一位四月中生日的女性友人，向我提出了送她一台迷你谷巴的要求 ... 自古英雄難過美人關 ... 動手唉啦 ..

在 DC2 完工之前已經花了好幾天尋找左呔版谷巴的蹤影了，卻遍尋不獲 ... 就連右呔的也幾乎找不到，反而 FIAT 到處也是 !
早陣子在暉暉模型找到一盒谷巴，在我的要求下他願意開盒給我看，因不是左呔，最後被我放下 ...
今天還是幫他買下，盒上有二種膠紙的 ... 還是當天那盒

由於車主並無擁有此車，我無需依照什麼來製造，好好的 OOB 應該就可以了。

開盒 ...
好歹都叫新模，車身目視下感覺良好，主要由簡單曲面及平面組成，應該有利拋光
刻線也可以，唯獨擔心獨位式車窗組合度欠佳 ... 未試，希望還可以

套車鈴 ... 好豬美啊 !!
馬上有股衝動把它丟了，把 DC2 原裝的八爪填平中間 H 字後拿來頂替 !!

椅背有個很大的「正常」偷膠 ... 至於門板嘛 ... 實車也是這樣的嗎 ? 好大個洞耶
主控台是主要要改的地方，左右對稱式，要移形換影應該不難

明晚 3 月 1 號動手，決戰豬美之癲 !

睇下師兄點改先

真車門板條柱一黎係扶手，二黎係保護乘客，柱後面係窩人去o既，用黎放雜物。

mini我都買左好幾部，一部俾自己大改，另外三部係The Italian Job version呢，好想快手啪左佢

[ 本帖最後由 wongleo 於 2011-3-1 10:48 AM 編輯 ]

未來車主又冇真車、又唔非常熟車，唔會大改的了。
成日大改好累的   不過應該要搵傳說中的魔鬼先生幫幫手 ...

Leo 兄，咁呢部車模同原裝車有冇邊個位同真車有大出入要搞搞佢呢 ? 因為唔係好熟呢部車
你咁多車，啪得幾多部啊 ? 果幾部 Celica 都未完

部車其實算唔錯喇，但模型就係模型，我覺得有7,8成似就好ok喇，大錯係無o既。

況且你有timeline，都係快手直砌算啦。返而你要左軚o既，倒不如自己由右軚改左軚，唔會用好多功夫，因為個Panel左右係balance，只雖要將軚心切出黎左右掉轉，補番個駁口就得。

BTW, 你有邊個位唔清楚話我聽，我可以影俾你。

我堆celica要長期作戰，total會整5部，所以mini要遲d先喇。

[ 本帖最後由 wongleo 於 2011-3-1 02:26 PM 編輯 ]

嗯，左右呔改造應該是沒有問題的。昨晚假組了一些都 OK fit
燈杯後都似乎 Fit 到爆，唔知夠唔夠位裝燈 ...

我有部入伙禮物 ST230 ... 入左伙兩年都未開始砌

又係放係度好耐都冇理 ... 進度緩慢
其實成部車我個人覺得好 OK 的，要不是要將右呔變左呔，我諗已經長關綠燈揚長而去了

將中控劈成五件之後再組合，低估了組件弧度及斜度，單純地分解再組合根本不能成事 ... 要畢地侍候了 ...
經過幾日修改，雛型出來了，細節有待修改，椅本偷膠亦順便填平

此車似乎不同年份有不同內籠樣貌，何解網上所見呔盤都係 T 型三幅式，我的是 一 字形的呢 ?

Fujimi 隨盒附送的那套鈴，鈴柱粗得離譜，整個窿都被米字填滿了 ... 難看 !
於車房翻摷一下，找到一套六爪電鍍鈴，感覺上頗合 Mini，而且是看不見螺絲孔的款式 ...
看不見，即是跟原設 4 孔沒有衝突啦 ~   

不過原來的鈴是短樁式，而新鈴是長樁式 ... 裝上後整個輪都凸了出來。
要是我打算做一台 Hammer CooperS 的話還勉強可以，普通車還是縮入一點好 ...

於是我將碟盤底打通，以令新的車鈴可以再往內縮
碟盤底被破壞後，於避震組件的鼓狀物正中央鑽孔，輪軸釘改內則裝入穿過 ...
軸釘相對上短了，不過仍足夠裝上車輪

現在就 Fit 了 ~

由於頭碟盤底跟後碟有些許不同，穿底貌似較短，碟於鈴內縮得太入，所以自加兩塊墊片加出
前輪似乎 fit 爆，正面有呈外八字腳 ... 算是可接受范圍的極限吧 ...

為提升模型精緻感，於時間限制下，不自制太多部件了，直接購入蝕刻片就是了 ...
從網上淘回來的，說明紙上印有中文字，下方有 Made in China 字樣 ... 感覺有點奇怪，A 級貨嗎 ?

直接買回來的東西果然就不一樣，精細度 DIY 的沒法比擬，方便快捷也令爽度大增 ...
裝上後感覺良好 ... 要是之前的 DC2 也有這東西，多好

不過其實這東西應該是用什麼黏貼的呢 ?

[ 本帖最後由 Seiichiro 於 2011-3-24 12:51 AM 編輯 ]

繼續自娛自樂 ...
按壽星女喜好白、黑、紫三色中挑選了白色 ...
因為剛完成黑色的 DC2，不想再做黑色 ; 紫色則無遇上心水紫色放棄。

依資料搜集所得，Mini Cooper 貌似只有米黃白而沒有純情白 ...
想清掉家中的 TS-7，這也是我選製作白色的原因之一 ...

N 年前不知天高地厚撻 Q，這罐油噴出來感覺「很水」，很易噴得很厚及積油，遮蓋力亦不高 ...
今次再噴 ... 不能跟當初同日而語，順利完成。
有人說 TS-7 是 Honda 的 Type R 白 ... 個人認為偏黃了點，不像。

Mask 貼紙功能還是不足，輪拱有點考起我，出來有些少漏油，需要執執 ...

現在出現了點疑問 ...
米白色的 Mini，白頂是相同的米白 ? 還是跟紅、藍車一樣都是純白呢 ??
還是我該轉黑頂 ??

還請對 Mini 有認識的師兄給點意見 ~

mini車身各部份顏色響出車時都可以自由選擇，但車頂好似無米白色，pure white最安全，不過米白身加黑頂好睇d。

原裝輪拱係半啞黑，所以拋光後先噴比較方便。

原裝車軨真係咁粗o既，粗得黎襯白鏡白頂會好match。真係要換的話我會建議用o.z.軨。

噢，由於「現示流」心態作祟，覺得鈴柱太粗睇唔見隻碟所以換走 ... 依家已經跟另一條鈴做好晒 offset 改唔返喇 ...

黑色我都覺得唔錯的，不過為配合白羊座的女主人，都係整個白頂

現在等魔鬼先生回覆我查詢，我就可以發圖訂造車身水貼，到件後可以再進入下一個 step

謝謝 Leo 兄分享