我係新手,可唔可以教我上色呀??

兄台... 上色好簡單的.. 買枝畫筆, 買枝模型油, 打開模型油既蓋, 點枝畫筆入d油到, 油上模型上.. 基本上就係咁架喇. 多謝...


我唔識渣飛機, 有冇人可以教下小弟???

大哥, 新手極都識手油掛?? 仲有, 求教於人, 俾返d應有禮貌先喇. 定係, 大哥你姓馮架??

[ 本帖最後由 VampireA 於 2008-11-13 06:23 PM 編輯 ]

其實你試左d色有問題先發問啦~你咁問唔清唔楚~無人幫到你~

有冇上美術堂? 都係差唔多者

咩都係自己試下先知..唔試就一定唔知

買幾瓶水性油, 再買幾枝筆玩住先喇.

我又唔覺佢冇禮貌喎~

俾我覺得佢冇禮貌我就會直接唔答佢野算數囉

我覺得佢都唔會唔識你所講既"買枝畫筆, 買枝模型油, 打開模型油既蓋, 點枝畫筆入d油到, 油上模型上"既..............

我諗佢係想問下要油得靓有D咩野要注意之類掛............

不錯!我都想知!

不如咁講, 如果你係街上問路, 你會唔會先講 "唔該, 請問.... "呢? 呢d就係求教於人時應有禮貌喇. 如果我同佢好熟既, 佢唔講"唔該"呢d客氣說話就冇問題.

兩個字:  耐性....

我反而覺得佢仲係要阿媽幫手綁鞋帶人
自己唔衰過點識上色阿

我唔係姓馮架....
唔該你

唔該你地呀...........

你可以用搜尋搵下手油~慢慢學

一定要衰過先識上色架咩.......

佢又冇問你點綁鞋帶.........唔好話覺得佢仲係要阿媽幫手綁鞋帶咁難聽啦........好嘛

人地都係想學下野姐.........





希望樓主唔會對HKML有唔好既印象啦~

網上可以教到人上色既話，cody兄可以唔駛開班教嚕

一句"我係新手，可唔可以教我上色"

新到點? 連用畫筆手油都唔識? 唔係掛，返學美術堂都應該掃過兩下掛

問題係佢講到咁概括，由邊教起先.....

正如唔通我上網問:我係職場新手，可以唔可以教我做人.....

問題在於「唔該」！

[ 本帖最後由 戰斧 於 2008-11-13 10:14 PM 編輯 ]

樓主如果上完色覺得有問題~可以影張相~之後問問題~有資料可能會多d人幫到你~有時用下搜尋功能~會比問人更有用~慢慢前進啦~

新手... 最重要係踏實d, 唔好想一步昇天. 講真既.

實際d既係.. 你想放幾多錢來砌模型. 錢唔係用來買模型, 而係買工具.

筆, 油, 開油水 通通都要用錢買.. 淨係油都分左三種(主要)... 水性, 硝基(油性), 琺瑯(油性)..

錢多既, 當然可以一次過買多d野, 錢少既, 就要盡量選d必須野先, 之後先慢慢繼續買.

仲有, 依家只係講油, 冇講"砌"果時要果 D工具.. 果 D都係要錢買.

anyway.. 我當你錢少先. 咁起碼可以買d都基本野先.
新手最好都係由水性油玩起. 之後先用油性野.
水性油 有郡仕 gsi / hobby color 同 雙星田宮 tamiya acrylic..
手油建議用郡仕hobby color , 因為個人覺得雙星水性手油好難控制.

買咩野色... 自己決定喇. 不過白, 黑, 藍, 紅, 黃, 綠, 橙就一定要買既. 綠同橙係盡可能唔好自己mix出來, 雖然係得, 但個色會差d既.

畫筆.. 買住田宮出果 D一套有幾枝既開始住先, 要有平頭, 圓頭, 同油細緻地方用既面相筆.

水性油雖然可以用蒸餾水開, 但一用蒸餾水就好耐都唔乾了. 所以都係要用水性開油水來開油的. 代替品係火酒, 但缺點d油會易"趣"左.
洗筆就可以用清水洗, 唔須要用開油水.

大致要開始時要既野就係咁多.  之後就同美術堂上用既廣告彩一樣了.