我想問一問各師兄,上色前會否全部件,逐件逐一打磨呢
砌咗咁多先黎反問番 ,因為一直以來都無做,睇到有網站高手話要,
自己又開始覺得係咪自己錯咗好耐呢,希望大家可能幫一幫我解決心中嘅疑問......

通常都係, 有水口位而又係外露地方就一定打磨. 其餘見唔到就算, 連灰都懶上(例如: 骨架)

咁係咪所有上色面都要打磨呢??

小弟平時做法

1) 水口&夾口位: 先用貼上400 號砂紙的硬物( 如木條，打磨墊片等) 打磨整形 .無論曲面定係平面都係咁做。
   個人經驗話我知直接用手楂住砂紙磨水口&夾口係好難磨得平整。消除水口&夾口後，就600 號 磨到800號/1000 號, 直接用手楂住砂紙磨 or 繼續用硬物磨都得。
   磨到800 號定係 1000 號就視乎噴咩灰。平時用噴筆噴，用 GAIA 的 Surfacer Evo的話， 磨到800 就ok。郡士的Surfacer 1000 就磨到1000號。

2) 普通表面: 如果全部面磨曬梗係最正la~ 因為咁樣成件模型的銳利度就會大增，更加美觀。
                      不過極度複雜的面就磨都費時la, 例如 MG 模型骨架。 骨架我只會消除分模線，水口& 夾口, 吾會所有面都磨曬。
                     通常普通表面吾會400 開始，會600/800 開始，省時間。有時懶就直頭吾理

e 個只係個人做法，只係share 一下 其實用咩方法都好，整到一件靚作的話無論用咩古靈精怪方法，其他人都吹你吾漲
所以冇話咩岩定錯。小弟覺得，玩模型最緊要搵到自己的氣度同風格，咁先會玩得過癮 所以師兄吾洗愁la，之前見你d 成品都吾錯

[ 本帖最後由 N.J.Cζ 於 2013-9-5 02:25 AM 編輯 ]

我就比較懶.
無論塑料 / 首辦(樹脂)水口 / 夾口 / 分模線, 一開始就用模型銼仔磨, 磨完上灰check件, 無問題就用1000輕磨, 然後上色.
如果有問題就用600砂紙再磨多次, 重複上灰check件, 無問題就1000輕磨, 上色.
骨架就完全無視, 除非關節位 / 外露部分.