也許是心態老了，開始想當年了...

某天走在街上﹐心血來潮地突然想起︰唔....好像這陣子只留意HG及MG，前些日子的SD武者那些系列好像給忘了...對不是有新系列推出嗎...唔...去公司附近那兒看看吧(公司在長沙灣,反正都是去那間福X的)
剛進店，琳瑯滿目的貨架上的SD系就進了一大批新貨(嗯...太久沒來了...:P)習慣上都是在貨架瞎搗一陣才考慮目標，到下了手買了三國伝的某一款新產品後，三十五元正，返正都是差不多，之前風評都好像都不錯，不管了。
經過開盒...拆袋...昅說明書...好....開始有點奇怪的感覺...跟以前有不少的不同，反正買了不管了，但再「添食」後，發覺，以前的頭盔部份有些變了面罩，偷膠位多了，貼紙少了(雖然轉左自己上色好耐)，顏色分件少了，可以玩的方式和電鍍件....更不用提了...好像都不見了，電鍍件機乎價不過百不見，偷膠位多得有點兒過份(呀!影相個位師真抵讚，避得幾好)，可以玩的GIMMICK更不大(最多就係叫你買多兩三隻可以變下個膞頭....唉...)，貼紙和分色件都少了不少，齋砌好像...有點兒那個....總之...有點新不如舊..

自己本身是由武神輝羅鋼編踏上模型路的，那時可以玩的總好像比現在多，記得那時買來的模型，說明書是要「咪」的，看少一個步驟都有危險，但還是十分高興，三十來元一盒小玩意，做功不差，每盒都有它的特色，兒時不能奢侈買噴槍等高價玩意，又不懂用噴罐，那時貼紙絶對是好朋友，雖然和盒子外的完成品還有差距，但完成總有一種滿足感，武鋼編的電鍍亦是不得不提的好，多色電鍍，那時的天零買回時，真的「嘩!!」了一聲(雖然唔係三十零蚊)，但不少三十來元的都有電鍍，兒時不知天高地厚，總覺得懂「閃」的便是「型」，閃卡、閃粉.....

回頭....快十五年了....第一盒獸破到現在....SD武者/高達，那一代到這一代，各自各精彩，但...對自己來說那三十元的精彩好像己經不再...

十五年前三十蚊同依家既三十蚊緊係唔同啦.. 果時麥記一個餐都唔洗廿蚊, 依家廿五,廿六蚊先得呀...仲要呢十幾年油價升, 匯價又升.... 哥仔, 如果你十五年前生左個仔, 佢今年已經讀緊中4啦... 過多年如果佢犯法既, 可以當成人去審添啦..
睇開d啦...

用來影相果件模型其實已經補曬D偷膠位

同商業照片認真，你就輸了。

[ 本帖最後由 dobs 於 2010-8-15 12:35 PM 編輯 ]

如果當年廿幾蚊本 sd 列傳漫畫 , 今期三國傳已標價$38 , 過海買日文漫畫更70幾

你識去福X買sd 算平了, 記得去年復出 列傳d 旺角價

[ 本帖最後由 alexlee2 於 2010-8-15 01:30 PM 編輯 ]

其實 BB 戰士已經變相加咗價...

以前 300yen 有電鍍有彈簧, 跟住變相加到 500yen 先有電鍍件... 到咗而家彈簧取消了, 電鍍要 600yen 先有 (仲會氧化)...

以前 BB 武者隻隻唔同, 仲有隻 "寵物" 伴隨可以變唔同形態, 而家三國d 頭 / 身 / 腳時時共用, 砌法公式化, 拎走d 甲後跟本好難分出邊個打邊個, 冇哂自我特色, 砌一隻等同砌咗十隻, 變形~? 冇800~1200yen 唔駛諗, 創作誠意欠奉, 令以前玩開 BB 既舊人提唔起勁再儲落去...

最後, 早前見 Post 有隻特別版 "劉邦 (劉備) 高達", 個個回 Post 只係講隻限定版係劉備換甲云云, 但好似冇人記得 "劉邦" 同 "劉備" 其實係兩個唔同年代既歷史人物... BB 三國殺死 BB 戰士外, 仲殺死埋中國歷史...

[ 本帖最後由 twinsa 於 2010-8-15 02:23 PM 編輯 ]

歷史晨早俾人扼殺左啦

好似一騎當千咁

其實......早在明朝既三國演義都已經扼殺左三國既歷史......

哈哈，最近好多人都開始想當年了~~

人口老化, 呢度都開始老化
加上呢家D小朋友边有咁好心机砌模型. 要玩就買fix 玩,留返D時間上網同打机

我一定會keep住買模型,因為我想見到既高達係永遠唔會有fix等等(o個D全部係我自己幻想中既機體)
我阿媽好在一點,論功行賞 唔似而家D細路咁,係又買唔係又買