遮蓋係一件好頭痛的事
除左用上大量遮蓋膠紙外,亦要用上大量時間
隨住rg上色風格興起,一件零件可能都要遮幾次先完成

但我係遮蓋時往往遇上問題

1.漏色,
可能因為氣壓太大,膠紙鬆弛,令部分顏色唔覺意滲入

為左解決呢個問題,曾經試過貼多幾層膠紙確保唔會滲入
又或者用寶貼填位,壓實,特別針對一d好難用膠紙遮到的位,直接用上寶貼就算

但依然有時會出現意外的漏色

2.達不到效果
一d大型又或者難用膠紙遮蓋的件,往往用上幾個小時去遮蓋,除左有部分位用普通紙代替,或者用寶貼
我曾經以琺瑯油上色油上油上面,然後再用火機油抹走(只針對首辦),節省遮蓋時間
但有時候係無辦法完全清潔得到,令到有污積留低,白費心機

3.細緻位
為一d細緻上一隻色,如上圖的sf,手前臂,腳踝甲上都上左一點色,為左呢d位而大量遮蓋好浪費,
如果用上述琺瑯油的上色方法,一係就如前言有污積留低,
二黎就係底色問題. 係白色為底下上紅色當然無問題,但若然係黑色.深灰色下上紅色或者其他淺色,就會出問題,如面色會變得暗沉,遮蓋唔到底色


所以想請教一下各位師兄的遮蓋與細緻位上色心得
點樣先可以好似上圖咁,分色.細緻位上得咁好?

[ 本帖最後由 k濤 於 2013-7-2 04:39 PM 編輯 ]

見到"浪費時間"呢4個字. 已經唔想答, 亦唔洗答了.

可能係我用字問題
我係想講用得太多時間,但達唔到預期個效果

舉例,最近係到整緊vp sf, 裙甲係先上gaia surface evo (black)->遮白色位->上金色->遮金色->上白色
因為有d位係不規則,又有圓,己經用上寶貼輔助
依然有d位係漏色

所以想知
1.有冇其他方法
2.遮蓋膠紙有時黏力十分弱(非雙星), 又或者貼實已經有漏色,係咪我有地方出錯?

我知有遮蓋液可用,但對一d凹凸不平d嘅位,好難挑走或者會整到甩色,尤其係gk,所以都冇再用

乜唔係上白色遮白色上金色咩？？？？

我是超新手(完成緊第一件非素組作品....)。
我也想向大家請教遮蓋技巧
遇上一些不規則形狀，特別是圓形，我會整好多塊細細塊GE膠紙做遮蓋(圓形是無限條無限短的直線造成)，不過現實始終不能做到無限細，只做到一個近似圓形。效果不能夠太完美。

不知道各位有冇一個更好的方法，還望大家指教。

我都係新手, 圓形位可以試下用寶貼blu tack, 好處係可以好似泥膠咁慢慢整靚個形

咁點解唔界d 弧邊既膠紙呢?! 冇人限定膠紙一定要直架喎.

民航機甘靚的圖案同模型的圖案，都係用同一樣的方法姐
我認爲遮蓋液密封性最好，不過挑番出來比膠紙麻煩得多，唯有搽厚D會容易挑
另外，噴色必須垂直噴，否則漏色機會增加
補充一句：我玩AFV的，漏色好閑！好易救架！

出事既原因就張圖已經講晒. 明就明, 唔明就係算了.

留意下卷庶蓋膠紙的邊是否平直,有時庶蓋膠紙的邊位有凹凸,
所以有機會滲油.

睇你個流程根本係你工序安排問題，點解要先响黑底灰上面預留白色位而先去上金色，返轉頭又要對準留白位再去遮返金色咁複雜？可唔可以噴咗底灰(用白或灰色)，先上白-->遮白色位->上黒色-->上金色。都係行5步，你噴3次遮兩次，我遮一次噴四次，冇得懶，但冇咁煩。

我有諗過界d 弧邊，但係就咁界，定係用工具幫手(eg圓規?)

遮蓋膠紙本身都好軟
弧度唔大CUT幼佢就可以沿邊貼
幾長都可以一張過

Bandi套件唔係已分好色?? 點解上色要遮蓋?

你有冇飛走膠帶既邊位?通常你唔用既時候邊位會痴左d塵影響左痴力要cut cut條邊會好d

可以學似手機舖頭 換mon貼咁, 噴完油乾後 貼上另一塊膠紙 黐起下面嘅遮蓋液膜喇,  都OK吖, 快又安全, 少好多機會栝花

唔一定喔

自己改造,首辦都需要MASK

遮蓋位多數係d線隔離，就算出界，滲完線都無野

用邊隻牌子既遮蓋液都有關既.