即係呢... 小弟比較傳統, 砌模型唔上色硬係好似未完成咁, 不過咁搞一盒要搞好耐, 而且最重要係完成後唔敢攞嚟玩, 怕整花怕鋪塵, 下下入透明箱...

另一方面, 有時會買啲 figure 玩, 好奇怪, 佢地用咩上色? 又唔易整花, 鋪塵用水沖又得? 咁搞法使乜砌模型?

嚮 facebook 見好多人素組滲線加消光就算, 反正又唔係攞去比賽, 快快趣有得玩, 其實效果好唔好? 會唔會好膠? 模型舖唔會放呢種成品, 所以唔知...

興趣既野最緊要自己開心姐

其實以現在模型既分色技術,滲線消光都唔會差得去邊

最緊要過到自己個關, 完成一件模型, 每個人對"完成"定義都唔同,
有D人會覺得砌完上消光叫完成, 又有D人會覺得左改右改先叫完成,
所以有D人永遠砌唔切自己D存貨, 例如我....件件都有唔同idea去改, 但永遠無咁多時間去實行

砌模型係個人喜好，無論係素組丶上色丶改造都好，你喜歡咪得囉！
唔好將自己嘅喜好或者標準強加於人地身上。

我覺得, 玩模型係一種嗜好, 能令自己樂在其中的話, 自己就有種享受和滿足的感覺.

所以唔使拘泥於砌模型要做到同其他人咁, 勉強自己去做, 自己又唔ENJOY的話, 豈不是本末倒置.

如果齋砌已享受到最大滿足感的話, 那又何妨呢?！

自己喜歡就可以
而且宜家d新模型分色做得好好,齋o拍都好靚