【經濟日報專訊】亞視昨向員工發放半份的11月薪金，惟12月份薪金仍未有交代。財政危危乎的亞視仍有能力運作下去嗎？
亞視拖欠約800名員工11月薪金近一個月，按法例規定，若至本月31日仍未發放11月薪金，則可視作自動遣散，早前新聞部已表示若持續欠薪，元旦日只會維持有限度運作。昨日亞視只發放了半份11月薪金，亞視員工代表昨引述資方代表稱，餘下半份糧要待至1月4至5日，至於應該明日發放的12月份薪金則沒有時間表。

不續牌「眾望所歸」 政府未交代
https://hk.news.yahoo.com/%E4%BA ... B%96-225531638.html

平時我只係行過先望兩眼電視 , 又或者食晚飯先睇睇 , 最初唔覺 , 有三幾晚黄金時段睇亞記先發覺佢d广告時間只係重覆賣返自己台d節目广告 ! 唔知其他時段係咪咁...無广告客 ??

亞記多年來轉手咁多暈 ,基本上每個新老細上任都有一番新景象 , 我最初以為王煎接手後同樣有個中興 , 點知越做越
dup.. 收市調査可以只得1點 , 甚至0點.. 唔知有無拍過新劇 , 只係講重拍返兩套舊片....

新節目係d清談/時事節目 , 請d嘉賓(免費 )..要zip時間 , 就揾返d舊劇集舊資訊節目重播 ,循還再用都ok 嘅 , 不過連d上古時事節目/古年煙花滙演 都搬埋出黎.. 依家有建議話縮短新聞時間 , 咁會唔會又搬埋d舊聞出來播呢 ?

政府可以話擔心亞視倒閉員工會即時失業
所以俾佢續牌

唔執只會繼續再拖累員工出唔到糧，腦細繼續掉錢落海咁，長痛不如短痛吧。

最重要係連廣告商都無乜，何來收入？怎去再經營？
現況同末期癌症無分別，只看到死路一條。

陰謀論而言，唔發牌比魔童係玩佢之外，最重要係想陰乾亞視，唔知同誤報江總死訊有無關呢？！

[ 本帖最後由 JBear 於 2014-12-30 01:14 PM 編輯 ]

誤報死訊會影响國內投資者落搭 , 其實死咁大件事點可能會....

想賣片 , 片又重播到爛 , d演員又無乜人氣(無乜人識 ?)都唔知有無得出show抽佣....真係唔知重有乜途径揾水救火 , 死士家族肯賣股又有邊個肯同佢接貨 ?呢個"毛文"人地買左都唔知你下年重續唔續倒牌..

其實發新牌可以加入條件要請返多少二9台員工 , 就算無相關條件新公司亦要請返專門嘅人 , 二9台作風係咁落去又可以頂得幾耐 ? 似係等運到 , 但依家最需要嘅係神跡 .

[ 本帖最後由 oj 於 2014-12-30 03:54 PM 編輯 ]

果邊搞緊反貪 仲有人敢亂掉錢 想死

再做下去, 員工只會每個月都只出半月糧

12月尾出11月A糧
1月出11月B糧
2月出12月A糧
3月出12月B糧
.........

若真係一間負責任的電視台，應該摺埋清盤，出齊糧比員工講聲 bye bye 仲好啦，現在只係拖得就拖，唔願輸就拖埋班員工受難，完全無顧過班員工感受？

等新投資者都係借口啫，仲有咩人肯用亞視個名繼續玩？！
就算有，都係一班執到錢無頂洗的腦殘才俊吧

我就覺得同發牌完全冇關.
亞視今日搞成咁. 只有一個因素: 投資者爭控制權. 蔡衍明同王征都想控制亞視.
王征雖然曾經好似控制到亞視, 但因為通訊事務管理局介入(應該係有人報串啦)冇得再實施咁操控.
而家唔出糧因為都唔知邊個可以成為最後得主. 兩個都唔肯放水入亞視.

但過左聽日都唔放水既, 就隨時牌都冇堆. 一拍兩散. 所以聽日應該會出到糧.

但要完全解決亞視既困局. 始終係要其中一個人放手. 解決亞視控制權問題.

一個台不斷懷念過去 , 不思進取  , 一個台就不斷重復d様辦劇

唯一印像係王煎帶頭嘅反魔童申牌求神儀式 ,  好似隻馬騮咁舞 , 唔積極做d事應對大台挑戰 , 將資源消極地花係呢d喝倒彩事上...

我都做過d無糧出嘅公司 d 員工士氣低落 , 5個同事3個準備resign,  兩個係新人, 1個resigned ,有個同事直程自訂上下班時間  , 朝遅1.5hr, 放工早0.5hr...
d人唔相識嘅共同話題係 : "欠你幾多? " "兩個月 "
果個年頭好難揾倒工做 ,入去做最初唔為意 ,見公司規模好大重以為拍倒好碼頭 轉左運... , 0 福利 , 無雙糧花紅都算 , 點知連糧都出唔倒..


錢無頂洗的腦殘才俊吧----> 死士家族"死智盲"(highlight 字眼不適用)

做trainee時都試過被拖糧，所以好明白固中感受，不幸中之大幸係辭工後一年先追得返欠薪，都算個老細有良心，而我知當時間公司已執咗

若然亞視係老細爭權而唔出糧的話，就真係不智了。
就算是旦一個爭贏，班員工會點睇個老細，有誰仍然甘心留低做，有新人會願意加入？
兩個老細爭玩具，變咗大家都輸

有冇牌都係一樣唔睇因為真係冇野睇

[ 本帖最後由 未來 於 2014-12-30 08:31 PM 編輯 ]

我一入去做果陣見十位九空 , 都覺奇怪 , 無糧出就表示連找街數都有問題 , 舊數未淸d公司唔會再接你order , 更加難做 !

依家重有冰個睇電視丫 ? 我係老餅我都唔睇啦 !

兩個老細都唔係本地人, 點會理你生死.

再講, 電視台本身都唔係佢地既"本業", 只係投資工具.

我諗亞視最多人睇果個時段一定係六合彩搞珠同賽馬直擊

師兄, 咁你甩咗身未?


所以喱兩條蛋散被稱為無良僱主的話, 真係實致名歸!!


係囉, 但現在有尐投注站內會有電視睇埋賽馬, 足球, 又有免費wifi冷氣享用, 氣氛又熱鬧, 真係好過喺屋企睇!

[ 本帖最後由 JBear 於 2014-12-30 10:07 PM 編輯 ]

呢單"投資"真係難以理解, 明明就係爛到唔爛的攤子, 依家葉家寶都仲話有十幾個投資者有興趣接手, 咁我覺得佢地唔係白武士, 而係死士

都唔明有什麼"投資回報"? 可能係向土共買個免死金牌, 下次捲入貪污案可免疫?

執粒後 now 同 cable 做

"回報" 唔係只有錢呢一樣野既. 肥黎一樣"投資"左好多錢係泛民身上呢..