哇. 真係快手...

貴爺團火好猛~~~

好！休息左一日，今日噴主色，ニ戰德國坦克，係顏色方面真係花多眼亂，又紅又綠，又黃又灰，有迷彩，三色呀二色呀！但不要急，大量彩繪與實車圖片可作參考，千其唔好自由創作喎，會有好多考證派出嚟講野架，始終軍事模型都係唔好偏離歷史。
我今次做東線德蘇戰事其中一種塗裝，全車泥黃色。


其實想玩痛坦，近排好時興嘅“戰車道”可以選擇呀！

首先將要上色嘅部件用物件固定，乜野你諗到嘅都得，作用係方便用手持著上色，可以揸住就得架隙。

今次用郡氏油。油漆方面，田宮水性，郡氏呀ｇａｉａ呀嘅硝基油，ａｖ呀ａｋ呀ｌｉｆｅｃｏｌｏｕｒ呀果Ｄ水膠彩等等，無所謂，怕臭嘅用水膠彩喇，但緊記要洗徹底Ｄ枝噴槍就得嘞！

要噴塗，現都喜歡做預噴陰影，我都照做，首先，用帆布色上預留高光位置。

跟住上主色，要薄噴。

大家睇睇，車底盤係無做預噴陰影的，大家見分別了。

小志强式制作過程繼續，到路輪上色，首先，用膠板做個小工具先：

用美術用圓形版模，選擇與路輪輪匡大小合適嘅圓形版模

再用針筆將版模刻上膠板上：

用筆刀界出劃出圓形嘅膠板：

然後套在路輪上，噴上主色：

俾心機慢慢噴，完成！

其實市面已有這類噴輪圈嘅圈版出售，想方便可以購買使用。

少少意見, 輪呔橡膠用灰色作底, 整體會沒咁 odd, 後期也會易做 d.

收到，明白。

精彩呀！   希望今次小志强唔好換入三杉淳啦。

唔識乜野係“三杉淳”

...

三杉淳，乃日本漫畫足球小將之一個角色，球衣號碼為24號，因患有心臟病而在球場上只得有限的上陣機會 。 (維基百科，自由的百科全書)