玩來玩去未我地呢班老鬼+小許遊客，龍記根本唔care，唔買就算，所以我地去親'還記'都見啲貨差不多堆到好像少林寺木人巷咁樣！

認同一半啦 , 如果講1-6号 , 新公司出呢d熱門野係穩陣嘅 , 何况其他廠都出過/出緊 , 競爭都唔係果陣事 ,
亦唔一定係針對龍記 , 至於係龍記狙撃佢先吖 , 定係倒轉 , 又還是係龍記故意狙撃其他中國廠牌呢 ? 呢d大家都
見唔少唔再多講啦..

果個年代亞太區都好少冷門野出 , 至於後來 , 好似果架英軍傘兵電單車仔夠冷啦呱 ? 龍記咪又係爭住你出我又出 !

互相狙撃我唔理啦 , 不過***果架1号真係好貴 , 果陣一般tank都係百幾內 , 果時龍記隻tiger I initial 全包唔折都係150

自己人內鬥係中國人嘅強項！

又唔係自己頂自己人, 生意家野係一定要甘做.
好似italeri , revell 成日爭出車/飛機, revell仲攻船歐洲tim, 但係大家的二戰軍事野好似半手讓左俾星星, 不過是同airix一樣,以前有出, 所以定下出下甘樣. 條界一早玩到好明.
近少少的明記醒d, 專出現代軍事, 大家唔爭.

日本的星星和來港的星星是兩味成本價. 日本賣的星星有時平過HK買, 不過當yen紙高低不一時, 又會有小商走私由外國回來貨回日本, 又或者走私出外面.

咦，終於有師兄喺呢度提起前 Tristar 啊楷走路呢單嘢嗱？

我唔知呢度有幾多受害人，我就係其中一位

我最初喺佢都 bid 咗幾多嘢，找晒數而只係取走一小部分（貪佢有位俾我擺）；

之後因為在朋友處取回大批舊模型無位放，所以放在啊楷處寄賣（佢收我二十巴仙佣金）。

最初收錢（數目不大時）都冇乜問題，後來銀碼變大時，找數就開始拖下、灑下咁，生意開始有問題；

及後啊楷在去年七月尾突然人間蒸發，舖摺咗、電話停埋搵佢唔到，原來走咗路！

所有在佢處投得、寄賣的模型和未找的尾數一併被啊楷捲走了

損失約在二萬元以下.............(待續）

啊楷! ...

大約在啊楷失蹤後無幾耐，我竟然在”Y拍”發現我存放在佢舖頭的模型拍賣中

點解我會咁肯定？本來我都諗住只係物有相同，但有幾樣嘢越睇越熟口面，

於是冒昧打去問下個賣家（我都識佢，同佢買過嘢），一問：

原來啊楷在走路前約一至兩星期，竟然叫人上去睇下有乜嘢啱，可以現金買走唔使 bid ，仲係賤賣嗰隻

有多盒龍記白盒、樹脂兵人、各廠 1：35 軍事模型........等，一概被啊楷平售套現走人

大佬，我真金白銀找晒數比你，你竟然一個屈尾十同我掟晒出來套現？

當然我買得梗係相當鍾意嘅，而賣方亦願以成本價賣番部分白盒坦克比我

啊楷，你都做得幾絕，賣咗我存放在你處的模型不止，

仲要吞埋存放在佢處仍在拍賣中（後來突然結束晒拍賣）的貨，

最甘係大約三十多架1：43的樹脂車（全部法拉利，starter,PM廠都有），全部俾佢納走晒！

（待續）

[ 本帖最後由 gtafai77 於 2014-2-27 10:50 PM 編輯 ]

有冇報警呢？拉得架渦！？

呢個問題，我都好認真咁考慮過；但係，我買佢嘢，大家貨銀兩訖；放嘢俾佢賣，數量頗多而且諗住大家講個'信'字並無白紙黑字立據，點知乃咗嘢......

[ 本帖最後由 gtafai77 於 2014-2-28 12:30 AM 編輯 ]

據我所知, 損失依個數目嘅係唔止師兄一個...

冇錯,聽聞損失比我仲金的大有人在

講真，當初幫襯啊楷並非同佢相熟，只不過係諗住”以模會友”，工餘時間有個地方可以聚下腳、坐下吹下水（當然對方有冇咁諗就好難講）

佢都有提及同貓 sir 拆檔後，對方睇死佢、話睇佢幾時執笠（估唔到咁快），

我心裡面其實係有多少想支持佢，希望佢搞到落去嘅，所以除咗嗰一大批”出土文物”模型之外，

我仲不斷有攞其他模型比佢放，佢有多少執下，我又可以騰出地方再買過咁啦

佢潛咗水後，我實在無法聯絡佢，惟有在吖烏拍賣度劣評佢同留言，

可能有師兄睇到，亦曾私下和我聯絡，看看有否方法討回公道（如報警），

但冇証冇據，相信警察好難幫到手

當然我亦冇諗過搞到咁絕，啊楷雖不仁，但我冇必要對佢不義...........

請恕細佬多口問句，找晒數但係唔攞走嘅貨，是否需要比貯存費用？

佢呢d唔係不仁 , 而係不義...

d人呃人真係睇人...聽你咁講唔怪得佢呃你啦...

冇錯，啊楷最初係有提及過收番倉租，但後來見我比咁多嘢佢放售，就再冇講呢件事啦。

師兄你講得十分對，如果我唔係對佢咁信任、冇戒心，佢係唔會咁易呃到我嘅，

佢利用他人對佢嘅信任而作出咁嘅行為，我真係十分失望，希望佢會認真反省下，咪再重犯！

但香港好多人做買賣就係咁 , 佢(開間舗)話咁就係咁無得傾 , 睇丫烏好多人都係果句 : "不喜勿投" 吹佢唔脹

係講個信字 , 無單、無期 有事就真係保障單方面... 到你有朝一日揾倒佢 , 又係果句 , 到時又話你信佢係你嘅錯 ,
又係甚麼"無人用槍指住迫你"幼稚之言 ...

如屬寄賣 , 問佢唔寄存點賣 ? 倉租要收都只應計入佣金度 , 叫做好好睇睇 . 你估好似丫烏d放幾十/幾百銀野要另外
再收果1, 兩蚊拍賣費咩 ! 麻甩佬大人大姐婆乸數

佢可以話你:
1. 你放左好多野係度, 又唔知點收你租, 佢覺得咁樣當補飛
2. 都唔知你係要定唔要, 有理無理, 你話過放, 又無一定話幾時收錢. 遲d, 就再遲d俾返你
數一定追唔到了, 即使俾佢見到今日呢個post, 又或者他日一朝活捉, 無單無據, 果近二萬幾蚊都唔會有返.

這不是什麼不仁不義了, 而是根本是一個圈套. 當初佢可能諗住又再開始過,
不過自己的本性如此, 對自己對客唔老實, 最後都係要再走一次,  
信佢日後會用同一招走佬了結. 總之大家小心了1.