嘩關sir,咁快就開工喇

今日應承左post虎P既資料出來
其實呢部車係1942年生產既10部虎P原型車既其中一部(其他果 D都改裝左成費典南). 1944年5月底被配去東線既653重驅逐戰車營本部(同時被配授既仲有回收豹加上IV號戰車炮塔戰車一部, 回收豹加上20MM防空炮車一部, T-34改裝20MM對空炮車一部同T-34彈藥運送車一部)
虎P的編號係"003"營部指揮車. 呢部車係1944年7月中係ZLOBY-UHARLA徹退戰時間損失
所以實戰虎P其實就係得呢一千零一部.
去片

呢幾張係44年5月火車運送途中時影既, 其中一幅可以見到後面有一部回收豹加上IV號戰車炮塔戰車





下面呢三幅係抵步後塗上"003"編號時所影, 大家可以留意下車前機槍位置好明顯係到步後加裝左裝甲, 而且車上既迷彩係到步後重新油過(著意車長塔倉門是開了一個圓型大洞的).



最後呢兩幅係44年6-7月所影, 係此車損失前留下最後兩幅相, 呢幅相可以更明顯睇到抵步後重新噴既迷彩已經把原身車尾上既653營章遮左. 而且呢幅相可以腸到, 後來所噴上既油應該只係單色沙黃.



希望以上少少資料可以幫到MOSS兄啦

[ 本帖最後由 GaryKwan 於 2007-1-23 09:31 AM 編輯 ]

謝謝關兄詳細資料!!!
我可以開工了.

看到這幅相, 令我想起 QF 兄.  自從上年尾發生意外後, 好耐都無見過佢.  有點掛心..

想問下LOUIS, QF兄係邊個來?
佢上年發生左D咩意外? 唔通同幅相有關既??
唔通為左砌呢架車砌攪上唔到來??

係呀係呀
就前幾日我心血來潮ＣＨＥＣＫ返
ＱＦ兄ＬＡＳＴ　ＬＯＧＩＮ好似係十月．．．．
真係幾擔心．．．

QF 兄 全名 (id) 係 Quietfart, 佢有砌軍事模型同科幻模型.  呢度係佢既 POST

http://www.hkml.net/Discuz/searc ... mp;searchsubmit=yes

佢亦都有砌過架 tiger (p)

http://www.hkml.net/Discuz/viewt ... hlight=%2BQuietfart

而且又鐘意自己搭野砌 d 特別少少既坦克.  佢 post 左架 tiger (p) 之後, 我都 post 過呢幅相叫佢砌埋架 4+5.  點知上年尾佢好似有 d 意外, 整傷左隻手, 之後一直無音訊.  QF 兄如果你見到個 post, 求其 re 一 re 我地啦. 得知你平安已經夠了.  

十月呀...

我 send 左個 email 比佢都無覆, 唔知典解

唯有要等佢自己出現了.

係喎,睇見架4+5就記起佢,真係好耐無出現過

終於update一下呢部38t偵察車140/1.近來唔知為何愛上左全內構. 呢部車越整越發覺好有龍既憤性問題, 第一板產品錯誤百出.
1.) 車前裝甲竟然開得像附加裝甲般突出, 要重新改一下
2.) 起動輪錯誤, 20齒的輪子上開孔的位置不是這樣, 這是19齒的公佈來!
3.) 戰鬥室內構非常簡陋, 電台欠了支架, 電箱及電線等, 要自行追加. 車內駕駛員的腳踏全沒, 又需自己加上. 另外駕駛員座後應有一個雜物箱, 但板件中沒有, 要找別的來代替


兩邊側群是ABER的, 車尾排氣管自行用銅片制作.
暫時去到呢度, 不日再更新

  內構萬歲 ~  關 SIR 好波 !!!

個無線電箱好鬼正呀 !  我就好懶, 求其搭幾塊膠片係頂就算數    

有個問題.  內構都係諗住最後先上色 ?  另外, 我見車身中間部份既 upper 同 lower hull 接位你另外加膠片. 係咪龍記 d 組件有問題 ?

aber 套 fender....

p.s. : 個 hand brake 好 details 咁喎....   係自己搭定係套件黎架 ?

內構真好玩

好鬼正

好野!!關先生又有大製作了!!
但番看手上的板件，Dragon提供的起動輪是19齒的，為何關先生說是20齒呢？

哈哈
數錯左, 今早有再數過, 之後係SM果邊改番, 唔記得係呢邊都改埋

關於駕駛室前裝甲應否凸出的問題，龍記是刻意把它做成凸出的，但不知道他們是根據甚麽資料。
而PMMS作者就根據下面一張照片而認為龍記是錯誤的，不過小弟即使放大了這張模糊的照片，也不能確的這塊裝甲是否凸出。
但從手頭上另一照片看來，前裝甲確是有凸出的可能，未知是否由於此裝甲比其他裝甲厚之原故。
關先生有何意見?

