我上了色很久，剛發現這些好像是橙皮紋？是否很嚴重嗎？請問是否用2000號沙紙打磨平滑後再上多次色便可？
謝謝各位~~

[ 本帖最後由 raylee6780 於 2014-7-28 04:03 PM 編輯 ]

同張枱同化左?

之前個POST大家俾左唔少意見,仲有咩疑問?

底油未乾透就再噴

你要確定油真的乾透才可以打磨

光油不要噴太厚
否則很難乾透

[quote]原帖由 raylee6780 於 2014-7-28 03:57 PM 發表
我上了色很久，剛發現這些好像是橙皮紋？是否很嚴重嗎？請問是否用2000號沙紙打磨平滑後再上多次色便可？
謝謝各位~~





Hi, Raylee,

當前急務 係 儘快 掌握 噴塗技巧, 試 找出 最佳噴塗 稀釋 濃度, 無論 你 用 0.3 dia  或  0.2 dia 噴槍, 噴料 在 玻璃樽 裡 應 被 調教到  牛奶水狀 濃度, 風壓 調至 在 1 - 2 bar 內 微調,

由左至右, 走槍 速度 儘可能 保持一致 !! 嘗試 做好 以上 一切 先 再作 下一步 程序吧 !!  否則, 及後  一般  根本 不需要 打磨 拋光 的 倒後鏡, 你 都 可能 局住 花大量 時間 去做 !

拋光 係 志在 提 高 模型質量, 並 不是 用作 彌補 噴塗上 嘅  技術缺陷 的 !! 希望你會明白 吧  !!  

繼續努力, 不要輕易放棄 !!

多謝AMG師兄指點。你說得對呀，我要盡快掌握噴塗技巧。不過我多數會用噴罐，但經常噴出橙皮紋，因此我要盡快解決這問題，要做多些練習。

delete

[ 本帖最後由 JBear 於 2014-7-29 06:58 PM 編輯 ]

噴既時候 要一層一層咁噴 唔好一次過噴過龍~

前日磨好左d橙皮零件，今日用噴罐再返噴，但無奈地橙皮依然出現。起初以為太埋噴所以出現橙皮，但原來唔係。聽日會將噴罐d油倒落噴槍再試噴，希望唔好出現橙皮啦！

最好就用噴槍,噴罐始終太濃太厚

就算倒噴罐油噴,都要稀釋一下

橙皮紋本身問題唔係在於噴罐或係噴槍，而係噴油時嘅掌握同技巧，掌握得好，噴罐都可以好滑淨，相反，手勢差，用乜都無用，緊記熟能生巧！

今日將噴罐d油倒落噴槍再試噴，非常失望地橙皮依然出現。 究竟橙皮紋是如何形成的？橙皮紋表面係咪沒有光澤呢？我都不算是新手，斷斷續續都玩模型都有十幾年，起初只係簡簡單單咁砌，什麼分割線，水畢地，拋光乜都唔識。自從加盟左呢度就漸漸對砌模型有深一步ge了解。之前我完成d作品都無咁ge問題，係呢一兩年開始出現問題，真係百思不得其解。真係要搵個高人指點指點。唔知邊度會有噴油技巧學呢？(其實我都唔知係邊方面出左問題)
現在打算用leveling thinner將所有油都洗掉包括底油，重新再上底灰及油漆。

[ 本帖最後由 raylee6780 於 2014-8-1 01:54 AM 編輯 ]

睇槍有冇洗乾淨   一次噴太多灰都會有機會出現  同埋的灰水教得吾好都會有

橙皮紋出現，首先要了解成因，噴油基本上分為兩種模式，1.乾噴、2.濕噴，一般噴灰、啞油或普通漆面，大多數係以乾噴為主，何謂乾噴？意思係喺俗稱「飛油」時，噴油手法會以較快速度「揚」過模型表面，由於漆油份量少、天拿水揮發快，基本上「揚」過嘅模型表面幾乎會立即乾透，此做法用於噴灰、啞油等狀況最合適，但若細心留意，會發覺漆面基本上係由小漆點所形成，由於漆面屬於無光澤，所以不易察覺及對表面無甚影響。但當噴光面漆時，情況就會完全唔同，因為若以乾噴方式處理，就會出現所謂的橙皮紋，由於光面漆屬反光面，小漆點會無所遁形，形成起沙、橙皮等情況，所以若要保持表面光滑亮麗，必須要採用濕噴方式處理，何謂濕噴？濕噴意思是噴油時要將「飛油」速度減慢，亦即是真真正正嘅噴油，由於噴面停留時間長，油漆乾燥時間會延長（基本上表面要數分鐘，甚至十多分鐘才開始乾透），令油漆小點有時間融合，令漆面較容易做到平整光滑（可先用廢件嘗試以較慢速度試噴，就會發覺兩者分別）。所以喺濕噴時要非常注意噴油速度與停留時間，同時亦要留意油漆濃度、噴油節奏、方向、距離、先後次序、位置等，都要有一定熟練技巧，並唔係三言兩語就可以解釋得到，要多練習多摸索，技巧自然就會掌握得到！

[ 本帖最後由 R32 於 2014-8-1 10:15 AM 編輯 ]

多謝師兄指點。