頭先鴨仔團完左成班拉大隊出左老環, 買左呢盒戰利品. 龍記新出既38t偵察車
返到家後新屎坑既老毛病又發作, 拿拿林開出來砌, 仲係堆積區搵番套買左N年既PLUS MODEL ENGINE同ABER既38T FENDER. 準備加埋上去(今次又玩全內構).
砌左下個INTERIOR, 發現龍記車身兩邊有D向內丫既情況出現. 似乎係脫模時候太快攪到拉出來時有少少縮左. 其他既問題都唔大, 但說明書就有幾個地方錯左. 最明顯係後尾果頁兩個塗裝示範寫左1942年. 但呢部車係1944年2-3月先生產(只有70部咁大把).
廢話講完, 去片





[ 本帖最後由 GaryKwan 於 2011-3-16 12:29 AM 編輯 ]

係喎, 尋晚臨訓先睇到個盒係咁寫話專登咁樣做, 但個RESIN裝甲就幾乎比佢夾爆
PLUS MODEL套ENGINE好正, 而且組合勁簡單. 又岩岩KIT到龍記, 正

剛剛收到獅鳴老林寄來新出既KWK38金屬炮, 勁正!
(又要多謝老林), 做呢部車一定要換佢(做下槍手先!)
呢部車D資料真係少得可憐, 生產得果70部, 而且戰場影到既相就係得果幾幅. 其他都係D工廠相, 剩係搵資料都搵左成晚書.

果塊片片其實買左好耐, 果時係諗著配龍記GRILLE H, 但呢D得個諗字既計劃最後都係泡左湯啦. 今次搵番出來用左佢, 唔好哂

係喎, 尋日聚會有人話最LIKE接PE, 唔該快快蒲頭!!

摩咩打手丫, 我呢D係正宗爛尾派掌門人來
通常剛買返就會砌下, 但唔夠兩晚就會放左係度
而且呢D新野, 當然要砌下POST出來放下毒啦!!

唔該哂 MOSS兄!!
係咪MBI既書SCAN出來呢?

內容同MBI既差唔多喎! 多謝哂先

呢部車既資料, 今晚完整連圖奉上!

今日應承左post虎P既資料出來
其實呢部車係1942年生產既10部虎P原型車既其中一部(其他果 D都改裝左成費典南). 1944年5月底被配去東線既653重驅逐戰車營本部(同時被配授既仲有回收豹加上IV號戰車炮塔戰車一部, 回收豹加上20MM防空炮車一部, T-34改裝20MM對空炮車一部同T-34彈藥運送車一部)
虎P的編號係"003"營部指揮車. 呢部車係1944年7月中係ZLOBY-UHARLA徹退戰時間損失
所以實戰虎P其實就係得呢一千零一部.
去片

呢幾張係44年5月火車運送途中時影既, 其中一幅可以見到後面有一部回收豹加上IV號戰車炮塔戰車





下面呢三幅係抵步後塗上"003"編號時所影, 大家可以留意下車前機槍位置好明顯係到步後加裝左裝甲, 而且車上既迷彩係到步後重新油過(著意車長塔倉門是開了一個圓型大洞的).



最後呢兩幅係44年6-7月所影, 係此車損失前留下最後兩幅相, 呢幅相可以更明顯睇到抵步後重新噴既迷彩已經把原身車尾上既653營章遮左. 而且呢幅相可以腸到, 後來所噴上既油應該只係單色沙黃.



希望以上少少資料可以幫到MOSS兄啦

[ 本帖最後由 GaryKwan 於 2007-1-23 09:31 AM 編輯 ]

想問下LOUIS, QF兄係邊個來?
佢上年發生左D咩意外? 唔通同幅相有關既??
唔通為左砌呢架車砌攪上唔到來??

終於update一下呢部38t偵察車140/1.近來唔知為何愛上左全內構. 呢部車越整越發覺好有龍既憤性問題, 第一板產品錯誤百出.
1.) 車前裝甲竟然開得像附加裝甲般突出, 要重新改一下
2.) 起動輪錯誤, 20齒的輪子上開孔的位置不是這樣, 這是19齒的公佈來!
3.) 戰鬥室內構非常簡陋, 電台欠了支架, 電箱及電線等, 要自行追加. 車內駕駛員的腳踏全沒, 又需自己加上. 另外駕駛員座後應有一個雜物箱, 但板件中沒有, 要找別的來代替


兩邊側群是ABER的, 車尾排氣管自行用銅片制作.
暫時去到呢度, 不日再更新

哈哈
數錯左, 今早有再數過, 之後係SM果邊改番, 唔記得係呢邊都改埋

第一幅相應該係出自2裝甲師係西線影既, 從呢個角度睇真係幾難睇下, 但小弟有另一幅正面影過去既, 果幅會睇得清楚d. 另外憑兄第二幅既相無睇錯應該係二號原型車, 係軟鋼型來, 無記錯裝甲接合係唔多同生產型. 但要今晚返歸睇睇書先confirm得到. 順便今晚post埋手上另外幾幅140/1既相, 大家可以再一齊討論下

剛剛整理左一下140/1既資料. 資料同相都少得可憐. 都依家先講講呢部車既生產同配備情況.

