香港終於響5月15日上映~

[attach]434909[/attach]

[attach]434910[/attach]

[attach]434911[/attach]

http://www.youtube.com/watch?v=6G1OHLyMY7U

上月頭去日本響飛機上睇左~個人覺得拍得唔錯~可能響飛機上睇特別有feel
好多近鏡係響真飛機上拍攝~艘赤城都做得幾似
電影著重主角既描寫及戰爭既殘酷~岡田演宮部久藏演得唔錯~
小弟覺得值得一看~如對AFV有興趣既師兄更應去戲院睇

[ 本帖最後由 密斯威爾 於 2014-4-23 12:35 AM 編輯 ]

我想問下邊間戲院d環境舒服d，例如座位，音響之類。

正，期待，本小說真係好好睇

之前日本首相話一套電影好感動 ,係咪指呢套 ? ?  如果係反思戰爭禍害 ,可以去睇 ! 相反宣傳軍國主義則免 !


PS: 宮崎駿既動畫 風起了  亦都被日本軍國主義者批評賣國 !

[ 本帖最後由 illuka 於 2014-4-23 09:15 PM 編輯 ]

這一點, 我唸個別日本人將二戰有些狀況, 例如太平洋戰爭後領土擴張, 視為一種成就

說起來零式戰鬥機, 曾經係20世紀30年代尾, 係當時top level的戰鬥機, 至少比當時美國在役的F4野貓式先進, 更不用說跟國軍的I16一類戰鬥機比較, 30年代尾在中國戰場上空沒有東西可匹敵

講返上面的話題, 又比如說我地視蒙古人為中華民族一份子, 於是鐵木真領導的蒙古族橫越中東及東歐, 中國史上都看成一種正面擴張, 但打仗總有人會犧牲, 例如蒙古人征服花刺(音拉)子模時出現屠城事件, 又如明末滿族軍隊南下時都有使用鐵腕政策, 那些揚州十日嘉定三屠, 死的人大概不比南京大屠殺少~~ 但現在焦點都放在近代史的事情, 更何況滿族也是中華民族一份子, 現在都大概都同化了, 要blame都唔知blame邊個的責任~

所以就可以當冇發生過?? 再繼而否認發生過?? 算我不敢苟同了.

又咁講, 點解德國唔會拍返一d 歌頌納粹德軍"所作所為"既電影呢??

勝者為皇, 歷史往往由勝利既人寫成...

如果當年日本侵華成功, 歷史一定係話當年兩黨雙爭, 以致中國民不潦生, 水深火熱, 全賴大日本一統天下...

再講, 假設今日日本用金錢向中國買下香港管治權一百年, 香港唔洗再受 "阿爺" 控制, 有真普選之餘, 仲有㗎妹移民過黎做 "新香港人", 日本國民黎 "自由行" 消費, 到時大家又會唔會再講國仇家恨~?

Hey~! 講呢d...

[ 本帖最後由 twinsa 於 2014-4-24 07:45 PM 編輯 ]

套戲係反戰反軍國主義，但可以想象肯定不會有對其他國表達歉意。作者只想講他們的百姓和主角等都同樣是軍國主義和政權下的受害者。
對其他國家的傷害方面？我諗他們覺得如果雙方宣戰的話，戰爭是公平的國與國比拼。作品無多提及

看完小說後我會感覺到現在日本政府經常講的深切反醒，可能是反醒他們為何戰敗...

這是我睇完小說的感想，唔代表我個人想法
放開一點去看的話，這部作品的資料是十分之豐富亦是幾感人的愛情故事

So, 屠殺就係正確?
歷史往往由勝利既人寫成, 但是非黑白的本質不是可以去扭曲一樣.

再講, 如果要反共反到上腦, 不如拎本護照 (不過真係唔知邊本呢?) 去英國, 睇下人地認唔認你?

反共 & 追求民主自由, 同做日本走狗漢奸係兩碼子的事, 不要混為一談, 更不要將日本人所犯過的罪行去美化.

無記錯當年中國空軍真係又少又雞, 飛得起都要笑

就算滿蒙同化, 而家對佢地所做的暴行, 字眼都係"屠城", 從未美化過或講到無事發化咁樣.  正如鬼所言, 就算你點樣偷換概念, 有無做過呢D暴行, 係鐵一般的事實, 繼續抵賴, 只不過係表示日本人根本認為自己有做錯過.

