因為行業關係, 每年新年放假都一定放到初八, 九先開工. 假期流流長又無去旅行, 最好就係留係屋企砌車喇
今次拎左盒買落N年既龍記保時捷獵虎開刀. 由於大把時間, 唔洗再玩幾日鮮, 可以花多D時間係考證同製作上面.
先講講考證
今次設定為653重戰車營既"314"號車, 事實上保時捷獵虎只生產了11輛, 當中就得兩部係無防磁(生產編號為305011同305012), 而兩部無防磁既保時捷獵虎就只有653重戰車營既 "314" (即係生產編號305012) 有相留下, 所以無咩選擇之下就揀左佢
314號獵虎係1945年3月16日零晨4:30分係德國MORSBRONN同另一輛332號獵虎由自己人自爆放棄. 而今次我設定係該車係自爆前既最後狀態, 所以主要參考下面兩幅美軍影既照片



講完設定背景, 講下製作過程.
模型無咩點大改動, 主要係參考實車將全車每部份零件既焊接線用AB畢地加上, 由於數量都幾多下, 所以位置不能盡錄. 而車上的掛具扣就用膠條同換左PE.兩側後備履帶就用以前剩餘既金屬履帶修改後加上. 由於保時捷獵虎既履帶每隔只有一個固定齒, 印象中無牌子有出過. 所以只能用番原件.











由於按實車照片製作, 所以細節同佈置上都盡量跟番照片, 如下面紅圈的位置, 留意佈局



炮盾的鑄造數字係右手面, 自行加上, 另外車頭燈同機槍都無左



另外同車較早期影既照片, 都同樣值得參考, 例如314號車係使用後期炮鎖, 但車身前上方裝甲當時並未設有炮鎖固定具




模型組合大致完成, 呢兩日開始上色

坐番自己張沙發先

根據番653重驅逐戰車營既記錄咁話:”３１４”號車因變速箱損壞而跌左入泥坑入面, 無法救回, 所以乘員自爆放棄
據我所知獵虎超重既重量令到變速器經常打柴, 呢個問題反應左係653營既戰損原因上面(60%以上損失都係呢個問題). 一直到45年2月/3月出廠既獵虎先略有改善

大家咁話, 祝大家新一年搵多d!

多謝雲兄誇獎, 雲谷大法同樣獨步模林啦

.....死喇, 砌完之後唔知點解無咩mood上色, 可能爛尾收場

應該係車底同兩側裝甲既接駁位, 因為有少少高低所以部車側左少少就見到條線

其實呢個都係獵虎其中一個特徵(或者話缺點比較岩d), 因為大部份側面中彈既獵虎都幾乎會引起內爆而令整塊側面裝甲炸到同車身分開及散哂, 全車成員基本上都即場陣亡. 下面係兩部比較典型側裝甲中陣後既狀況, 可以留意到駁口位條線係好明顯.

第一幅係653重驅逐戰車營享謝爾獵虎 134號車 (工廠生產編號為305024), 係二戰中第一部被盟軍擊潰既獵虎
1945年1月9日北風作戰係RIMLING被美軍炮火擊中側裝甲引起內爆, 全車乘員當場陣亡


第二, 三幅同樣來自653重驅逐戰車營既保時捷獵虎 102號連部指揮車 (工廠生產編號唔確定, 應該係305006, 305007或305008是但一部).
1945年3月17日係撒克森森林被乘員遺棄同引爆, 同樣一爆成塊側裝甲飛脫.

正確來講應該係有三部保時捷獵虎係無防磁, 分別係工廠生產編號305001(即係第一部生產既原型試驗車), 305011同305012(即係我整既314號車)
有相留底既就得305001同305012..
講到呢度可以再講得詳細少少, 咁樣會易明D.
之前提過保時捷獵虎就生產得11輛, 除左第一輛因為係試驗車同LAST兩輛生產時剛剛取消唔塗防磁外, 其餘8輛都係有防磁(工廠生產編號為:305003-305010).
11輛保時捷獵虎既發配記錄基本上都有既
305003(呢部保時捷獵虎比較特別, 佢係用左象式驅逐戰車既履帶)--- 第17預備訓練連

305004(由於305001出廠試車無耐就打左柴, 所以呢部係第二部拎來試驗既原型車)--- 試完車之後發配左去KUMMERSDORF戰鬥群, 後來被英軍擄獲, 依家放左係英國博物館世上唯一現存既保時捷獵虎就係佢.

305005 --- PUTLOS 射擊學校

305006, 305007, 305008 ---- 653重驅逐戰車營第一連
分別係部隊編號101, 102號同另一部唔知咩number(查唔到邊部車係邊個出廠編號)

305009, 305010, 305011同305012 ---- 653重驅逐戰車營第三連
分別係部隊編號 301 號車(工廠生產編號為305010, 係最後一部有防磁既獵虎), 314號車(即係小弟整緊呢部, 工廠生產編號305012)
另外兩部既部隊編號唔知係咩.
(但根據本人估計, 其中一部應該係302, 因為一般部隊會先將戰車配備左比連部作指揮車先. 所以有一半機會以上302號車就係另一部無防磁既保時捷獵虎)

至於最初果部試試下車打左柴既305001保時捷獵虎一號原型實驗車去左邊呢?
部車係打左柴之後就拎番去工廠大修, 之後無確實記錄發配左去邊, 但肯定一點就係佢係有拎番去前線實戰, 事關大修完出廠時係有相留底
由於有記錄寫1945年3月有2-3部出廠既獵虎係火車運送去東線中途被空襲擊潰, 正正就係呢3部獵虎係查唔到出廠編號記錄, 所以好大可能其中一部就係305001原型車.
下面就係305001留下既照片
第一幅係44年初係試驗場影既


第二幅就係回廠大修後發配去前線前影既, 留意一下全車已加裝左工具同炮架, 連個起動輪都換埋9齒


PS: 點解上面既工廠生產編號會跳過左無305002既呢? 其實唔係, 係因為305002乃另一輛試驗車: 享謝爾獵虎原型車來.....

[ 本帖最後由 GaryKwan 於 2011-2-8 11:49 AM 編輯 ]

嘩...先素組完果兩日咁快就追數
我地應該去追下果 D萬年欠債仲好啦, 學d人話齋: 唔好"擇"過年

咁師兄宅左d咩過年呢又

岩岩噴左底色同上左水貼
可能盒模型擺左太耐, d水貼一過水就碎, 結果搞左好耐, 又要用油手塗補先搞得掂



由於跟實車做, 所以迷彩紋路盡量跟番照片(當然幅相既quality, 都係靠估 )
紅圈位置係比較明確既紋路

其實來來去去都係得一隻防紅色, 只係個個人調出來都有d唔同, 可能係要遷就番整體效果所以有d分別

按其他同謍同時用同一個number pattern既車去推測, 314既車號應該都有白邊
最好既參考就係有彩照留底既331號車, 同一個number pattern都一樣有白邊既
當然呢個都係靠估架啦

佢果個都岩既(我只係指佢既字體, 但333號車究竟係唔係用呢種字體就要再查查先知), 你可以留意下653重驅逐戰車營其實係用過兩種唔同既字體, 而兩種唔同既字體顏色都唔同, 我暫且稱為字體A同字體B
字體A既係 黑底白邊, 字型偏"肥". 用呢種字體獵虎既例子有331, 113, 131, 114同我呢部314
下面係圖





字體B既係全黑色, 字型偏"瘦" 例子有102, 301, 332及323
如圖

完成左好一 排啦...只係無post上來