140/1只有70輛, 都係1944年2/3月間生產. 就德軍既記錄顯示, 此車除左原型車係用19齒之外, 量產型既都係21齒既主動輪. 但就1945年美軍係戰車收集場既照片睇來, 配備第2裝甲師既其中一輛140/1係使用上19齒既主動輪, 所以個人認為基本上19同21齒都有用上過係140/1上面.
至於配置方面, 有記錄既都只係東線.1944年4月配發左25輛比大德意志
裝甲擲彈兵師裝甲偵搜營第二連, 以及9月配發另外25輛比第三裝甲師既第三裝甲偵搜營第一連, 之後每個師各獲得7輛補充, GD補充旅係1944/4/30獲得另外一輛。按照
1944/3/1既編裝指示表K.St.N.1162b, 一個b型偵搜坦克連應該有四個排, 每排6輛偵搜坦克, 連部一輛, 共25輛. 25輛中只有9輛配備Fu12遠據通信電台同星形天線(Fu12), 其餘
既斬只係有車間通話器(Fu.Spr. Ger.f).每支偵搜隊配備三輛偵搜坦克, 其中只有一輛有
Fu12電台.有的資料指出Sd.Kfz.140/1只生產了50輛, 但呢個可能只係從部隊擁有數量推出的, 而唔係實際既生產數. 依家可以確定既戰場是東普魯士(大德意志師)和匈牙利(第三裝甲師),時間是1945年年初.
另外就係上面所講裝2師所留低既Sd.Kfz.140/1相片都謐明左有係西線作戰, 但記錄中無提過有配受過, 所以數目不明(但個人認為裝2師應該係配備左剩下來果20輛)

講講照片, 依家PMMS用既相就係美軍係西線拍屬於裝2師既140/1, 小弟手上總共就有三幅




另外, 留下來最來既就係係工廠門口影既果部, 用來做左德軍既記錄(今日下午小弟記錯左, 馮兄果張第二幅應該係呢部車來), 基本上幾個角度都有影到



仲有一幅係車頂影落來, 不過今次主要係想講講車前裝甲角度, 所以就唔POST上來喇.

跟著同係工廠門口影既140/1, 不過似乎唔係跟上面同一部車, 估計係第二部來(從天線, 車左前側雜物箱既字分出來)




另一幅比較少見既係1945年3月係東線匈牙利巴拉頓湖附近影既, 應該係第3裝甲師的


本來仲有一幅都係東線影既140/1, 單黃色配上白色WINTER CAMO, 不過小弟搵唔番係邊本書, 搵到再補上.

大家可以留意下以上三部車都係用上唔同既主動輪, 所以估計無制式可言

依家回一下馮兄既問題, 大家可以睇下呢幅圖, 可以從側面清楚看得上正面跟戰鬥室既裝甲既接合位係成Z形, 即本來龍那凸出來的裝甲其實應該係沉左落裡面. 為左方便大家睇, 小弟用左紅線標出來.


再睇睇呢幅, 明顯正面裝甲的表面跟戰鬥室正面裝甲的接口係無落差, 成一直線, 我再用左紅色圈左出來


以下呢幅3/4面既影過去既都明顯睇到上下接合處係無落差


所以幾乎百分百肯定正如PMMS一樣咁講, 龍記係呢個位置犯左嚴重錯誤. 至於點解會有凸出來既錯角, 我諗主要係因為這正面裝甲的闊度係長過頂果快. 如果係較正面影埋去既會發現兩邊係凸左出來, 所以唔留神既真係會以為真係成快裝甲凸出來, 茶實從側面睇就清楚見到佢結構原來係兩回事

[ 本帖最後由 GaryKwan 於 2007-2-10 03:00 AM 編輯 ]

剛剛收到獅明既試板234/1既片片, 打算將其中一部份用係呢部140/1度
但最大問題係初版試品, 完全無說明書同number可言, 死得......

萬年爛尾, 幾乎唔記得左原來之前有係度開過進度post想開過個
早幾日搵其他野時係楝模型入面發現左佢既存在, 打開左個盒望左兩眼決定幫佢埋尾
希望今次唔會再爛尾啦
ps: 隨post附送另一部龍記smart kit 獵豹後期型, 早兩日係MK兩舊水平執返來, 拿拿林CHI起佢又過左手癮

唔會防紅, 呢部都係迷彩(我估 )
防紅既要諗下用咩車