第一幅相應該係出自2裝甲師係西線影既, 從呢個角度睇真係幾難睇下, 但小弟有另一幅正面影過去既, 果幅會睇得清楚d. 另外憑兄第二幅既相無睇錯應該係二號原型車, 係軟鋼型來, 無記錯裝甲接合係唔多同生產型. 但要今晚返歸睇睇書先confirm得到. 順便今晚post埋手上另外幾幅140/1既相, 大家可以再一齊討論下

剛剛整理左一下140/1既資料. 資料同相都少得可憐. 都依家先講講呢部車既生產同配備情況.

140/1只有70輛, 都係1944年2/3月間生產. 就德軍既記錄顯示, 此車除左原型車係用19齒之外, 量產型既都係21齒既主動輪. 但就1945年美軍係戰車收集場既照片睇來, 配備第2裝甲師既其中一輛140/1係使用上19齒既主動輪, 所以個人認為基本上19同21齒都有用上過係140/1上面.
至於配置方面, 有記錄既都只係東線.1944年4月配發左25輛比大德意志
裝甲擲彈兵師裝甲偵搜營第二連, 以及9月配發另外25輛比第三裝甲師既第三裝甲偵搜營第一連, 之後每個師各獲得7輛補充, GD補充旅係1944/4/30獲得另外一輛。按照
1944/3/1既編裝指示表K.St.N.1162b, 一個b型偵搜坦克連應該有四個排, 每排6輛偵搜坦克, 連部一輛, 共25輛. 25輛中只有9輛配備Fu12遠據通信電台同星形天線(Fu12), 其餘
既斬只係有車間通話器(Fu.Spr. Ger.f).每支偵搜隊配備三輛偵搜坦克, 其中只有一輛有
Fu12電台.有的資料指出Sd.Kfz.140/1只生產了50輛, 但呢個可能只係從部隊擁有數量推出的, 而唔係實際既生產數. 依家可以確定既戰場是東普魯士(大德意志師)和匈牙利(第三裝甲師),時間是1945年年初.
另外就係上面所講裝2師所留低既Sd.Kfz.140/1相片都謐明左有係西線作戰, 但記錄中無提過有配受過, 所以數目不明(但個人認為裝2師應該係配備左剩下來果20輛)

講講照片, 依家PMMS用既相就係美軍係西線拍屬於裝2師既140/1, 小弟手上總共就有三幅




另外, 留下來最來既就係係工廠門口影既果部, 用來做左德軍既記錄(今日下午小弟記錯左, 馮兄果張第二幅應該係呢部車來), 基本上幾個角度都有影到



仲有一幅係車頂影落來, 不過今次主要係想講講車前裝甲角度, 所以就唔POST上來喇.

跟著同係工廠門口影既140/1, 不過似乎唔係跟上面同一部車, 估計係第二部來(從天線, 車左前側雜物箱既字分出來)




另一幅比較少見既係1945年3月係東線匈牙利巴拉頓湖附近影既, 應該係第3裝甲師的


本來仲有一幅都係東線影既140/1, 單黃色配上白色WINTER CAMO, 不過小弟搵唔番係邊本書, 搵到再補上.

大家可以留意下以上三部車都係用上唔同既主動輪, 所以估計無制式可言

依家回一下馮兄既問題, 大家可以睇下呢幅圖, 可以從側面清楚看得上正面跟戰鬥室既裝甲既接合位係成Z形, 即本來龍那凸出來的裝甲其實應該係沉左落裡面. 為左方便大家睇, 小弟用左紅線標出來.


再睇睇呢幅, 明顯正面裝甲的表面跟戰鬥室正面裝甲的接口係無落差, 成一直線, 我再用左紅色圈左出來


以下呢幅3/4面既影過去既都明顯睇到上下接合處係無落差


所以幾乎百分百肯定正如PMMS一樣咁講, 龍記係呢個位置犯左嚴重錯誤. 至於點解會有凸出來既錯角, 我諗主要係因為這正面裝甲的闊度係長過頂果快. 如果係較正面影埋去既會發現兩邊係凸左出來, 所以唔留神既真係會以為真係成快裝甲凸出來, 茶實從側面睇就清楚見到佢結構原來係兩回事

[ 本帖最後由 GaryKwan 於 2007-2-10 03:00 AM 編輯 ]