小弟細細個已經好鐘意砌高達,不過都係素組居多,近呢幾年想多D接觸上色之類既技巧
不過知識又多又深我又唔太識日文,想問下前輩們其實當初由邊飯開始著手學野先?(打磨上色到改件之類)
因為新手一名又想整我好好睇睇唔好浪費岩岩買既NU.KA:(...黎緊可能會買噴鎗,想按步就班慢慢學
PS.爬過文,但都係想知大家點樣由初哥變老手,可唔可以分享下?

砌得多就可以叫老手，衰多幾次都可以係老手。
最緊要嘗試多D，我係用劃筆油起，當年爬文書内相片是黑白的，
好多野都係自己試，衰左咪砌過第二盒囉。

嫌我老套都係咁話，工多藝熟係不二法門，上堂學晒都冇用，唔落手砌真係點爬文都冇用，就算老手，隔太耐冇砌，一樣會犯錯，有時仲係錯啲基本嘢㖭
驚浪費咪搵啲粗嘢練手囉，唔肉痛嘛。

[ 本帖最後由 機動老鬼 於 2014-5-22 03:03 PM 編輯 ]

我都試過手油,補夾口位,打磨,不過見到人地用噴鎗啊,改件改色既成品個種魅力真係沒法擋,始終想去到個個等級 唯有恨自己窮

唉,都唔知幾多SD成為左犧牲品..依加讀緊設計可以話都係因為對高達同模型既熱愛

高手我確唔敢認，老手/老屎忽就絕對係。
個人亦都係以失敗中成長既一代，同買書自學。但近年似乎已經唔再接受呢套了。
連叫人買本教學書都俾人講唔好。市面有好幾本中文模型教學書。由頭睇到尾既，自然好多野都唔洗再問人求人，只要肯試就可以成功。

樓主, 我先表明自己不是老手.
初頭可以先練0下補夾口,
因為個底做得唔好, 上色點好都唔靚.
之後練0下上色, 試下各顏料的發色特性,
到咁上下就試下玩改造,
例如: 刻線, 用膠版搭建, 原子灰堆砌...
點改造就參考唔同的design,
好似呢度的師兄將老模改關節或比例,
呢D都係好好的參考.
到最後, 可以玩油泥彫刻, 複模後就再上色.
玩到自製模型呢個階段, 都可以叫造形師了.
以上小弟小小分享.

工多藝熟絕對係金科玉律

師兄都可以係模人問睇下其他師兄嘅帖，可獲益不少

我自己由錯起步 因為MG而家技術做到可以無視夾口 有好多工序都慳左時間
新手建議用SD HG模型做夾口及上色練習
噴色最好練好開油 (因為開得唔好 油太杰會噴絲或吐油/油太稀會好似噴水唔上油)所以呢個步驟一定要自己控制點去開油 我自己開油比例為1份2  1為油 2為開油水
噴油基本 自己會先由上開始向下 再由下而向上噴 /又或左至右 再由右去左噴
其實咁多模型基本功 有錯係一定既 所以想成功一定要自己多練習同埋最好睇下片去學下D技巧

強力推介買幾盒FG或AG, 一次過練晒無縫打磨上色

熟手左可以練埋改造,刻線

就算衰左都唔可惜

其實開油係有一個比較"準"既方法/工具. 工業上噴油有時都會有用到的.  叫viscosity cup 粘度杯.
不過要開一定咁上下分量先用到. 所以冇乜人係模型圈內提出來研究.
點用既. 我唔係到詳細講了. 去YOUTUBE search viscosity cup / zahn cup有人做晒 demo, 好過文字打出來.
就只講重要/留意事項啦. 正規既, 當然係買啦. 仲有個chart 要對住用. 亦要因住買乜野number 既杯.
但模型友只係用來噴筆噴既. 其實大可以自己整既.
因為噴筆用既油既 粘度 應該係 3 cps 左右. 呢個數本身應該會由噴槍廠畀既. 如果係噴槍, 說明書應該會list左出來係幾多. 噴槍大口徑既會高一d. 噴筆既, 3cp 的確係差唔多了. 唔信既可以search 下internet. 我就唔係度再provide 點解係 3cps 了. 信就信啦. 唔信就自己再找好了.
ok. 因為剛o岩脫脂奶 係3 cps 的. 所以模型友噴筆用既粘度杯就變成可以"自制"了. (亦所以有講開油應該開到好似脫脂奶咁稀. 係因科學數字去back up 的 )
只要用脫脂奶做 reference 來calibre 個自制粘度杯就做到. 做個chem lab 既應該即刻諗到會點做了.

用脫脂奶 run 3次以上, 再average 返個time, 就會知 3cps 應該係幾多秒. 之後就可以用個自制粘度杯知道d 油係太杰定太稀了.
又因為係自制, 個杯既大細, 個杯既孔既大細都係"自已決定", 唔洗跟正規 standardize 左標準來做. (我已assume 左你地睇左個d demo, 知個杯係點設計架啦)
不過想準確高既, "時間"應該越長越好, 亦即個杯越大得出既結果會越準. 個孔既細d 既亦會加長時間, 但太細既, 又會怕d油唔洗出來. 所以0.8~1 mm 應該係 最鈿了.

有次想一日搞掂隻1:100暴風無縫+打磨頭都暈曬

砌模型就係一種工多藝熟靠耐性既玩意. 冇咁既能耐, 就唔好有太高既要求. 成果係須要付出的.

自古成功在嘗試
砌得多自然累積經驗
往後自有進步
比起問人如何如何
從實踐中學習更加重要