http://www.hkml.net/Discuz/viewthread.php?tid=158812&highlight=%B1H
http://www.hkml.net/Discuz/viewthread.php?tid=161265&highlight=%B1H

先感激鬼ching既資訊，再希望各位師兄可以解答一下

1. 我仍然唔明，到底係只限平郵，定係都可以空郵寄 ?

2. 寄之前又要準備D咩 ? 可唔可以寄埋Thinner ?

希望大家可以一完小弟最後心願 ......... 謝謝

澳洲果度好嚴喎!!!
寄天拿易燃一定唔得

一句講晒: 冇得光明正大寄. 你寫油漆 thinner係報關表就一定死硬.

你一個大包裹, 廿幾kg乜都有既, 照x光都只係見到好多野, 有衫有書乜野都有就最易過.
一枝枝排到整整齊齊淨係得油既就死得最快.

之前既post 就已經講左:


郡仕油性同 gaia 都係第4類 第1石油類. 郵局係唔會寄既.


你要做老實人寫清寫楚係乜落報關紙既, 就唔好浪費時間了.
或者要光明正大諗住畀係拆開都唔驚既, 都唔好浪費時間了.

兩個字講晒: 偷運.

唔洗再講啦掛.

[ 本帖最後由 VampireA 於 2014-8-5 03:47 PM 編輯 ]

去到其他地方，應該係自己去昔應人地的地方生活習慣；澳洲本地都會有模型店(Hobby Shop)，佢地本土自有一套砌模型的方法。
人地禁止呢類物品入口就有其原因，應該專重別人地方的決定。
唔好做尐有口話人(話人四圍大小便)，無口話自己的事。
所謂前人種樹，後人得果，被人歧視係必有原因的，係自己搞臭自己香港人個名。

唔係"禁運", 或者禁止入口. 只因係易燃危險品.
郵局呢d 普通運送冇足夠安全準備唔會去運姐.

今年4月去澳洲旅行，途經了兩間模型店，其中一間好齊全，有高達、軍事有afv有戰機有船艦，大到1/350大和都有，亦有油類、筆、其他工具、以至蝕刻片等，實在好齊全，而且好整齊，只係真的比較貴，一般比我地貴近7成至1倍
我仲係入面影在d相，所以睇返相會記起地址，好似係墨爾本，等我明天看看remind吓

呢個其實先係住外國既問題, 好多時唔係冇. 而係貴. 我細過(廿年前)都係加拿大度住左好一段時間, 唔係溫哥華, 多倫多華人日本人多既市. 都一樣有三, 五間模型舖. 一樣有郡仕, 田宮油賣. 不過貴. 果時仲冇internet可以上網買野. 呢d 油唔係入唔到境, 禁賣. 只係難入口, 量又唔多. 搞到貴. 但一入到境就有得係境內自由運送. 一切都只係錢既問題.


好似美國既 alclad 油, 個office 網址都講冇得寄北美以外地方. 依家, 全球都有地區性代理了.
alclad 油都係郡仕, gaia 既 lacquer 油性油. 所以就唔係地區禁售而唔俾入口.
反而係, 郡仕, gaia 冇當地既"安全label", 又唔肯交出 msds, 變成想正正式式做代理都唔易.
香港既油, 都要入口自己再貼多張 安全label 先賣. 但日本仔, 得田宮肯加英文安全label. 只有怪佢地冇打算做埋國際市場啦.

[ 本帖最後由 VampireA 於 2014-8-6 05:17 AM 編輯 ]

日本做生意通常都係做返自己日本人生意
對外佢地覺得好麻煩
日本人唔係唔想賺出面錢 係怕煩

4月去澳洲自由痕時在墨爾本經過見到一間模型舖,  條街叫咩名唔記得喇，總之間舖係戈個黃色車站向街的舖位，要落一小段梯級既
你照住D相睇下揾唔揾到，D嘢都幾齊，各類模型用品都有，有需要直接問老闆可能都幫到你，只係價錢比較貴
附近好似仲有一間，不過我路過時已經收舖，無入去睇，你不防揾揾
希望咁岩幫到你

高達類幾新下，個時出左無幾耐的 MG RX-78-2 ver3.0已經有得賣

係 Flinder Street Station, 係正市中心

http://www.hearnshobbies.com/

多謝鬼CHING，好詳盡 .......... 哩獲真係明X曬

另外各位師兄，小弟住係澳洲最契弟果個大城市 ... Perth，
哩度既發展係第三世界級，想買奢侈品 ... 唔係你話買就買，連LV門市既派頭都弱雞D
今日出CITY去左間模型店，佢有gaia油但唔齊 ... 我已經考慮用其他油性油or玩手油

另外HighLamb師兄，多謝你意見先，明白曬 !
小弟迄今應該冇咩被歧視既問題，最少冇俾個local GF嫌棄，託賴 ...
講開，我夜晚係city行街真係見唔少白人週街柯尿，差在未射到我身上

我以前讀書同鬼佬落完bar 急起上來都係隨街柯架啦. 夜嗎嗎, 係咁架啦. 仲通街醉酒佬添. 果邊隨時有草地, 唔係柯大就冇人知冇人理架喎.

如果講以前就肯定仲仆_ D，但依家就算多左廁所都冇用，你一樣唔會搵到，搵到你都未必敢用 ... 所以正路邏輯都係週地柯
仲要當你貓左既時候，就更多唔好講理性

所以係某d條件下，係人都會週街柯，唔止強國人的

咁講啦. 有d野, 並唔係黑白分明. 衰人壞人真係到處都有.
但依個年頭. 太敏感了. 講得多又會畀人話只係 臭蟲論, 唔係就50cent, 咩x狗, 咩x豬.
人地點諗人點既事算了. 已經要講既都講過晒. 既然已經入晒腦, 再講都無咩意思, 仲隨時傷和氣.