無錯!! 我都係咁話, 雖然有d師兄認為做舞小姐無咩大不了
但係你話我保守好啦, 我就唔係咁接受到
而且女主角講到做下舞小姐好似暑期工咁.........如果依個風氣再蔓延開去, 個個16,7歲學生妹走去做舞小姐既社會係咪大家想見到呢

個風氣已經蔓延開左好耐

我明白...
其實睇埋呢個女仔被訪問既片段....都睇吾到佢認為呢件事係「錯」,所以「能吾能改」呢部份完全吾洗討論...
可以睇下佢自己點講:
引用片段,蘋果動新聞網 (點擊後,再響左邊既片段選擇)
自爆做舞女　周澄被讚
http://hk.dv.nextmedia.com/templ ... &av_id=14200377
周澄：我做舞小姐的日子
http://hk.dv.nextmedia.com/templ ... &av_id=14200377
我只係有一個疑問,點解當時佢無同屋企交代佢「係夜總會打工」,片段旁白描述,她是「呃家人在cafe打工」...她當時為甚麼要這樣做呢??

[ 本帖最後由 matleung 於 2010-7-3 10:36 PM 編輯 ]

點解你會覺得一個女仔喺夜總會做會同屋企交代？

一句到未,淆底!...

問題唔可以就咁睇表面
詹生單野大部份人都唔likey佢 所以反而對社會無咩影響
周小姐單野其實反映左唔少時下少女既諗法, 揭露左一d 潛在既社會問題
如果將依單野同早排富翁女賣私鐘一齊睇
其實唔難發現新一代人既道德標準愈黎愈模糊, 賣淫/援交依d野有左好耐, 但係以前都係收埋收埋,依家愈黎愈光明正大...........好似我援交我自豪咁
情況持續既話再過十幾廿年可能變到好似英國咁, 大學開性愛派對不斷, 墜胎/未婚媽媽大幅上升

做過舞小姐又如何?做過一日舞小姐就一世都係舞小姐?每個人都有過去,只要唔係傷天害理打家劫舍,又有咩問題

做過舞小姐唔係重點，重點係46樓個回覆。

呢D都係借題發揮啫,成個年青人族群有幾多個會係咁?見到幾個壞例子就咁講,但係見到有年青人有理想有大志個案佢地又會唔會好似依家咁放大黎睇?好多野都係各有所需,傳媒需要做一D野,見到有咁好機會仲唔搞大佢

我之前都答左一次, 唔係我岐視舞小姐
而係作為一日家境富裕既學生都出做舞小姐, 而且佢認為咁做無咩問題唔後悔
你唔覺得咁樣會教壞時下年輕人既咩?

如果你認為一個無經濟壓力既十幾歲學生去做舞小姐都無咩問題
我只能講你既道德標準太低

[ 本帖最後由 GaryMok 於 2010-7-3 11:02 PM 編輯 ]

唔通要到壞例子比目皆是我地先黎關心? 如果你有睇過港台拍個個援交少女特輯, 你就會知壞例子唔止幾個

[ 本帖最後由 GaryMok 於 2010-7-3 11:04 PM 編輯 ]

咁就要睇你用咩角度去睇舞小姐呢個行業喇,有人覺得係十惡不赦,但我個人覺得只要唔係出賣肉體同靈魂都唔係咩問題

力兄: 你道出左問題既核心.....我都吾覺得一個女仔係夜總會打工,係會同屋企交代...如果我係果個女仔,我會設法隠瞞....因為我自己都覺得「係夜總會打工」(指做舞小姐)有問題....但係呢個女仔既睇法明顯同我吾同,佢覺得無錯,但佢又選擇呃屋企人喎...我覺得呢點有 d 矛盾,所以先想問下...

交代方面,涉及兩個層面既問題:
1.點解「做咩野」都要同屋企交代?
2.點解要話俾屋企人知:「我係夜總會做」?

要吾要交代,可能人人做法吾同,但因為呢個女仔當時係有同屋企交代佢去左邊度打工(cafe),所以呢個問題上,佢行動上做左「要同屋企交代」.

其實佢響7月1日段片有講過:「希望大家平心靜氣,放下某一些所謂的道德眼光去看這事」....我諗,唯一可以解釋得到呢個「自己無錯,但又要瞞」既矛盾,玄機可能就係響呢度勒.

佢當時認為自己無錯,係因為當時既佢,就已經「放下某一些所謂的道德眼光」,所以佢覺得響夜總會做舞小姐係無問題...但仍然要瞞住屋企人,就係佢認為當時既屋企人仍然有「某一些所謂的道德眼光」....

一個社會要所有人都唔可以行差踏錯,我相信要係北韓先可以做到

無人講過舞小姐十惡不赦
出賣肉體亦唔一定要上床先算出賣左
長氣都要講多次, 為左生活去做舞小姐可以體諒 學生妹又無經濟壓力去做好有問題!!

如果純跳舞.同賣唱..的確唔成問題
但我估計
做得舞小姐.點都要俾人抽下水....
咁又算唔算係出賣肉體...
定係賣子宮同陰道.先算係出賣肉體呢

你完全離晒罩

你真係相信歡場有唔係出賣肉體同靈魂的嗎 你這未免太天真了, 如果落去嘅客有咁嘅想法, 呢行絕對係正當職業, 人家亦唔會戴有色眼鏡啦~

上面段video訪問都有講, 佢都認要比客人抽水
唔通真係比錢你針酒咩, 舞小姐要做d咩大家心裹有數啦

[ 本帖最後由 GaryMok 於 2010-7-3 11:17 PM 編輯 ]

倔強？