小弟想為盒hg gundam exia補番d色, 同盡量唔用貼紙, 但手上只得gundam marker
一油之下發覺在藍色的盾牌上油上白色非常困難, gundam marker的白色遮蓋力非常低
請問點做才可以上到好看的白色呢?(用手油, 盡量唔好太大工程同成本, 因為小弟極少砌野, 買左新野唔用好浪費)thx!

先油第一層, 等乾咗之後再上多層, 你會發現隻色白咗, 跟住再依自己想幾白而再重複幾次上述步驟

白色用噴鑵啦

用Mr.Base White 1000

Mr.Base White 1000係底灰黎喎(我用開)...雖然隻色係白色, 但係同油係兩回事黎架bor
再講人地都講明"用手油, 盡量唔好太大工程同成本"
點會仲叫人用噴鑵

Base White 唔係 white surfacer喎, 的確係底油喎.

白色本身既cover力就係低. 所以唔應該後噴白. 但如果真係冇得選擇, 就真係要噴層base white先再上白色(其他淺色都係咁做)... 手油都係咁做.

另外, 難做同成本唔係問題架喎, 方法既咁做就係咁做架喇. 鬼叫要求高咩. 唔係就要"張就"下架喇.

huh, 我噴出黎之後, 佢既質感同油有d唔同喎..
但係人地只係局部上色(我估咋, 因為佢話只係補色..), 用噴既話一係成隻重噴, 一係就用遮蔽液/膠紙遮.
相對佢只係要出到"白色"既要求既話, 加上佢係手油既, 我覺得佢用白色逐層逐層上會比較方便..

只係底油, 唔係面油麻..
用masking 唔係問題架... 我講既要求係"做到幾靚"姐. 唔係只係達到目的喎. 唔用base white做底, 都唔知要油幾多層先油到喎. 當然用gx 白會易過用 no.1 白既.

咁又唔係, 小弟新手(而家都係)用gundam marker, 隻白係大概油2~3層已經好白
當然噴係靚好多啦..

噴底灰,再上白
用mr.color(白)同田宮(白)隔住上

我建議用水膠彩 (又名 壓克力彩, 塑膠彩, 丙烯顏料, acrylic ), 遮蓋力強, 可用水開同洗筆, 啱晒怕麻煩嘅朋友(絕無貶意, 我自己都幾怕麻煩). 點綴補色甚至全隻上色都OK.
可到 環球,大文具店或美術用品店買, 環球嗰隻牌子叫 "Turner", 顏色喺 Titanium White(鈦白),
乾後啞色, 其他美術用牌子多數光身.
可點濕枝筆, 直接塗上模型, 幾分鐘就乾, 乾咗喺上面再塗亦唔起底.

若唔打算大玩模型, 用油性模型油, 又天拿水又乘, 包你無癮
呢啲水膠彩 十幾廿蚊支, 你要補小小色嘅話, 唔會太大花費, 一支白色, 一支一號面相筆, 喺咁多.

http://hk.youtube.com/watch?v=Ga1s5UUyju4
http://www.canonburyarts.co.uk/materials/paints/turner.html