(明報)2010年7月6日 星期二 05:05
【明報專訊】繼大家樂    集團主席陳裕光較早前提出「最低工資33元發盈警」言論後，香港僱主聯合會昨日在多份報章刊登「最低工資的事實」廣告，建議最低工資應為23.4元。清潔商會則指出，若未能解決最低工資，日後可能會導致長期服務金大增問題，他們不排除發起遊行示威或提早與有關員工終止合約。

立法會    將在下周三恢復二讀辯論最低工資條例，而臨時最低工資委員會將於月底前開會，決定第一個最低工資水平。香港僱主聯合會昨日以「最低工資的事實」為題刊登廣告，羅列6點建議，指「最低工資涵蓋率若多於勞動人口的5％，必引致失業率上升」、「當就業出現問題時，最受影響的將會是基層一群」。

聯會特別指出，在現時綜援    制度下，60歲以下單身人士每月援助金約為3095元。而各地區在釐訂最低工資的標準並不一致，但平均約為工資中位數的四成，根據香港情况，約為23.4元。

清潔業﹕或提早解約免高長服金

成員主要為本港清潔環保公司的香港環境衛生業界大聯盟，要求當局容許凍結舊有員工的長期服務金。召集人甄瑞嫻指出，即使最低工資是時薪26元或27元仍可接受，但由於員工的長期服務金是以員工最後薪酬計算，故估計在最低工資下，約有10萬名低薪的清潔工人時薪會上升，其長服金開支亦相應增加。

甄瑞嫻表示，長服金開支是難以轉嫁至業主，故不少清潔公司會受影響。該會已約見立法會議員譚耀宗    反映意見，若未能解決有關問題，不排除會發起示威行動。部分公司亦有可能在最低工資實施前，與員工提早「埋單」解除合約。

李卓人    ：工人會獲續聘

職工盟秘書長李卓人批評僱主聯會的言論是「靠嚇」，工盟已計劃到臨時最低工資委員會三名資方委員所屬的集團示威抗議，要求最低工資要有時薪33元。至於有關清潔公司可能會與大批清潔工提前解約的問題，他指部分清潔公司經常逃避支付長期服務金，若他們願按法例與清潔工解約及給予長期服務金，會是一件好事，在人手不足下，相信工人亦可獲續聘。
.http://hk.news.yahoo.com/article/100705/4/j0fo.html

真係低左�躠o冇三十都比二十八啦，冇二十八都比二十五啦。
二十三點四，不知所謂。

係囉，無二＋五都二十四點五啦，無二十四點五都二十四啦，無二十四都二十三點五啦，縮縮吓不如唔好提最低工資啦.....

我就唔信D老細會與員工提早「埋單」解除合約囉，抄哂D人無人手唔通老細自已落手做咩，而且一次過要比返哂D長服金出黎，有錢都留返自己袋好過啦。

33的確太高，大量人冇工開，好多中小型店舖一定頂不住，而大企業就加價，苦嘅又係中產，但家下講23.4又太低，同20分別不大，家下環境25-28會比較合理

33點會太高？

我都覺得23.4太低 (計你一日十個鐘, 番6日都得5千)
不過又要咁諗, 其實班僱主提依個價根本無諗住可以依個價傾掂數
只係講低d先之後"讓步"空間大d
好似僱員提33咁, 相信佢地都無諗過依個價位搞得掂

33蚊一定太高啦
計一日10個鐘, 25日, 一個月$8250 wor........
雖知道我大學畢業依家一日10個鐘(計埋ot有時唔止)都係搵緊11k........

你睇下依家有幾多工係5000蚊左右就知如果定33會影響幾大啦



你覺得33唔高不如你又講下你既理由ar

[ 本帖最後由 GaryMok 於 2010-7-6 01:22 PM 編輯 ]

33呢個數點計出黎你可以參考返職工盟既資料。

你計一日10個鐘, 25日, 一個月$8250呢條數啱，但係你估如果係行33，D老細會比你一日10個鐘返足25日咩？

唔好講到係理所當然，咁都有好多工係$3000樓下啦，呢D咪就係因為無最低工資，D僱主咪壓得就壓囉。

依家佢地靠嚇話會減人手，實際情况係依家基本上人手已經減無可減，一人個人做三個人既工作。

仲有你忘記左最重要一點係行最低工資既原因。

[ 本帖最後由 byg_zam 於 2010-7-6 12:17 PM 編輯 ]

我覺得 最低工資/最高工時 行唔通,  講幾多/少都有人讚成/返對.

制定工資最基本原則:
1.資本主意社會從來都係由市場黎定位/價. 一買一賣, 你情我願.
2.每個工種都有自己的獨特性, 不能一概而論
3.每個人工作表現, 各有不同

最後"最低工資/最高工時"只會輪為一D議員爭取選票嘅口號.

你講到人手減無可減, 咁老細請2個人番5個鐘同請1個人番10個鐘無分別
咁點解唔比你番10個鐘   (請少個人唔係仲方便d咩?)

同埋就當真係無空間再減人手, 唔代表唔會裁員
一下加咁多會有唔少職位消失左 (d公司仔做唔住)

你都識講有d工得3000蚊個月 因為無最低工資
咁加到$26,27已經幫到唔少 (我都支持最低工資ga, 唔係33而係26,27 jama)

[ 本帖最後由 GaryMok 於 2010-7-6 01:46 PM 編輯 ]

十分之唔同意第一條
你咁講法唔駛有政府監督tim啦, 全世界行緊資本主意之餘都要有一套社會保障制度!
唔可以太極端, 主要行資本主意都要有少少社會主義
你講到一句資本主意就可以搞掂咁不如行無政府主義啦
好......唔講住, 過左2點要開工

你咁諗係因為你唔知D老細既古惑招....

真係會做唔住咩，你有冇資料你所講既"公司仔"個老細扣除支出後一個月揾幾多？

呢點你睇返上個post我最後嗰點。

先唔好講你最後個點
就當你以上個d都岩, 你只係支持左要有最低工資(我都支持ga) 你無論證到點解係33wor
職工盟d野我唔清楚, 你可唔可以講少少

1:大原則喺要喺公平嘅制度下。
2:啱，但要加埋point 1。
3:都啱，如果評分者係公平、公正、公開。

正如我覺得共產主義係全世界最好嘅主義，但大前提係要全世界所有人都係無私、無自我主義。

其實d餐廳/店舖好大部份既收入已經進貢左俾地產商/業主

見你呢個時間都咁得閒喺度吹水，善用吓各大搜尋網，唔好咁懶，自已seach 吓啦。

我之所以講"你情我願", 係因為呢個世界好難有公平
我無對任何主義有偏好, 但我知道私心係人嘅本能. "要全世界所有人都係無私、無自我主義" 我想天國才有.

討論呢D嘢只會沒完沒了, 今日講23.4, 幾個月後(年尾)??, 再幾個月後(財政年度)?? 不停有話題不停有爭議.

"唔可以太極端, 主要行資本主意都要有少少社會主義" 十分同意, 平衡係好重要. 亦好難做到/好.

香港嘅社會保障制度己經算係全世界數一數二的好, 我地要知足

資本主意係經濟體系, 無政府主義係國家體制. 兩件不同的東西wor....

絕對唔係啦
香港嘅社會保障制度係全球範圍只屬於一般水平
歐洲既社會保障制度先係數一數二
不過又顯生出另一個問題, 就係福利社會養懶人(極端講法), 搞到歐洲經濟停滯不前
所以我都唔同意香港搞咩福利社會