DELETED



[ 本帖最後由 黃潤發 於 2015-7-31 03:55 PM 編輯 ]

Sorry,睇左幾次都唔明.我未聽過用背景隱藏模型問題

如果模型本身有缺憾就嘗試去改造,畢竟成功多來自嘗試及失敗

多謝你嘅意見先。因為盒模型年紀仲大過我，我怕自己眼高手低，整爛咗咁解姐。

至於張相，其實都係想將個物件影得順眼，影相佬思維。


借用網上嘅圖片，模型盒上最頂張相就好清楚咁影到兩隻腳掌不平。腳掌同張淺色背景紙無法完全接觸。我用黑色背景紙，就係想令相中嘅模型睇落比較順眼。


[ 本帖最後由 黃潤發 於 2015-3-7 06:58 PM 編輯 ]

古舊模型，應否加以改造，係好有趣嘅話題。
好似呢類應該有30年歷史嘅模型，以前會覺得呆板，宜家我會覺得有味道，佢代表著一個時代嘅技術與審美眼光，佢有佢嘅故事。如果將佢以現代技術與眼光改造，就可能會失去佢嘅原有味道，不如買隻新版HGUC砌算了。
佩服樓主在這套舊模上所用的心思。認同樓主的想法。

樓主可以參考呢本書

只改POSE, 唔改造型都可以好正

宜家有一樣野叫photoshop

但我比較鐘意前期功夫囉。正常些少嘅攝影師都係鐘意用前期功夫而唔係一開始就想住用photoshop。


其實模型盒上面嘅相好多時都有古惑嘢，唔使Photoshop，只需要留意拍攝角度同高度，唔好影到偷膠位，擺pose遮住唔靚嘅部位，甚至油黑某啲部位，善用陰影...... 等等。

呢啲手段叫「視覺隱藏」，唔止影模型，好多時商業攝影都係咁做。前期功夫做唔到嘅嘢先會用到PS，例如將肥婆變索女，同埋透視修正之類。但影模型就唔洗咁做。


例如Bandai隻1/220 Z Gundam，個攝影師影模型正側面嘅時候，就用隻手臂擋住個裙甲同大腿嘅連接位。而影正面嘅時候，就保持同主體相同eye level，而且模型個頭頭，仲剛好遮住咗個飛行背包嘅偷膠位。

影SD GP02A，就預先塗黑肩甲內部，等啲模型嘅連接桂位無咁明顯。

近期些少嘅例子有SD Hi-Nu，個攝影師直頭唔影模型正後方嘅相，因為正後方會見到隻模型有大大個偷膠位，一定會穿崩。個攝影師好小心咁影斜側面，但要好小心，唔好影到偷位。

我睇過隻SD Hi-Nu個盒，仲有說明書，真係連一張從正後方影嘅相都無。但只要完成隻模型，就會留意到HiNu背後嘅組件有大大個偷膠位......


現實中「視覺隱藏」嘅例子仲有好多好多，唔止得影相。例如Bandai設計模型嘅時候，有時會故意將水口位同偷膠位設計嚮無咁當眼嘅位置，都係「視覺隱藏」嘅例子。

[ 本帖最後由 黃潤發 於 2015-3-8 08:57 PM 編輯 ]

多謝你嘅回覆先！呢本書好似就係傳說中玩MSV嘅人必買嘅聖經！

不過我呢隻係1/220，改嘅難度相信會好高......

我可能會抄考日本玩家嘅手法，就係做一個地台，令佢站得穩之餘，又唔驚會破壞件模型。

1/220　Zガンダム300円遠足おやつ価格？
http://www.fg-site.net/archives/post_old/47190

（而且個地台仲可以好自然咁「視覺隱藏」咗隻模型本身嘅缺陷。 ）

本MSV Modeling Catalog以前喺信和同宇宙船見過, 當然, 同其他日文書一樣喺天價

前年去日本都唔喺咁易搵, 由大阪走到神戶先買到

攝影，尤其是商品攝影，「隱惡揚善」從來都是法則之一，這並不是太難懂的道理。

有趣的討論, 欣賞這 formu