http://youtu.be/G5QTPUskwLY



[ 本帖最後由 ketamine 於 2015-3-19 08:37 AM 編輯 ]

我都有間中上大陸工作, 雖然我好討厭呢d行為, 不過其實問心又唔係個個都係咁. 感覺上海係一個唔錯的地方, 大家開車會讓路而唔係搶身位.  深圳地鐵的人比香港更文明, 起碼我見到佢地會讓座比有需要的人. 唔似香港坐低o左就算炒車都唔會起身...

另外我自己咁諗. 每個地方都有無文化的人, 我當只有1%的人係咁 (已經好唔錯了), 中國13億人的1%即1300萬人. 已經是香港總人口的2倍了. 所以又唔係咩特別, 只可以說大陸人口太多吧...

當然我一直都好討厭呢d不文明的行為. (唔理咩國家的人)

有次我到北京公幹，係地鐵站排隊買飛，輪到我時突然有個人打尖係我前面，我拍佢話“喂，排隊喔”，佢答我話“吓？要排隊嘅咩？”
我諗下，又係喔，係大陸，要排隊嘅咩？係我自己唔識大陸規矩，冇得話人。。。

其實香港都有好多唔守規矩同冇禮貌嘅人，自己都要反省下。

我都遇過... 我同父母搭深圳地鐵(係老人家), 一上車有三個廿多歲的國內年青人, 一見老人家上車便彈起來好有禮貌地讓座, 果三個人似乎係兩啤人互相唔識的, 但都本能地主動讓座(要強調睇得出係佢地本能反應)

感覺上這事情不是偶然發生, 而係一種當地culture, 深圳是移民城市, 絕大多數都是外來人口, 而且大多比較年青個別有一定程度學歷, 正如C兄話斎, 在HK我就遇唔到了, 這裡有些年青人仲要坐低撐開兩腿大排款模樣的打手機game, 近年本地MTR引入禮讓座概念, 我在08年去台北玩時, 見當地就算下斑繁忙時段, 車上頗人多座位坐滿時, 但其中兩個禮讓座總係空出來沒人坐的, 個個車廂都有此情況, 凡此種種, 都是兩岸三地的文化不同分別, 各地政府真係要檢討下自己的文化禮貌推廣做得成效如何

[ 本帖最後由 松尾明 於 2015-3-19 10:09 AM 編輯 ]

呢段片都算經典.... 斥港人阻住佢睇電視

https://www.youtube.com/watch?v=ENbqZcMA2OE

只可以講排隊係基本常識禮貌

甘香港人既特色系咪就系當街圍人地母女，同埋起飛腳踢阿伯呢？
邊度都有人渣，邊度都有好人，
你可以話片裡邊既人無教養，但唔好隨便開地圖炮鬧埋其他人，
香港一樣有人渣，一樣有賤精，甘係咪可以等同香港人系人渣，賤精呢？

[ 本帖最後由 SunnyYe 於 2015-3-19 12:17 PM 編輯 ]

香港人成日話"大陸人"點樣點樣, 其實曾幾何時, 好多香港人依家口中講既衰o野自已都做過!  好景果陣, 系瑞士名錶店, 最大聲既就系香港人, 系日本溫泉酒店, 著住泳衣落水又有, 唔沖身落水又有 (系日本人眼中, 同系泉水度 PeePee 無分別), 都系香港人, 以前出們, 基本上出遇到說話最大聲既絕大可能系港人

以前有個笑話, 老婆看過電影 "時光倒流七十年" "Somewhere in Time", 有感而發話 "如果時光真的可以倒流那多浪漫喔.." 老公漫不經心說 "有多難?? 坐三時時直通車上廣州就可以啦"

財大自然氣粗, 我地見過台灣人, 跟著日本人, 依家輪到"大陸人", 我自已就覺得無乜唔妥, 反而覺得好多香港人.自覺今非惜比之下, 除左話自已素質比人高之外. 就無乜野可以同人家併

我到過上海, 蘇州, 年輕一代基本上都唔覺有乜野"壞習慣", 感覺上公德心也很強, 我相信假以時日, 一定會進步!  

每個地方都有自已既情況, 我回國, 其實有好多o野都看不順眼, 但系我會接受, 搞除非您認為"所有大陸人都系咁" (我真系有朋友系呢個想法  ), 否則無謂同人加個 Label

無錯, 我想講的正正就係佢地"讓座" 已經是"本能反應", 習以為常, 總之見到有需要的人都會讓 (當然都見過有人死都唔讓), 是風氣一種. 台灣呢方面都做得好好, 基本上關愛座就算無人都唔坐. 香港就有排都學唔到. 而且都明白好多時工作已經辛苦, 收工想休息下姐. 都係果句: 好人壞人邊度都有, 係睇你見到幾多.

我自己覺得無咩所謂, 需要就坐啦. 我自己覺得如果有需要而無人讓可以主動去問可否讓座. 因為我親身試過坐地鐵時, 有個好後生的女仔(睇樣應該無18歲, 最多16,17歲左右) , 仲有一男一女(差不多年齡), 企在我前面, 之後聽到佢地講野不過無留意內容. 跟住過o左幾個站有位, 坐在我旁邊, 跟住聽得出佢同佢朋友講野串我唔讓座, 聽聽下先知佢係大緊肚(但睇樣加上佢年齡真係唔會聯想到...), 本身都想串返佢轉頭, 不過見佢咁細個就大肚都應該唔係自願的, 所以扮聽唔到算.

講開讓座與大肚婆，小弟差D就有個好可悲的經歷，半年前小弟太太（小太)懷孕期間於下班時間搭港鐵，她幸運地有個位座下，同一時間不遠處有另一孕婦無位座，基於她的懷孕週數比小太大，小太就意圖讓座給那一位太太，但我就阻止了事情發生，我認為要大肚婆讓座予另一大肚婆是十分可悲的事，在同一車箱內其他有座位的乘客只顧玩手機、吹水~!!

我自己有位一定坐, 不過見到有公公婆婆或有需要人士都會主動讓位. 但有時有d "borderline case" , 例如見佢唔係好老, 又或是睇落唔知大肚定肥, 如果無啦啦讓又怕佢嘈 (真係試過有個阿叔以為我話佢老而唔肯坐仲話我玩野...) 所以我都係認為如果有需要, 你開口我一定讓. 而唔好無人讓又之後話人無禮貌. 始終讓係人情唔係必然, 唔係欠o左佢的, 唔好以為自己大肚(好似果位少女) 或是年長就expect一定有人讓.

我試過讓座比西人大肚婆,見佢個肚都唔細(肯定唔係肥婆)
點知比佢請食檸檬話no thankyou
各處鄉村各處例

文化可能各處有差異，但旅行就應該入鄉隨俗，尊重當地文化。
須知道個人行為，在外國人眼中就等同全個民族，唔會考慮你個人背景。
再講，排隊係一件好容易學的事，亦係文明人的做法，唔排隊而惹人反感，就唔好話人唔包容了！

至於讓坐，我通常都會先示意，對方唔拒絕就等定佢行到埋嚟先起身，避免表錯情或被他人截咗糊

[ 本帖最後由 JBear 於 2015-3-19 06:22 PM 編輯 ]

https://www.youtube.com/watch?v=OzM8TqnhGeU