剛剛去完書展, 打算去那大店行下, 睇下有冇d造型係行緊路既兵仔買幾隻, 得知佢有mb兵就去睇下, 入到去我就搵下, 見到響近收銀位果度有mb兵, 不過疑似老闆娘響果度個玻璃櫃pat緊d筆, 咁我見佢又冇阻到我去睇mb兵, 我就冇叫佢借借, 我有我睇, 佢有佢pat, 當時我係mou響度, 佢就響我隔離企, 咁我見到有盒德國戰俘幾岩睇, 咁我就拎上手睇下, 睇睇下佢用好唔禮貌既語氣同我講"我一個女仔(下?女仔?=.=)響度做緊野, 你識唔識得講借借架? 你知唔知會整到我架?" 我立即o左咀, 佢立即話"你唔好用咁既眼神望我呀, 我都係咁講既啦!" 之後佢就行開搬開d野再同我講"拿而家咪睇到lo, 出聲呀ma"咁我當時就立即放返低盒野, 同佢講"其實有客響度睇緊野, 妳自己都要醒目行開啦, 更何況大家都唔阻大家, 放心啦, 我以後都唔會再睇既啦, 對唔住", 之後就走啦~

其實呢個"女仔"一直都係口黑面黑, 成日收銀果陣都好似要佢做野好唔耐煩既樣, 可能人地真係唔憂做啦, 又可能佢覺得我運佢吉, 甚至佢覺得我剛才對佢既美色動心, 但我想講, 我雖然都好幾個月冇掂過女人, 不過都唔會餓到連做得我阿媽既"女仔"有興趣啦~

其實我都想問下佢, pat野做咩唔返收收銀位入面pat完先拎返出黎? 不過算啦, 反正以後都唔會去啦~我唔係叫大家都唔去, 始終佢d野都幾唔錯, 又唔係好貴, 呢d鋪買少見少啦, 只希望個"女仔"唔好黑到你地面就得啦

有時想下, 波波賣既野係貴, 不過最少買到個態度, 零售業除左賣既貨係要物有所值之外, 服務態度都係一個重要既"商品"

你的樣子如何，你的日子也必如何

我都有時會去，佢比我覺得好情緒化，不過經常都係傾向唔好老脾，口黑面黑，

我都見慣晒，做生意態度講真 真係麻麻，

不過有時都會冇乜野，可能我冇乜阻倒佢又或者冇乜問佢野掛 ~

PS : 去書展 ? 係咪買寫真先 ~

完全冇性趣, 學方力申講: "d奶假架!!!! "

你話冰個既奶假先，都有 d 堅既，馮我觀人於微既經驗 !! ~

觀人於微？定係試過先？(速逃~~

學 ykk 話齋，唔通識如來神掌又話你知咩 ~

個老版娘份人平時係直d不過冇咩野，做野都好落力下。會唔會e幾日唔係咁方便...
肥牛兄你唔好彩啦

次次對我都好好有笑容，又有禮貌。

果個"女仔"係售貨員...老闆好人好多,次次去都同老板吹番陣水...可能佢見我同老板嗲到幾句,佢都冇試過冇水洗面咁對我,我比完錢仲識講"多謝"添(不過一個tone"冇尾音,)..

我住港島,要買野都會去果樹多,的而且確個"女仔"平時冇咩表情,ching你o既遭遇可能同日蝕有關...

可能啦...特別呢個年齡既女人...

不過平時係買得幾開心的~我估係一次半次姐~

嘩，果個阿姐都叫『女仔』

佢自己講架...我肯定我冇老作...所以我當時真係冇哂火...

係唔係酒店旁邊*灣仔道果一間*?

果日仲係....

阿sam真係冇唱錯，『十個女仔，九個認細...』

佢係咁架啦, 見慣哂. 我成日都去佢到買野, 有時買幾十蚊野我俾EPS都無同我黑面.

如果係講灣仔道果間，我成日去果度買補品同工具，個女收銀態度都唔算差，好多時都會講多謝！相比灣仔鴻X、旺角英X、千X達果3個女子就真係小巫見大巫。

買得唔順氣,幾平都唔幫襯