當年共產黨文化大革命, 死人數目比日本侵華多出何止 10 倍...

不過中國人有樣 "美德", 就係家醜不出外傳, 自己日日打仔打到佢變白痴一回事, 但出到門口個仔俾隔離叫白痴仔就勢係假...

最後, 中國人話自己幾愛國, 都只因為冇得揀, 如果聽日美國講中國人只要去到美國立即有綠咭, 我估中國起碼走八成人以上...  

愛國~? 哦...

嘩, 你 D 邏輯好深奧, 超出人類所能理解

根據你的邏輯, 可以咁講...

1/ 因為美國投原子彈殺左好多人, 所以911 無乜大不了.

2/ 因為長平之戰坑殺40萬人, 所以 89 64 果D 唔叫屠殺;

你D二元邏輯論簡直出神入化, 無端端拉到文革係美德, 係咪成日聽到D唔應該聽到的聲音?


唔好下下學人講下中國人有幾衰就顯得自己幾咁高上啦, 呢招柏楊已經用到殘晒啦

其他人D衰野, 有D人又好似聽唔到....美國佬監聽, 日本仔東電有幅同享, 果D 好野黎


原來你黨, 政權, 民族, 同國家都未識分, 唔怪得講得咁清楚囉

走八成? 我就話走十二成, 反正有段估無痛苦, 有吸水無抹咀, 點解唔講大D? 反正衰左又唔使切~

原來講都底, 一D基本概念, 基本邏輯都無, 就學人反共同崇共的, 都係一丘之貉.

我並不親共, 但亦唔仇共, 舉文革做例子, 係等大家思考下 : 醜惡, 並唔單純日本人, 中國人亦唔見得好, 你例子美國監聽亦一樣, 全世界人為咗自身利益乜都做得出, 所謂既道德, 只係勝利者口中說出才具說服力...

Anyway, 你要將一切推向極致, 非黑即白, 將我分成你口中既反共親外國勢力份子, 隨便你...

只因為被冠以中國人, 就一定要企係中國人視視睇世界~? 兩個字 : 狹窄~!  

事實上日本人, 特別是戰後一代和平成一代, 唔多明白何解天上有兩個原子彈的原因.
只有經過戰爭的著名作家, 漫畫家, 他們都很清楚明白, 並用畫自己的方法去提醒和令人認清事實.

之不過到了昭和經濟起飛時出生的一代, 平成長大的一代, 根本已沒有了當時Occupied Japan的真正歷史知識,
反而是只得到"戰敗後墨塗書" "戰敗後天皇被稱平民" 的不正確教育, 再由上兩代(受過軍國主義, 和魂教育的祖父一輩) 的道聽塗說,
漸漸對反戰, 反思失去了記憶.
以致現在在街上 問任何一位日本人, 他們會有兩個原子彈, 但不知是怎樣來.

外國也有拍過相似主題的片, 是以記錄的方式拍攝, 名叫 Hitler's children (2011年) http://www.hitlerschildren.com
是真正的後代怎樣看父親 (不是 Hitler, 而是 Hitler手下的名將)  幹的事. 在youtube有兵全片, 想的話可以去看看

這本"O" 的書我讀過,  而電影如果只是為了看WWII是零式飛行是可以去看看,
盡管不時也有人說參加戰事是為了家中有兩口飯, 也有人入黨是為了生活 (如名指揮Karajan 是有納粹黨籍)
不過別忘了是有可以選擇救人的權利,  如二戰時不時保護猶太人的德國人Oskar Schindler, 日本的杉原千畝,
此故事把一位神風隊員 (雖然不知是真/假人) 背後寫成如此浪漫, 是將事實和戰爭過程作最過份的粉飾.

[ 本帖最後由 kl122002 於 2014-4-27 01:28 PM 編輯 ]

小說和電影就當然會有片面和美化戰史的成份，不然就沒商業價值
另一方面看，他們的作品也至少不會醜化他們的敵人。絕對不敢拍出如甄子丹葉問這樣販賣愛國民俗性的電影