本人２０年冇砌過模型了，近埋俾新出既ＢＢ戰士吸引．所以入返坑．
暫時想砌隻武者頑駄無．但感覺已經好難上色．．．
上網搵過幾個製作方法．
自己心目中想素組＋補色就ＯＫ．　當然除左眼部之外，其他其方都唔想用貼紙
如果唔係咁就真係變左低Ｂ戰士了．


因為我有搵個Ｄ文章，但主要係搵到既都係台灣既POST，
佢地對D油既稱呼好唔同．所以要係度問各位大哥．．．

佢地會叫gaia,同　郡氐油性油叫：硝基漆．
田宮油性係：琺瑯漆．

而gaia,郡氐　既T-01係會洗甩gaia,郡氐,田宮既油性油
而田宮既X-20只會洗到　田宮既油性油．
係咪咁樣呢？



好多ＢＢ戰士都有Ｄ細微位，如金邊喎Ｄ．
所以可以咁樣整？

心目中既製作方法係
（由於超級新手．會用噴罐＋GUNDAM MARKER製作）
如心口喎個位

先噴郡氐金色,再噴田宮黑色.之後可以再用田宮X-20就可以洗左唔要既田宮黑色,從而出左底喎隻郡氐金色出黎嗎？

另外GUNDAM喎D Maker係水性？　如果我油多左出左界,咁可以用咩洗? 定係用筆刀刮就得？


再另外請問有冇師兄知道香港有邊度有Ｄ隻 GAIA 既Easy Painter？，MANY MANY THANKS!




求各位模型大哥解答∼∼∼萬分感謝！！

[ 本帖最後由 king1014 於 2015-3-14 06:42 PM 編輯 ]

謝謝解答, 但係我覺得抹番條金邊出嚟係易D,因為對自己遮蓋技巧冇乜信心.
下面紅色呴個V字既金色就會用遮蓋,因為係凸出來( 只係憑感覺覺得會易D )

另外想問 如上色後, BB戰士 喎D武器 俾佢拎幾下, D色咪好易甩囉?
係咪可以用D支野, 噴層當保護就會減少出現甩色情況呢?



[ 本帖最後由 king1014 於 2015-3-14 09:29 PM 編輯 ]

咁請問師兄要點樣先可以避免 角色係拎武器時導致 甩色呢?

係播,原來咁都係一個方法. 會磨細同磨薄把劍.如果唔燧放入劍套又係會甩色,
模型真係好玩. 但動工之前先要諗清楚點做.
謝謝你既解答.

再想問多你一句. 你心口喎個金色位 ,黑色喎面個係用返佢貼紙嗎, 定係就咁手油金色? 謝謝

謝謝解答。因為我毫無認識。想再問多幾個問題。

係咪田宮既噴漆係等於田宮基身既普通油性油。（細細樽喎d)
咁都應該即係郡氐既tinner係會洗到田宮同郡氐既油。
而田宮既x-20只會洗到田宮既油性油。

所以我其實心口個黑色位可以先用郡氐噴黑色。
然後金色部分用手塗田宮金色油性。
如果萬一出左界。都可以用田宮既x-20洗返。
而唔會先到郡氐既黑色?

另外如果得既話。田宮油性油金色洗唔洗先開油再塗呢?
開油係咪都係用x-20?比例又會係多少呢。
本人係模型白痴。有勞大家一答再答。謝謝

[ 本帖最後由 king1014 於 2015-3-15 02:05 PM 編輯 ]

關於油的屬性,本人已經明白,gaia,郡氐,田宮油性油的關係,
但水性油本人還是太清楚,在此再求教各位師兄
也參考了這裡http://model.chingb.com/ModelTips003.asp
但是不太明白....

郡氐的TINNER係可以洗掉 ,gaia,郡氐,田宮 的水性油 當然還可以洗掉油性油啦
而田宮X20A 係只可以 洗掉 ,gaia,郡氐,田宮 既水性油, 而洗唔到油性油,
係咪咁呢?


所以我想用以下方法整,唔知行唔行得通?
[attach]449744[/attach]

我心目中既步驟係咁
把劍,分別有3種色( 銀,紅,金)
步驟1) 不用打底色(其實我係唔知洗唔洗打底色... ),直接係刀刃噴gaia既星光銀(油性),
步驟2)當噴完刀刃銀色後,黃膠紙蓋住,然後噴劍柄噴金屬紅(油性)
步驟3)手油水性金色到其他應該係金色既地方.

咁做既理由係因為我覺得金色喎D位咁細既地方油上去我一定會油出界(模型新手,請體諒.... )
出界後等亁了就用田宮X20A 沬左佢, 因為田宮X20只會洗到水性油,
而唔會洗到其他已上色既油性油.

唔知D個理論是否正確呢?或者其他模型老手係會點樣處理DD 一件細細件冇得分件既武器之類?(好多時都會有DD情況,求求大家話我知係點處理?)謝謝

另外還想問....這支消除筆係咪剩係可以消除GUNDAM MARKER既油? 定係油性水性都會洗埋?
如果油性都洗甩...咁我如果用油性油做底色, 滲線後咪唔可以用D支筆沬多出既線?
因為會洗甩埋D底色? 咁支筆既作用係乜?
[attach]449745[/attach]
請大家多多指教,謝謝

[ 本帖最後由 king1014 於 2015-3-25 01:08 AM 編輯 ]