首先祝各位新一年事事如意, 生活愉快!! 我會開住工同大家一齊迎接新的一年
……
前言: 依隻係我08年第九個作品, 本來立下宏願”每月一隻”, 最後都係事與願違……完全無睇過武裝機甲, 只係覺得設定吸引就買咗番黎砌. 十一月頭開工, 諗住今年一定完成到, 不過最後都要趕頭趕命先趕得切……
模型: 模型本色分色不俗, 好多地方都唔需要masking就可以上色(太刀除外). 夾口亦唔算多, 分別係大脾, 雙手同後頸, 不過壽屋就無考慮用家補夾口之後上色問題, 所以好多時要補咗A件夾口同上色先可以繼續砌B件(你睇唔明係正常, 我表達能力有限……). 可動性不俗, 亦因為咁我巳經括甩咗好多油…… 外型十分之討好(個人意見), 只不過有個奇怪地方, 就係太刀比刀鞘還要長, 可惜我最後先發現, 唔係定會改番長個刀鞘.
製作: 一如以往, 無任何改造, 亦無需補偷膠(不過賣得咁貴壽屋你都唔好意思再偷膠吓話!). 上色參考造型村作品(多謝俾過配色意見嘅各位同好), 部份亦用咗YAYA兄玻璃上色法(多謝YAYA兄分享技巧). 成品比想像中細, 但勝在外型不俗. 不再累贅, 請大家多多指教!!!
素組
參考圖片
完成品
劍長過鞘
都企得幾穩
全部配件
08年作品總結, 右至左由年頭到年尾. (仲有隻k66係女友家.)
[
本帖最後由 The-Old 於 2009-1-9 02:12 PM 編輯 ]
分享
