鴨寮街近西九龍中心有間賣電腦配件既鋪有平價剪鉗, 10蚊把, Made in USA, 見有大量, 我買左6件, 質量都可以, 有興趣行開果邊可以去望望

Made in "the" USA, 鬼佬寫英文冇理由咁流啩

剪電線鉗?

10蚊把,
Made in PRC or China是常識吧
他們要賺的
你想要由美國車來...

中国質量可以好的, 好多人去東管

東莞...
"Made in USA" 係一個國際承認的產地來源標籤，唔信你google下。。。

請問可唔可以show d相出來睇睇剪完之口d水口位會點樣？

謝謝

xuron品牌ok的,也有蝕刻鉗出產過,我都有三把呢個牌子的...
樓主果把,型號係咪170II?
http://xuron.com/index.php/main/industrial_products/11/10

咁 MADE IN THE U.S.A. 呢...

都唔重要了。
砌模型有一把好的剪鉗更重要。。。

各位大哥, 首先, 我系 share 一個 Information, 即系  For Your Information ONLY!!  所以唔需要 challenge 我, 第二就系呢類貨應該屬於夜冷一類, 系寶定系草就自已睇啦!, 最後就系10蚊一把, 何需做假, 各位咁精明, 點會受騙呢

P.S.鉗身刻有 MADE IN USA, MICRO-SHEAR 170 II XURON SACO ME

Made in the USA 絕對系堅既英文, Bruce Springsteen 第一隻 CD 個 Title 就系 Born in the USA, 英文用 "The" 往往系指明某事物, 我想用 "Made In The USA"  意思系 "大美國製做" 咁解

電線鉗?  請問同模型鉗有何分別

我並非幫佢推銷 (不過我會去買多幾把), 所以剪出黎乜效果影相我就唔做啦, 個包裝背面提到 MIcro-Shear 技術, 就系兩片刀鋒唔會正面接觸 (blade-by-pass) ,作用系加長工具既壽命

[ 本帖最後由 sundaymodeler 於 2014-9-1 10:50 AM 編輯 ]

謝謝分享!

請問2片刀無對剪, 點切好模型水口(並非針對樓主)?

睇上面張圖大概都可以了解到,刀鋒以一個小小角度相碰,但並非 edge-to-edge, 如果您用肉眼睇實物, 可能睇唔出, 就同一般剪鉗無分別

其實工具嘅嘢睇自己嘅啫, 後生啲嘅可能未用過, 小弟細路玩模型果陣, 都係叫你用指甲鉗...

舉個例, 以前啲模型書邊有咁多做型畢地呀, 原子灰咁, 要做型, 果陣最勁都係講綠畢地, 唔通以前啲模友做唔到型? 無記錯啲人拳頭等都係咁做出嚟.

難得有模友報吓料, 多謝聲都好應該, 係咪USA 唔USA 會唔會令你砌得好左? 吓吓咁好快好多人收口, 咪重無戲唱?

依家買個有饀包都7, 8 蚊啦, 10 蚊真係平嘅, 當粗用剪水口框都扛抵吖... 你會唔會用你隻孖星金剪去粗剪水口框?  

工具死嘅, 點用先至係生.

當然呢度都高手如雲, 一時口多發吓口痕啫.

[ 本帖最後由 kc40342 於 2014-9-1 12:09 PM 編輯 ]

thank you for you share , sundaymodeler

多謝分享平嘢 我把五金鋪買回來的剪鉗的彈簧斷咗，都未捨得去買把新，如果就腳，我一定會去買把來試

多謝師兄報料，得閑去鴿鴿先！

不過我對其他師兄懷疑係咪Made in USA表示同意，10元真係運費都唔止，不過夜冷野可能係寳黎渦！

非常感謝師兄提供!買咗勁抵玩!呢把剪輕身好用,剪頭位厚度適宜!
另外呢把嘢百分百美國佬嘢!幾年前去過加洲一間名為fry's公司見過!
我當時都想入,不過成為US$12.99,太貴無買!

指甲鉗簡直係神器

一个鉗都傷和氣, 模界發生乜事

多謝師兄報料，已經入手一打，夠我同個仔有排用（大部份架生我係同個仔分開用自己果套），未認真去試，但手感唔錯

仲要我行鴨寮街果陣無意中搵到3M水砂紙$3一張，由#80-#1500都有，初步感覺良好，等遲D認真試過之後如無意外應該會再大手入貨儲備；另外3M海棉砂紙$9一張，但只有Medium（最粗果隻）一個型號



另外我想講，“MADE IN THE U.S.A.”係真有其句的，大約用意就正如樓上師兄所講咁， 英文用 "The" 往往係指明某事物（或者要強調某事物），Made In The USA"意思大約係 "大美國製造" 咁解，求其舉兩個例：

1/ 美國一個以“Be American, buy American”（類似「愛國請用國貨」）為口號同賣點既購物網站，就係叫做《Made in the USA》，網址都係一樣

2/ 有隻CD single個名就係叫《Made in the USA》，入面有首歌又係同名《Made in the USA》（唔記得邊個唱，只係記得係女黎）

「正統文法」上“MADE IN THE U.S.A.”是否正確我都唔知，但事實上真係會有咁樣既應用，至於話：「鬼佬寫英文冇理由咁流啩」呢個問題呢……我只想講，美國係一個大雜燴國家，乜叉人種都有，由於好多人本身既母語都唔係英文，所以美國果邊D英文一早已經亂過乜，但求大家溝通得到就算，基本上已經無乜文法可言，渣正去judge的話，就連總統發言都經常會有文法上既錯誤，唔好以為只要係鬼佬就一定識英文文法/寫英文先得架，而家基本上英語國家黎講，只有英國既官方發言先叫做較符合正統文法…簡單舉個例，「正統文法」上黎講，I 同We 只可用shall而唔可以用will，但今時今日仲有幾多人會咁用？就連最「正統」既英國佬而家都係用will多啦！

正如我地既母語係中文，但有邊個夠膽講自己一定識晒正確既中文文法應用？我相信中大教語文果個都唔會夠膽講自己100%完全識囉……



最後我想講既係，架生呢家野，好用就得啦，我理鬼佢係咪係美國定邊鬼度生產丫，何況只係十蚊雞，呃盡你都係十蚊雞者，何況計正的話十蚊雞連大陸貨都買唔到啦，咁執著“MADE IN THE U.S.A.”岩唔岩做乜？



後記：拎起實物之後，我個人較傾向相信佢係美國佬product，因為美國佬野就係咁……粗枝大葉，除左個刀鋒口之外，個鉗既其餘部位以至包裝都係幾“乸西”，咁樣粗中有細法的確係似美國佬本土野既一貫作風，大陸野反而係唔會係咁樣……但我都唔排除本身由大陸生產粗胚，之後運番美國作最後處理/包裝既可能性，但都係果句，我理叉得佢邊度做丫，架生係要黎用，笨唔係要黎玩photo hunt既！



吹水完畢，不喜勿插