出黎做左一年野有感
岩岩公司in 左一批人, 有幾個係外國讀完書仔番黎, 其他十幾個都係本地大學生
結果請左2個ku, 2個poly仔, 其他咩u都有d咁, 唯獨是外國大學既一個都唔請

聽d同事講番, 應該係怕左個d讀唔成書"買"個學位番黎既學生
有唔少外國大學2年比完錢就話你係學位畢業, 同買個學位番黎差唔多, 而且會考0分都讀得 (仲有d搞埋咩遙距課程, 一個禮拜都唔駛番一日campus)

搞到我公司請人一定都睇埋會考分數, 如果係讀唔成書先去外國讀個d實唔請
就算有14分以上過外國, 都怕佢地過慣外國生活, 受唔住香港大壓力節奏快既工作, 而唔係好願請
佢仲話我聽有份黑名單係外國專收香港生, 賣學位既9流大學 (主要係澳洲) 如果一見係依d大學出黎, in 都唔駛in

依家真係世界變, 以前浸完咸水番黎幾威
依家搞到人見人怕
其實都怪d家長見d仔女一讀唔成書就送佢去外國讀大學 以為外國番黎屎都係香既


ps: 我仲未夠資格做in 人果班, 只係聽同事講8番黎, 有無誇大唔知
      不如大家都講下自己公司有無d 唔請外國仔既情況ar

[ 本帖最後由 GaryMok 於 2010-7-24 10:49 AM 編輯 ]

以前攞獎學金出去讀
而家係比錢人地讀
差得遠啦

仲要睇埋人地係外國生活如何

如果仲係同一班華僑,又唔同當地人交流

意義何在?

不過佢地通常比本地生有個優勢
就係唔怕講英文
儘管文法仍然錯唔少, 但至少肯講, 而且講得順
呢個優勢令佢地仍然有一定既價值

呢個係性格的問題
當年我D同學, 明知自己講左係有錯都照講

我有d以前好靜既同學去到外國都開朗左, 可能同環境, 人事有關
不過睇佢地好多都玩多過讀書, 個心態仲係今朝有酒今朝醉咁

都睇返貴公司/機構 請人D大姐係咪白鴿眼, 揀人注重外表+見識
例如 住新界西屋村 ,高考有A ,同人補習 都搵過萬
或 住太古城 留學英國 千金大小姐 讀音樂 , 見工套衫+隻錶貴過上級

如果請個出身富裕可能抄寫張簡體字速遞, 去銀行入數D "大"事 都唔識;
中文都寫錯+高分低能, 淨係返工講私人電話+炒窩輪

NN 矜

講真外國咁多大學,香港D井底HR 咪淨係識D出名 十大.
你問佢地東京大學物理勁定文學勁 咧
請 成功大學 定 暨南大學 經濟系?

[ 本帖最後由 alexlee2 於 2010-7-24 01:36 PM 編輯 ]

的確係有好多以前叫野雞大學既學校存在, 不過一般市立, 城立大學都係有返咁上下水準既.. 私立大學亦有得由大學排名睇返得唔得..

返而果 D 遙距羅degree既就比例難知真正水準了.... 而香港又真係好多澳洲大學搞既遙距學位, 所以先有錯覺既姐...